मत्ती 6:2 - Halbi

² “ऐईकाजे जिदलदाय तुय दान करसे, तेबे आपलो पुरे तुरी नी बजाव, जसन कपटी, सभामन आउर खोरीमन ने करू आत, बल्ले लोग हुनमन चो बड़ाई करोत। मय तुमचो ले सते बलेंसे कि हुनमन आपलो ईनाम पाऊन चुकला।

परमेस्वर को सच्चो वचन ख जाननू

² “एकोलाने जब तू दान करे,” ते अपनी जादा डोंडी मत पिटजो, जसो कपटी हुन, प्रार्थना घर म करते जावा हैं, ताकि इंसान हुन उनकी बड़ाई करे। मी तुम से सच कहूँ हैं कि उन न अपनी मेहनत को फल पा लियो।

मत्ती 6:2 ပူးပေါင်းရင်းမြစ်များ

मत्ती 15:7

हे कपटीमन, यशाया तुमचो बारे ने ऐ अगम गोठ ठीक करलो से:

मत्ती 16:3

आउर बिहाने बोलु आस, ‘आजी लेहरा धुका ऐऊ आय, कसनबल्लोने बादरी लाल आउर धुन्दरा आसे।’ तुमी बादरी चो चिना दकुन भाती हुनचो भेद सांगुक सकास?

मत्ती 22:18

ईशु हुनमन चो दुष्टता जानुन भाती बल्लो, “हे कपटीमन, मोके केंव परके सास?

मत्ती 23:5

हुनमन आपलो सपाय काम लोगमन के दकातो काजे करू आत हुनमन आपलो ताबिजमन के ओसार करू आत आउर आपलो फटीईमन चो धड़ी बड़ाऊ आत।

मत्ती 23:6

भोज ने मुख्य-मुख्य जगा, आउर सभा ने मुख्य-मुख्य आसन,

मत्ती 24:51

तेबे हुन हुनके भारी तकलीस देये दे, आउर हुनचो भाग कपटीमन चो संगे ठेबा ये दे: हुता गागतोर आउर दात कड़रतोर होये दे।”

मत्ती 5:18

कसनबल्लोने मय तुमचो ले सते बलेंसें, कि जिदलदाय ले बादरी आउर धरतनी खतम नी होये, हुदलदाय ले नियम ले गोटक मात्रा नाहले गोटक बिन्दु बले बिना पुरा होलोर नी खतम होयदे।

मत्ती 6:16

“जिदलदाय तुमी उपास करा, तेबे कपटीमन चो असन तुमचो मुंह थाने मुरमुरा नी छाऊ रवो, कसनबल्लोने हुनमन आपलो मुंह बनाऊन रऊ आत, बल्ले लोग हुनमन के उपासी जानोत। मय तुमचो ले सते बलें सें कि हुनमन आपलो ईनाम पाऊन चुकला।

मत्ती 6:3

मान्तर जिदलदाय तुय दान करसे, तेबे जोन तुचो उजा हाथ करेसे, हुनके तुचो डेबरी हाथ नी जानुक सको।

मत्ती 6:5

“जिदलदाय तुय पारथना कर से, तेबे कपटीमन चो असन नी हो, कसनबल्लोने लोगमन के दकातो काजे आराधना घरमन ने आउर सड़कमन चो मोड़या थाने उबा होऊन भाती पारथना करतोर हुनमन के अच्छा लागु आय। मय तुमचो ले सते बलें सें कि हुनमन आपलो ईनाम पाऊन चुकला।

मत्ती 7:5

हे कपटी, पयले आपलो आँईक थानले चिपड़ा निकराव, तेबे तुय आपलो भाई चो आँईक चो कचरा अच्छा ले दकुन भाती निकराऊक सकसे।

मरकुस 12:39

आउर आराधना घरमन ने मुख्य-मुख्य आसन आउर भोज ने मुख्य-मुख्य जगा बले मनकरू आत।

मरकुस 7:6

ईशु हुनमन ले बल्लो, “यशाया तुमी कपटीमन चो बारे ने खुबे अच्छा अगम गोठ करलो; जसन लिकलोर आसे: ‘ऐ लोग होटमन ले तो मोचो ईजीत करू आत, मान्तर हुनमन चो मन मोचो ले लापी आसे।

लूका 11:41

मान्तर हव, भीतर बिती तीजमन के दान करून दिआस, तेबे दका, सपाय काई तुमचो काजे शुद्ध होये दे।

लूका 11:43

हे फरीसीमन, तुमचो उपरे हाय! तुमी आराधना घरमन ने मुख्य-मुख्य आसन आउर हाटमन ने जुहार मनकरू आस।

लूका 12:33

आपलो धन-माल बिकुन भाती दान करून दिआस; आउर आपलो काजे असन बटवा बनावा जोन जुना नी होये, बल्ले सरग थाने असन धन रूंड़ा करा जोन घटु नुआय आउर जेचो लगे चोर नी जाओत, आउर कीड़ा नी नशा ओत।

लूका 12:56

हे कपटीमन, तुमी धरतनी आउर बादरी चो रूपरंग ने फरक करूक सकास, मान्तर ऐ जुग चो बारे ने केंव फरक करूक नी जानास?

लूका 13:15

ऐ सुनुन भाती परबु जबाप दिलो, “हे कपटीमन, काय सब्त चो दिने तुमचो थानले हरकोनी आपलो बयला नाहले गदही के दामा ले ढ़िलुन भाती पानी पिआऊक नी धरून जाये?

