मत्ती 8:20 - Halbi

²⁰ ईशु हुनचो ले बल्लो, “लोकड़लीमन चो भील आउर बादरी चो चड़ीईमन चो डेरामन होऊ आय; मान्तर माने चो बेटा चो काजे मुण्ड संगातोर बले जगा निआय।”

परमेस्वर को सच्चो वचन ख जाननू

²⁰ यीसु न ओसे कहयो, “कि लोमड़ी हुन ख लाने गुफा हुन हैं अर आकास कि पक्छी हुन ख गुड्डा हुन हैं; पर इंसान को पोरिया ख लाने मुंडी लुकान की भी जगह नी आय।”

मत्ती 8:20 ပူးပေါင်းရင်းမြစ်များ

मत्ती 12:32

जोन कोनी माने चो बेटा चो बिरूद ने काई गोठ बले दे, हुनचो ऐ अपराध छमा करा जायेदे, मान्तर जोन कोनी पवितर आत्मा चो बिरूद ने काई बले दे, हुनचो अपराध ना तो ऐ लोग ने आउर ना उपरपुर ने छमा करा जाये दे।

मत्ती 12:40

योना तीन रात दिन बड़े मछरी चो पेट ने रलो, असने ची माने चो बेटा तीन रात दिन धरतनी चो भीतरे रये दे।

मत्ती 12:8

माने चो बेटा तो सब्त चो दिन चो बले परबु आय।”

मत्ती 13:37

हुन हुनमन के जबाप दिलो, “अच्छा बीज चो बुनतो बिता माने चो बेटा आय।”

मत्ती 16:13

ईशु कैसरिया फिलिप्पी चो परदेश ने ईलो, आउर आपलो चेलामन ले पचारूक मुरयालो, “लोग माने चो बेटा के काय बोलु आत?”

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 17:9

जिदलदाय हुनमन डोंगरी ले उतर ते रवत तेबे ईशु हुनमन के ऐ हुकुम दिलो, “जिदलदाय ले माने चो बेटा मरलो थानले नी जीव उठेदे, हुदलदाय ले जोन काई तुमी दकलासास कोचीई ले नी बोला।”

मत्ती 19:28

ईशु हुनमन ले बल्लो, “मय तुमचो ले सते बलेंसें कि नवा बरमाण्ड ने जिदलदाय माने चो बेटा आपलो महिमा चो सिंघासन थाने बसे दे, तो तुमी बले जोन मोचो पाट-पाट होलासास, बारा सिंघासनमन थाने बोसुन भाती इस्राएल चो बारा गोत्रमन चो नियाय करा से।

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

लूका 12:8

“मय तुमचो ले बलें सें जोन कोनी मानेमन चो पुरे मोके माने दे हुनके माने चो बेटा बले माहापुरू चो सरग दूतमन चो पुरे माने दे।

लूका 18:8

मय तुमचो ले बलेंसें, हुन तुरते हुनमन चो नियाय चुकाय दे। तेबले बले माने चो बेटा जिदलदाय ऐये दे, तेबे काय हुन धरतनी थाने बिश्वास पाये दे?”

लूका 2:12

आउर येचो तुमचो काजे ऐ चिना आय कि तुमी गोटक लेका के फटीई ने गुन्ड़ीयालोर आउर कोंड़ा डोंगा ने पड़लोर पाहा से।”

लूका 2:16

आउर हुनमन तुरते जाऊन भाती मरियम आउर यूसुफ के, आउर कोटा चो डोंगा ने हुन लेकापिला के पड़लोर दकला।

लूका 2:7

आउर हुन आपलो पयलवात बेटा जन्माली आउर हुनके फटीई थाने लेपटाऊन भाती कोंड़ा डोंगा ने संगाला; कसनबल्लोने हुनमन चो काजे धरमशाला ने ठान नी रली।

लूका 21:36

ऐईकाजे चेत ने राहा आउर हर समया पारथना करते राआ कि तुमी ऐ सपाय ऐतो बिती घटनामन ले बाचतोर आउर माने चो बेटा चो पुरे उबा होतोर लायक बना।”

लूका 8:3

आउर हेरोदेस चो भण्डारी खुजा चो बायले योअना, आउर सुसनाह, आउर खुबे असन दुसर बायले लेकीमन। ऐ आपलो सम्पत्ति ले हुनचो सेवा करते रली।

लूका 9:58

ईशु हुनचो ले बल्लो, “लोकड़लीमन चो भील आउर बादरी चो चड़ीईमन चो डेरामन होऊ आय, मान्तर माने चो बेटा के मुण्ड संगातोर बले जगा निआय।”

यूहन्ना 1:51

फेर हुनचो ले बल्लो, “मय तुमनमन ले सत-सत बलें सें कि तुमी सरग के उगाढ़ी होलोर, आउर माहापुरू चो सरग दूतमन के माने चो बेटा चो उपरे उतरते आउर उपरे जातोर दका से।”

यूहन्ना 12:34

ऐ थाने लोगमन हुनचो ले बल्ला, “आमी नियम चो ऐ गोठ सुनलु से कि मसीह हरमेशा रये दे, फेर तुय केंव बोली सीस कि माने चो बेटा के डेंग थाने चेगाया जातोर जरूरी आय? ऐ माने चो बेटा कोन आय?”

यूहन्ना 13:31

जिदलदाय हुन बाहरे जाते गेलो तेबे ईशु बल्लो, “अदायं माने चो बेटा चो महिमा होली से, आउर माहापुरू चो महिमा हुनचो थाने होली से;

यूहन्ना 3:13

कोनी सरग ने नी चेगला, मात्र हुनी जोन सरग ले उतरलो, बल्लोने माने चो बेटा जोन सरग ने आसे।

यूहन्ना 3:14

आउर जोन रीति ले मूसा रान थानले सांप के डेंगे चेगालो, हुनी रीति ले जरूरी आय कि माने चो बेटा बले डेंग थाने चेगाया जाओ;

यूहन्ना 6:27

नाश करतो बिती भात काजे मसागत नी करा, मान्तर हुन भात चो काजे जोन अमर जीवना तक ठेबु आय, जेके माने चो बेटा तुमके देये दे; कसनबल्लोने बुआ बल्लोने माहापुरू हुनचेई उपरे छापा लगालो से।”

यूहन्ना 6:53

ईशु हुनमन ले बल्लो, “मय तुमचो ले सत-सत बलें सें कि जिदलदाय ले तुमी माने चो बेटा चो मास नी खाहास, आउर हुनचो लऊ नी पिआ, तुमचो ने जीव निआय।

यूहन्ना 6:62

अगर तुमी माने चो बेटा के जोन थाने हुन पयले रये, हुता उपरे जातो के दका से, तेबे काय होये दे?

प्रेरितो 7:56

बल्लो, “दका, मय सरग के उगाढ़ा होलोर, आउर माने चो बेटा के माहापुरू चो उजा बाटे उबा होलोर दकें सें।”

2 कुरिन्थियो 8:9

तुमी आमचो परबु ईशु मसीह चो अनुग्रह जानसास कि हुन सवकार होऊन भाती बले तुमचो काजे कंगाल बनुन गेलो, बल्ले हुनचो कंगाल होऊन जातो ले तुमी सवकार होऊन जाआ।