मत्ती 8:4 - Halbi

⁴ ईशु हुनचो ले बल्लो, “दक, काचीई ले नी बोल, मान्तर जाऊन भाती आपन खुद के याजक के दकाव आउर जोन चढ़ावा मूसा ठेबालो से हुनके चेगाव, बल्ले लोगमन चो काजे गोहई होओ।”

परमेस्वर को सच्चो वचन ख जाननू

⁴ यीसु न ओ से बोल्यो कि, “सतरक कोई से कई नी कह, जा ख अपनो तुम ख याजक ख दिखा अर मूसा दुवारा निर्धरित दान चढ़ा जेसे पूरो लोग हुन ख पता होय जाहे कि तुम अच्छो हो गया हैं।”

मत्ती 8:4 ပူးပေါင်းရင်းမြစ်များ

मत्ती 10:18

तुमी मोचो काजे हाकिममन आउर राजामन चो पुरे हुनमन थाने, आउर दुसर जातिमन थाने गोहई होतो काजे पोंचाया जाआसे।

मत्ती 16:20

तेबे हुन चेलामन के हुसीयार करलो कि कोचीई ले नी बल्ला कि मय मसीह आय।

मत्ती 17:9

जिदलदाय हुनमन डोंगरी ले उतर ते रवत तेबे ईशु हुनमन के ऐ हुकुम दिलो, “जिदलदाय ले माने चो बेटा मरलो थानले नी जीव उठेदे, हुदलदाय ले जोन काई तुमी दकलासास कोचीई ले नी बोला।”

मत्ती 3:15

ईशु हुनके ऐ जबाप दिलो, “ऐबे तो असने ची होऊक देस, कसनबल्लोने आमके ऐई रीति ले सपाय धरमकरम के पुरा करतोर नगत आय।” तेबे हुन हुनचो गोठ के मानलो।

मत्ती 5:17

“ऐ नी समजा, कि मय मूसा चो नियम नाहले अगम गिआनीमन चो किताबमन के मेटाऊक ईले से, मेटाऊक नाई, मान्तर पुरा करूक ईलेसे।

मत्ती 6:1

“खबड़दार राहा! तुमी मानेमन के दकातो काजे आपलो धरम चो काम नी करा, नाहले आपलो सरग चो बुआ ले काई बले फल नी पाआसे।”

मत्ती 9:30

आउर हुनमन चो आँईकमन खुलली। ईशु हुनमन के धमकाऊन भाती जनालो आउर बल्लो, “खबड़दार, कोनी ऐ गोठ के नी जानोत।”

मरकुस 13:9

“मान्तर तुमी आपलो बारे ने बाचुन राहा; कसनबल्लोने लोग तुमके बड़े सभामन ने सोप दे आउर तुमी पंचायतमन ने पेटाय जाआ से, आउर मोचो कारन राजपालमन आउर राजामन चो पुरे उबा कराय जाआ से, बल्ले हुनमन चो काजे गोहई हुआ।

मरकुस 3:12

आउर हुन हुनमन के खुबे जनालो कि मोके उजागर नी करा।

मरकुस 5:43

फेर ईशु हुनमन के जनाऊन भाती हुकुम दिलो कि ऐ गोठ कोनी जानुक नी सकोत आउर बल्लो, “ऐके काई खातो काजे दिआस।”

मरकुस 6:11

जोन जगा चो लोग तुमनमन के गरहन नी करोत आउर तुमचो नी सुनोत, हुता ले जाते ची आपलो तली पाँयमन चो धुरला फाफडून दिआस कि हुनमन थाने गोहई होओ।”

मरकुस 7:36

तेबे हुन हुनमन के जनालो कि कोचीई ले नी बोला; मान्तर जितरो हुन हुनमन के जनालो उतली ची हुनमन आउर परचार करूक मुरयाला।

मरकुस 8:30

तेबे हुन हुनमन के चेताऊन भाती बल्लो कि मोचो बारे ने ऐ कोचीई ले नी बोल।

मरकुस 9:9

डोंगरी ले उतर तो दाय हुन हुनमन के हुकुम दिलो कि जिदलदाय ले माने चो बेटा मरलो थानले जीव नी उठे, हुदलदाय ले जोन काई बले तुमी दकलासास हुनके कोचीई ले नी बोला।

लूका 17:14

हुन हुनमन के दकुन भाती बल्लो, “जाहा, आउर आपन खुद के याजकमन के दकाहा।” आउर जाते ची जाते हुनमन शुद्ध होऊन गेला।

लूका 21:13

मान्तर ऐ तुमचो काजे गोहई देतोर मवका होये दे।

लूका 4:41

आउर दुष्टआत्मामन बले चिचयाते आउर ऐ बोलते कि, “तुय माहापुरू चो बेटा आस,” खुबेमन ले निकरून गेली। मान्तर हुन हुनमन के खिजते आउर बोलुक नी देते रलो, कसनबल्लोने हुनमन जानते रवत कि हुन मसीह आय।

लूका 5:14

तेबे हुन हुनके बल्लो, “काचीई ले नी बोल, मान्तर जाऊन भाती आपन खुद के याजकमन के दकाव, आउर आपलो शुद्ध होलोर बारे ने जोन काई मूसा चढ़ावा ठेबालो से हुनके चेगाव कि हुनमन थाने गोहई होओ।”

लूका 8:56

हुनचो आया-बुआ भक्याला, मान्तर हुन हुनमन के जनालो कि ऐ जोन होली से कोनी के नी बल्ला।

लूका 9:21

तेबे हुन हुनमन के जनाऊन भाती बल्लो कि ऐ कोचीई ले नी बल्ला।

यूहन्ना 5:41

मय मानेमन ले मान नी चाहायें।

यूहन्ना 7:18

जोन आपलो बाटले काई बोलु आय, हुन आपलो ची बड़ाई चाहाऊ आय; मान्तर जोन आपलो पठालोबिता चो बड़ाई चाहाऊ आत हुनी सत आय, आउर हुनचो थाने अधरम नाई।

यूहन्ना 8:50

मान्तर मय आपलो बड़ाई नी चाहायें; हव, गोटक आसे जोन चाहाऊ आय आउर नियाय करू आय।