लूका 20:46

“शास्तरीमन ले खबड़दार राहा, जोनमन के लाम-लाम फटीई पिन्दुन भाती बुलतोर अच्छा लागु आय, आउर जोनमन के हाटमन ने जुहार, आउर आराधना घरमन ने मुख्य आसन आउर भोज ने मुख्य जगा अच्छा लागु आय।

लूका 6:24

“मान्तर हाय तुमचो उपरे जोन सवकार आहास, कसनबल्लोने तुमी आपलो शान्ति पाऊन चुकलास।”

लूका 6:42

जिदलदाय तुय आपलो ची आँईक चो चिपड़ा नी दकिस, तेबे आपलो भाई ले कसन बोलुक सकीस, ‘हे भाई; डण्डिक थेब तुचो आँईक ले कचरा के निकराऊन देयें दें’? हे कपटी, पयले आपलो आँईक ले चिपड़ा निकराव, तेबे जोन कचरा तुचो भाई चो आँईक ने आसे, हुनके अच्छा ले दकुन भाती निकराऊक सकसे।

यूहन्ना 13:29

यहूदा चो लगे थयली रते रली, ऐईकाजे कोनी-कोनी समजला कि ईशु हुनचो ले बलें सें कि जोन काई आमके परब काजे जरूरत आसे हुन घेनुन धरो, नाहले ऐ कि कंगालमन के काई देओ।

यूहन्ना 5:41

मय मानेमन ले मान नी चाहायें।

यूहन्ना 5:44

तुमी जोन गोटक दुसर ले मान चाहायसास आउर हुन मान जोन गोटक मात्र माहापुरू चो बाटले आय, नी चाहास, कोन परकार बिश्वास करूक सकास?

यूहन्ना 7:18

जोन आपलो बाटले काई बोलु आय, हुन आपलो ची बड़ाई चाहाऊ आय; मान्तर जोन आपलो पठालोबिता चो बड़ाई चाहाऊ आत हुनी सत आय, आउर हुनचो थाने अधरम नाई।

प्रेरितो 10:2

हुन भगत रये, आउर आपलो सपाय घरमन संगे माहापुरू के डरते रलो, आउर यहूदी लोगमन के खुबे दान देते, आउर बराबर माहापुरू ले पारथना करते रये।

प्रेरितो 10:31

आउर बोलुक मुरयालो, हे कुरनेलियुस, तुचो पारथना सुना गेली से आउर तुचो दान माहापुरू चो पुरे सुरता करा गेली से।

प्रेरितो 10:4

हुन हुनके धिआन ले दकलो आउर डरून भाती बल्लो, “हे परबु, काय आय?” हुन हुनके बल्लो, तुचो पारथनामन आउर तुचो दान सुरता काजे माहापुरू चो पुरे अमरली से;

प्रेरितो 11:29

तेबे चेलामन ठानला कि हरकोनी आपलो-आपलो पुंजी चो अनुसार यहूदिया ने रतो बिता भाईमन चो सायता काजे काई पटाऊं।

प्रेरितो 24:17

खुबे बरक चो पाचे मय आपलो लोगमन के दान पोंचाऊक, आउर भेट चेगाऊक ऐऊ रले।

प्रेरितो 9:36

याफा ने तबीता बल्लोने दोरकास नाव चो गोटक बिश्वासिनी रते रली। हुन खुबे असन अच्छा-अच्छा काम आउर दान करते रली।

रोमियो 12:8

जोन उपदेशक होओ, हुन उपदेश देतो ने लगु रओ; दान देतो बिता उदारता ले देओ; जोन अगुवाई करो, हुन उदुम ले करो; जोन दया करो, हुन हरिक ले करो।

1 कुरिन्थियो 13:3

अगर मय आपलो पूईतराय धनमाल कंगालमन खुआऊन देयेंदे, नाहले आपलो देंह जरातो काजे देउन देयेंदे, आउर मया नी संगायें, तेबे मोके काईची बले फायदा निआय।

गलातियो 2:10

मात्र ऐ बल्लो कि आमी कंगालमन चो सुद्धि धरू, आउर ऐई काम के करतोर मय खुद बले कोशिश करते रयें।

इफिसीयो 4:28

चोरी करतो बिता फेर चोरी नी करो, मान्तर अच्छा काम करतो ने आपलो हाथमन ले मसागत करो, ऐईकाजे कि जोन के जरूरत आसे हुनके देतो काजे हुनचो लगे काई होओ।

1 थिस्सलुनीकियो 2:6

आउर अगर आमी मसीह चो पठालोबिता होतोर लागुन तुमचो उपरे बोजा डालुक सकते रऊँ, तेबले बले आमी मानेमन ले मान नी चाहते रऊँ, आउर ना तुमचो ले, ना आउर काचीई ले।

1तीमुथियुस 6:18

आउर भलाई करोत, आउर अच्छा काममन ने सवकार बनोत, आउर उदार आउर सायता देतो ने पुरे रओत,

फिलेमोन 1:7

कसनबल्लोने हे भाई, मोके तुचो मया ले खुबे हरिक आउर शान्ति मिरू आय, ऐईकाजे कि तुचो लागुन पवितर लोगमन चो मन हरा-भरा होऊन गेलीसे।

इब्रानियो 13:16

भलाई करतोर आउर उदारता दकातोर नी भुलका, कसनबल्लोने माहापुरू असन बलिदानमन ले हरिक होऊ आय।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।