मत्ती 6:13 - Halbi

¹³ ‘आउर आमके परीक्षा ने नी आन, मान्तर खराप ले बचाव; (कसनबल्लोने राज आउर पराकरम आउर महिमा हरमेशा तुची ची आय।’” आमीन।)

परमेस्वर को सच्चो वचन ख जाननू

¹³ अर हमका परीक्छा म मत ला, पर बुराई से बचा। काहेकि राज्य अर पराक्रम अर महिमा सदा तोरो ही हैं। आमीन

मत्ती 6:13 ပူးပေါင်းရင်းမြစ်များ

मत्ती 26:41

चेता राहा, आउर पारथना करते राहा कि तुमी परीक्षा ने नी पड़ा! आत्मा तो तिआर आसे, मान्तर देंह कमजोर आसे।”

मत्ती 28:20

आउर हुनमन के सपाय गोठमन जोन मय तुमके हुकुम दिले से, मानुक सिकाआ आउर दका, मय जगत चो आखरी तक हरमेशा तुमचो संगे आंसे।”

मत्ती 5:37

मान्तर तुमचो गोठ ‘हव’ चो ‘हव,’ नाहले ‘नाई’ चो ‘नाई’ होओ; कसनबल्लोने जोन काई ऐचोले आगर होऊ आय हुन खराप ले होऊ आय।

मत्ती 6:10

‘तुचो राज ऐओ। तुचो इच्छा जसन सरग ने पुरा होऊ आय, असने धरतनी थाने बले होओ।’

यूहन्ना 17:15

मय ऐ गुहार नी करे कि तुय हुनमन के जगत थानले उठाऊन ने; मान्तर ऐ कि तुय हुनमन के हुन दुष्ट ले बचाऊन संगाव।

1 कुरिन्थियो 10:13

तुमी कोनी असन परीक्षा ने नी पढ़लास, जोन माने चो सहन ले बाहार आय। माहापुरू बिश्वास लायक आय आउर हुन तुमके सामरत ले बाहरे परीक्षा ने नी पडुक देयेदे, मान्तर परीक्षा चो संगे निकास बले करेदे कि तुमी सऊक सका।

1 कुरिन्थियो 14:16

नाहले अगर तुय आत्मा ची ले धन्यबाद कर से, तेबे फेर अगिआनी तुचो धन्यबाद थाने आमीन कसन बले दे? कसनबल्लोने हुन तो नी जाने कि तुय काय बोल सीस?

2 कुरिन्थियो 1:20

कसनबल्लोने माहापुरू चो जितरो बायदामन आसे, हुन सपाय हुनी थाने ‘हव’ चो संगे आसे। ऐईकाजे हुनचो बाटले आमीन बले होली कि आमचो बाटले माहापुरू चो महिमा होओ।”

गलातियो 1:4

हुन आपन खुद के आमचो पापमन चो काजे देउन दिलो, बल्ले आमचो माहापुरू आउर बुआ चो इच्छा चो अनुसार आमके ऐई समया खराप संवसार ले छंड़ाओ।

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

2 थिस्सलुनीकियो 3:3

मान्तर परबु बिश्वास लायक आय हुन तुमके बरसक ले थीर करेदे आउर हुन दुष्ट ले बचाऊन संगायदे।

1तीमुथियुस 1:17

अदायं जुग-जुग चो राजा बल्लोने अमर, नी दकलो, गोटक मात्र माहापुरू चो ईजीत आउर महिमा जुग-जुग होते रओ। आमीन।

इब्रानियो 11:36

कितलो झन मजाक ने उड़ाया जातोर; आउर कोड़ा खातोर मान्तर बान्दा जातोर, आउर कयद ने पड़तोर लागुन परका गेला।

1 पतरस 5:8

चेत हुआ, आउर चेता राहा, कसनबल्लोने तुमचो बिरूदी शयतान गरजतो बिता डुरका चो असन ऐ खोज ने रऊ आय, कि कोन के धरून खाये दे।

2 पतरस 2:9

तेबे परबु भगतमन के परीक्षामन थानले निकरातोर आउर अधरमीमन के नियाय चो दिन ले डण्ड चो दसा ने संगाऊक बले जाने,

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

प्रकाशितवाक्य 1:18

मय मरून जाऊ रयें, आउर अदायं दक मय जुग-जुग जीव आंसे, आउर मरना आउर अधलोक चो कुचीकाड़ी मोचो ची लगे आसे।

प्रकाशितवाक्य 19:1

ऐचो पाचे मय सरग ने माना बड़े भीड़ के बड़े जोर ले ऐ बोलते सुनले, “हाल्लेलुय्याह! मुक्ति आउर महिमा आउर सामरत आमचो माहापुरू चो ची आय।

प्रकाशितवाक्य 19:4

तेबे चोबिसों सियानमन आउर चारो परानीमन घसरुन भाती माहापुरू के पाँय पढ़ला, जोन सिंघासन थाने बसुन रये, आउर बललो, “आमीन! हाल्लेलुय्याह!”

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 21:4

“हुन हुनमन चो आँईकमन ले सपाय आँसु पुछुन देये दे; आउर ऐचो पाचे मरना नी रये दे, आउर ना शोक, ना बिलाप, ना दुखा रये दे; पयले चो गोठमन जाते रली।”

प्रकाशितवाक्य 3:10

“तुय मोचो धीरज चो बचन के थामली सीस, ऐईकाजे मय बले तुके परीक्षा चो हुन समया बचाऊन संगायदे जोन धरतनी थाने रतो बिता के परकतो काजे पुईतराय संवसार थाने ऐतो बिता आय।”

प्रकाशितवाक्य 3:14

“लौदीकिया चो कलीसिया चो दूत के ऐ लिक: जोन आमीन आउर बिश्वास लायक आउर सत गोहई आय, आउर माहापुरू चो बनालोर मुल कारन आय, हुन ऐ बलेसे: कि”

प्रकाशितवाक्य 5:13

फेर मय सरग ने आउर धरतनी थाने आउर धरतनी चो खाले आउर समुन्द चो सपाय बनालो बिती तीजमन के, आउर सपाय काई के जोन हुनमन थाने आसे, ऐ बोलते सुनले, “जोन सिंघासन थाने बसलो से हुनचो आउर मेमना चो धन्यबाद आउर ईजीत आउर महिमा आउर राज जुग-जुग रओ!”