मत्ती 6:10 - Halbi

¹⁰ ‘तुचो राज ऐओ। तुचो इच्छा जसन सरग ने पुरा होऊ आय, असने धरतनी थाने बले होओ।’

परमेस्वर को सच्चो वचन ख जाननू

¹⁰ तोरो राज आहे। तोरी मर्जी जसी स्वर्ग म पूरी होवा हैं, उसी ही या धरती म भी पुरी होय।

मत्ती 6:10 ပူးပေါင်းရင်းမြစ်များ

मत्ती 12:50

कसनबल्लोने जोन कोनी मोचो सरग चो बुआ चो इच्छा थाने चले दे, हुनी मोचो भाई, आउर मोचो भईन, आउर मोचो आया आय।”

मत्ती 16:28

मय तुमचो ले सते बलेंसें कि जोन ऐथा उबा आसोत, हुनमन थानले खिन्डिक असन आसोत कि हुनमन जिदलदाय ले माने चो बेटा के हुनचो राज ने ऐतोर नी दकेदे, हुलदाय ले मरना चो सुआद केबीई नी चाक दे।”

मत्ती 26:42

फेर हुन दुसरहार जाऊन भाती ऐ पारथना करलो, “हे मोचो बुआ, अगर ऐ मोचो पिवलो बिना नी गुचुक सके तो तुचो इच्छा पुरा होओ।”

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 4:17

हुन समया ले ईशु परचार करतोर आउर ऐ बोलतोर मुरयालो, “मन फिरावा कसनबल्लोने सरग चो राज लगे ईलीसे।”

मत्ती 7:21

“जोन मोचो ले, ‘हे परबु! हे परबु!’ बले से, हुनमन ले हरकोनी सरग चो राज ने नी जादे, मान्तर हुनी जोन मोचो सरग चो बुआ चो इच्छा थाने चलेसे।

मरकुस 11:10

आमचो बुआ दाऊद चो राज जोन ऐये से; धन्य आय! बादरी ने होशाना!”

मरकुस 3:35

कसनबल्लोने जोन कोनी माहापुरू चो इच्छा थाने चले दे हुनी मोचो भाई, आउर भईन, आउर आया आय।”

लूका 19:11

जिदलदाय हुनमन ऐ गोठमन सुनते रवत, तेबे हुन गोटक कहनी बल्लो, ऐईकाजे कि हुन यरूशलेम चो लगे रलो, आउर हुनमन समजते रवत कि माहापुरू चो राज ऐबे उजागर होतो बिती आय।

लूका 19:38

“धन्य आय हुन राजा, जोन परबु चो नाव ले ऐऊ आय! सरग ने शान्ति आउर बादरी भुभन ने महिमा होओ!”

लूका 22:42

“हे बुआ, अगर तुय मन कर सीस जाले ऐ बटका के मोचो लगले गुचाऊन देस, तेबले बले मोचो नाई मान्तर तुचीई इच्छा पुरा होओ।”

यूहन्ना 4:34

ईशु हुनमन ले बल्लो, “मचो भात ऐ आय कि आपलो पठालो बिता चो इच्छा चो अनुसार चलें दें आउर हुनचो काम पुरा करेंदे।

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

यूहन्ना 7:17

अगर कोनी हुनचो इच्छा थाने चलुक चाहाओ, तेबे हुन ऐ उपदेश चो बारे ने जाने दे कि ऐ माहापुरू चो बाटले आय नाहले मय आपलो बाटले बलें सें।

प्रेरितो 13:22

फेर हुनके अलग करून दाऊद के हुनमन चो राजा बनालो; जेचो बारे ने हुन गोहई दिलो, मोके गोटक माने, यिशै चो बेटा दाऊद, मोचो मन चो अनुसार मिरून गेलो से; हुनी मोचो सपाय इच्छा पुरा करे दे।

प्रेरितो 21:14

जिदलदाय हुन नी मानलो तेबे आमी ऐ बोलुन भाती ओगाय होऊन गेलु, “परबु चो इच्छा पुरा होओ।”

