मत्ती 9:13 - Halbi

¹³ ऐईकाजे तुमी जाऊन भाती ऐचो अरत सिका, ‘मय बलिदान नाई मान्तर दया मन करूं आय।’ कसनबल्लोने मय धरमीमन के नाई, मान्तर पापीमन के हाग देऊक ईलेसे।”

परमेस्वर को सच्चो वचन ख जाननू

¹³ एकोलाने कि तुम जा ख ऐको मतलब सीख लेव म बलिदान नी पर दया चाहूँ हैं। काहेकि म धर्मी ख नी, पर पापी हुन ख बुलान आयो हूँ।”

मत्ती 9:13 ပူးပေါင်းရင်းမြစ်များ

मत्ती 12:3

हुन हुनमन ले बल्लो, “काय तुमी नी पड़लासास, कि दाऊद, जिदलदाय हुन आउर हुनचो संगवारी भूके होला तेबे काय करलो?

मत्ती 12:5

नाहले काय तुमी नियम ने नी पड़लास कि याजक सब्त चो दिने मंदिर ने सब्त चो दिन चो बिदी के टुटातो थाने बले बेकसूर ठेबु आत?

मत्ती 12:7

अगर तुमी ऐचो अरत जानतास, ‘मय दया ले हरिक होऊ आय, बलिदान ले नाई,’ तेबे तुमी बेकसूर के दोषी नी ठेबातास।

मत्ती 19:4

हुन जबाप दिलो, “काय तुमनमन नी पड़लास कि जोन हुनमन के बनालो, हुन मुर ले नर आउर नारी बनाऊन भाती बल्लो,

मत्ती 21:42

ईशु हुनमन ले बल्लो, “काय तुमी केबीई पवितर शास्त्र ने ऐ नी पढ़लास: ‘जोन पकना के राजमिस्त्रीमन बेकार ठेबाऊ रवत, हुनी कोनया चो मुंडी पकना होली? ऐ परबु चो बाटले होली, आउर आमचो नजर ने भयंकर आय।’

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 3:8

मन फिरातोर लायक चो फल आना;

मत्ती 4:17

हुन समया ले ईशु परचार करतोर आउर ऐ बोलतोर मुरयालो, “मन फिरावा कसनबल्लोने सरग चो राज लगे ईलीसे।”

मरकुस 12:26

मरलो बितामन चो जीव उठतोर बारे ने काय तुमी मूसा चो किताब ने बुटा चो कहनी ने नी पढ़लास कि माहापुरू हुनचो ले बल्लो, ‘मय अब्राहाम चो माहापुरू, आउर इसाक चो माहापुरू, आउर याकूब चो माहापुरू आंय’?

मरकुस 12:33

आउर हुनचो ले सपाय मन, आउर सपाय अकल, आउर सपाय जीव, आउर सपाय शक्ति चो संगे मया संगाव; आउर अड़स-पड़स चो लोग ले आपलो असन मया संगातोर, सपाय होमबलिमन आउर बलिदानमन ले बडुन भाती आय।”

मरकुस 2:17

ईशु ऐ सुनुन भाती हुनमन ले बल्लो, “अच्छा चेंगा के बईद चो जरूरत निआय, मान्तर बेमारमन के आसे: मय धरमीमन के नाई, मान्तर पापीमन के हाग देऊक ईले से।”

लूका 10:26

हुन हुनचो ले बल्लो, “नियम ने काय लिकलोर आसे? तुय कसन पडु आस?”

लूका 19:10

कसनबल्लोने माने चो बेटा हाजलो बितामन के डगराऊक आउर हुनमन चो मुक्ति करूक ईलो से।”

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

लूका 5:31

ईशु हुनमन के जबाप दिलो, “बईद अच्छा चेंगामन काजे नाई, मान्तर बेमारमन काजे जरूरी आय।

लूका 5:32

मय धरमीमन के नाई, मान्तर पापीमन के मन फिरातो काजे हाग देऊक ईले से।”

यूहन्ना 10:34

ईशु हुनमन के जबाप दिलो, “काय तुमचो नियम ने नी लिकलोर आसे, ‘मय बल्ले, तुमी ईश्पर आस’?

प्रेरितो 11:18

ऐ सुनुन भाती हुनमन ओगाय रला, आउर माहापुरू चो बड़ाई करून बोलुक धरला, तेबे तो माहापुरू दुसर जातिमन के बले जीवन चो काजे मन फिराव चो बर दिलो से।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

प्रेरितो 5:31

हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

2 पतरस 3:9

परबु आपलो बायदा चो बारे ने बेर नी करे, जसन बेर कितलो लोग समजु आत; मान्तर तुमचो बारे ने धीरज धरू आय, आउर नी चाहाय कि कोनी नष्ट होओ मान्तर ऐ आय कि सपाय के मन फिरातोर मवका मिरो।