मत्ती 7:15 - Halbi

¹⁵ “फंदी अगम गिआनीमन ले खबड़दार राआ, जोन मेंडामन चो भेष ने तुमचो लगे ऐऊ आत, मान्तर भीतर ने हुनमन चिरतो बिता बिगवामन आत।

परमेस्वर को सच्चो वचन ख जाननू

¹⁵ “झूटा भविस्यवक्ता से सतरक रह, वी जे भेड़ को सकल म तुमारा नजीक आय हैं, पर वी भीतर म वी फाड़नवाला भेड़ी हैं।

मत्ती 7:15 ပူးပေါင်းရင်းမြစ်များ

मत्ती 10:17

मान्तर लोगमन ले खबड़दार राहा, कसनबल्लोने हुनमन तुमके माहासभामन ने सोपदे, आउर आपलो पंचायतमन ने तुमके कोड़ा मारदे।

मत्ती 16:11

तुमी केंव नी समजास कि मय तुमचो ले रोटी चो बारे ने नी बल्ले, मान्तर ऐ कि तुमी फरीसीमन आउर सदूकीमन चो खमीर ले खबड़दार राआ।”

मत्ती 16:6

ईशु हुनमन ले बल्लो, “दका, फरीसीमन आउर सदूकीमन चो खमीर ले खबड़दार राआ।”

मत्ती 24:11

खुबे असन फंदी अगम गिआनी उठून उबा हो दे, आउर खुबेमन के भरमादे।

मत्ती 7:14

कसनबल्लोने साकुड़ आय हुन कपाट आउर मशकिल आय हुन बाट जोन जीवना ने पोंचाऊ आय; आउर खिन्डिक असन आसोत जोन हुनके पाऊ आत।

लूका 12:15

आउर हुन हुनमन ले बल्लो, “तिआर राहा, आउर सपाय परकार चो लोभ ले आपन खुद के बचाऊन संगाआ; कसनबल्लोने कोचीई जीवना हुनचो धन-माल चो खुबे होलोर ले नी होये।”

लूका 6:26

“हाय तुमचो उपरे जिदलदाय सपाय माने तुमके अच्छा बलोत, कसनबल्लोने हुनमन चो बुआ-दादीमन फंदी अगम गिआनी चो संगे बले असने ची करा करते रवत।”

यूहन्ना 10:12

भुतीयार जोन ना चरेया आय आउर ना मेंडामन चो मालिक आय, बिगवामन के ऐतोर दकुन मेंडामन के छांडुन भाती पराऊ आय; आउर बिगवा हुनमन के धरू आय आउर जत-खत करून देऊ आय।

प्रेरितो 13:40

ऐईकाजे हुसीयार राहा, असन नी होओ कि जोन अगम गिआनीमन चो किताब ने ईली से, तुमचो उपरे बले ऐऊन पड़ो:

प्रेरितो 13:6

हुनमन हुन पुईतराय ढिपका ने होऊ-होऊ पाफुस लगले पोंचला। हुता हुनमन के बार-ईशु नाव चो गोटक यहूदी पोंगनाहा आउर फंदी अगम गिआनी मिरलो।

गलातियो 2:4

ऐ हुन फंदी भाईमन चो लागुन होली जोन खुसराय ओलुन ऐऊ रवत, कि हुन छुटछान्डा चो जोन मसीह ईशु ने आमके मिरली से, भेद धरून आमके दास बना ओ।

इफिसीयो 4:14

तेबे आमी पहिल ले लेका नी रऊँ जोन मानेमन चो ठग-बिदया आउर चलाक ले, हुनमन चो भरम चो फान्दामन चो आउर उपदेश चो हरकोनी लेहरा ले उदलाया आउर ऐ बाटे-हुन बाटे किन्दराया जाऊ आहास।

इफिसीयो 5:6

कोनी तुमके फकाहा गोठमन ले धोका नी दे ओत, कसनबल्लोने ऐई काममन चो लागुन माहापुरू चो रीस हुकुम नी मानतो बितामन चो उपरे भड़कु आय।

फिलिप्पियो 3:2

कुकूरमन ले चलाक राआ, हुन घिन-घिना काम करतो बितामन ले चलाक राआ, हुन काट कोट करतो बिता ले बाचुन राहा।

कुलुस्सियो 2:8

चेत ने राहा कि कोनी तुमके हुन तत्व गिआन आउर फकाहा धोका चो लागुन आपलो अहेर नी बना ओत, जोन मानेमन चो रीति बिदीमन आउर संवसार चो मुर सिक्या चो अनुसार तो आय, मान्तर मसीह चो अनुसार नुआय।

2 तीमुथियुस 3:13

मान्तर दुष्ट आउर गोठ ने फासतो बितामन धोका देते आउर धोका खाते नशते जादे।

2 तीमुथियुस 4:3

कसनबल्लोने असन समया ऐये दे जिदलदाय लोग खर उपदेश के नी सहुक सक दे, मान्तर कानमन चो खजरी चो लागुन आपलो इच्छामन चो अनुसार आपलो काजे खुबे असन उपदेश देऊ सकल दे,

2 पतरस 3:17

ऐईकाजे हे लाड़रामन, तुमीमन पयले ची ले ऐ गोठमन के जानुन भाती चेता राहा, बल्ले अधरमीमन चो भरम ने फसुन भाती आपलो ची थीरता के काहांय हाथ ले हजाऊन नी दिआस।

1यूहन्ना 4:1

हे लाड़रा मन, हरकोनी आत्मा थाने बिश्वास नी करा, मान्तर आत्मामन के परका कि हुनमन माहापुरू चो बाटले आय कि नुआय; कसनबल्लोने खुबे असन फंदी अगम गिआनी जगत ने निकरून उबला सोत।

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

प्रकाशितवाक्य 16:13

फेर मय हुन बोड़ासाप चो मुंह ले, आउर हुन पशु चो मुंह ले, आउर हुन फंदी अगम गिआनी चो मुंह ले तीन अशुद्ध आत्मामन के मेंढ़कामन चो रूप ने निकरतोर दकले।

प्रकाशितवाक्य 17:6

मय हुन बायले लेकी के पवितर लोगमन चो लऊ आउर ईशु चो गोहईमन चो लऊ पिवलोर मातलोर दकले; हुनके दकुन भाती मय चकित होऊन गेले।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।