प्रेरितो 22:14

तेबे हुन बल्लो, आमचो बुआ दादीमन चो माहापुरू तुके ऐईकाजे ठेबालो से कि तुय हुनचो इच्छा के जान, आउर हुन धरमी के दक आउर हुनचो मुंह ले गोठमन सुन।

रोमियो 12:2

ऐ जगत चो असन नी बना; मान्तर तुमचो मन चो नवा होऊन गेलो ने तुमचो चाल-चलन बले बदल ते जाओ, जेचो ले तुमी माहापुरू चो अच्छा, आउर भावतो, आउर सिद इच्छा ले मालुम करते राआ।

इफिसीयो 6:6

मानेमन के हरिक करतो बितामन चो असन दकातो काजे सेवा नी करा, मान्तर मसीह चो दासमन चो असन मन ले माहापुरू चो इच्छा थाने चला,

कुलुस्सियो 1:13

हुनी आमके अंधार चो बश ले छंड़ाऊन भाती आपलो लाड़रा बेटा चो राज ने परवेश करालो,

कुलुस्सियो 1:9

ऐईकाजे जोन दिन ले ऐ सुनलु से, आमी बले तुमचो काजे ऐ पारथना करतोर आउर बिनती करतोर नी छांडु कि तुमी पुईतराय आत्मिक गिआन आउर समज संगे माहापुरू चो इच्छा चो पयचान ने भरपूर होऊन जाहा,

1 थिस्सलुनीकियो 4:3

कसनबल्लोने माहापुरू चो इच्छा ऐ आय कि तुमी पवितर बना बल्लोने बेबीचार ले बाचुन राहा,

1 थिस्सलुनीकियो 5:18

सपाय गोठ ने धन्यबाद करा; कसनबल्लोने तुमचो काजे मसीह ईशु ने माहापुरू चो ऐई इच्छा आसे।

इब्रानियो 1:14

काय हुनमन सपाय सेवा टहल करतो बिती आत्मामन नुआत, जोन मुक्ति करतो बितामन चो काजे सेवा करतो काजे पटाया जाऊ आय?

इब्रानियो 10:36

कसनबल्लोने तुमके धीरज धरतोर जरूरी आय, बल्ले माहापुरू चो इच्छा के पुरा करून तुमी बायदा चो फल पाआ।

इब्रानियो 10:7

तेबे मय बल्ले, ‘दक, मय ईले से, पवितर शास्त्र ने मोचो बारे ने लिकलोर आसे, बल्ले हे माहापुरू, तुचो इच्छा पुरा करें दें।’”

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

1 पतरस 2:15

कसनबल्लोने माहापुरू चो इच्छा ऐ आय कि तुमी अच्छा काम करतोर दुवारा निरबुद्धि लोगमन चो अगिआनता चो गोठमन के ढ़ाकुन दिआस।

1 पतरस 4:2

बल्ले अगम ने आपलो देंह चो जीवना मानेमन चो मनमानीमन चो अनुसार नाई मान्तर माहापुरू चो इच्छा चो अनुसार गुजारा।

प्रकाशितवाक्य 11:15

जिदलदाय सातवां दूत तुरी फुकलो, तेबे सरग ने ऐ बारे चो बड़े-बड़े शब्द होऊक मुरयाली: “जगत चो राज आमचो परबु चो आउर हुनचो मसीह चो होऊन गेली, आउर हुन जुग-जुग राज करेदे।”

प्रकाशितवाक्य 12:10

फेर मय सरग ले ऐ बड़े शब्द ऐतोर सुनले, “अदायं आमचो माहापुरू चो मुक्ति आउर सामरत आउर राज आउर हुनचो मसीह चो अधिकार परकट होलीसे, कसनबल्लोने आमचो भाईमन उपरे दोष लगातो बिता, जोन रात दिन आमचो माहापुरू चो पुरे हुनमन उपरे दोष लगाया करते रलो, घसराऊन दिया गेलोसे।

प्रकाशितवाक्य 19:6

फेर मय बड़े भीड़ चो असन आउर खुबे पानी चो असन शब्द, आउर गरजन चो असन बड़े शब्द सुनले “हाल्लेलुय्याह! कसनबल्लोने परबु आमचो माहापुरू सर्वशक्तिमान राज करे से।

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।