मत्ती 6:25 - Halbi

²⁵ ऐईकाजे मय तुमचो ले बलेंसे कि आपलो जीव चो काजे ऐ चिन्ता नी करा कि आमी काय खाऊंदे आउर काय पीऊंदे; आउर ना आपलो देंह चो काजे कि काय पिंदुदें। काय जीव भात ले, आउर देंह फटीई ले बडुन भाती नुआय?

परमेस्वर को सच्चो वचन ख जाननू

²⁵ एकोलाने मी तुम से बोलू हैं की अपनो जिन्दगी को लाने यू चिन्ता नी करनो कि हम का खाएँगो अर का पीए अर नी अपनो जिन्दगी ख लाने कि, का पहिने, का जिन्दगी खान से अर सरीर कपड़ा से बढ़ ख नी हाय?

मत्ती 6:25 ပူးပေါင်းရင်းမြစ်များ

मत्ती 10:19

जिदलदाय हुनमन तुमके धरादे तेबे ऐ चिन्ता नी करा कि आमी कसन रीति ले नाहले काय बोलवां, कसनबल्लोने जोन काई तुमके बोलतोर होयेदे, हुन हुनी घड़ी तुमके सांगुन दिआ जायेदे।

मत्ती 13:22

जोन लाटा बुटामन ने बुना गेली, ऐ हुन आय, जोन बचन के सुनु आय, मान्तर ऐ जगत चो चिन्ता आउर धन चो धोका बचन के चेपाऊ आय, आउर हुन फल नी आने।

मत्ती 6:31

“ऐईकाजे तुमी चिन्ता करून ऐ नी बोला कि आमी काय खाऊंदे, नाहले काय पीऊंदे, नाहले काय पिंदुदें।

मत्ती 6:34

आउर काली चो चिन्ता नी करा, कसनबल्लोने काली चो दिन आपलो चिन्ता खुद करेदे; आजी चो काजे आजी ची चो दुख खुबे आय।”

मरकुस 13:11

जिदलदाय हुनमन तुमके नेऊन भाती सोप दे, तेबे पयले ले चिन्ता नी करा कि आमी काय बोलुन्दे; मान्तर जोन काई तुमके हुनी समया सांगुन दिआ जाये दे हुनी बोला; कसनबल्लोने बोलतो बिता तुमी नुआस, मान्तर पवितर आत्मा आय।

मरकुस 4:19

आउर जगत चो चिन्ता, आउर धन चो धोका, आउर दुसर तीजमन चो लोभ हुनमन ने भिडुन भाती बचन के चेपाऊन देऊ आय आउर हुन बिना फल चो रऊ आय।

लूका 12:11

“जिदलदाय लोग तुमके आराधना घरमन ने आउर अधिपतिमन आउर अधिकारीमन चो पुरे धरून जादे, तेबे चिन्ता नी करा कि आमी कसन रीति ले नाहले काय जबाप देवां, नाहले काय बोलुन्दे।

लूका 8:14

जोन बुटामन ने घसरली, ऐ हुनमन आत जोन सुनु आत, मान्तर पयले जाऊन भाती चिन्ता, आउर धन, आउर जीवना चो सुख बिलास ने फसु आत आउर हुनमन चो फर नी पाके।

रोमियो 8:32

जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

1 कुरिन्थियो 7:32

आउर मय ऐ चाहाऊं आंय कि तुमके चिन्ता नी होओ। ठेंगवा माने परबु चो गोठमन चो चिन्ता ने रऊ आय कि परबु के कसन हरिक संगायदे।

फिलिप्पियो 4:6

कोनी बले गोठ चो चिन्ता नी करा; मान्तर हरकोनी गोठ ने तुमचो गुहार, पारथना आउर गुहार चो दुआरा धन्यबाद चो संगे माहापुरू चो पुरे हाजिर करा जाओ।

2 तीमुथियुस 2:4

जिदलदाय कोनी लड़ीईकरू लड़ीई थाने जाऊ आय, तेबे ऐईकाजे कि आपलो भरती करू बिता के हरिक करो आपन खुद के जगत चो काममन ने नी फसाये।

1 पतरस 5:7

आपलो पुईतराय चिन्ता हुनचेई उपरे डालुन दिआस, कसनबल्लोने हुनके तुमचो धिआन आसे।