मत्ती 5:8 - Halbi

⁸ “धन्य आत हुनमन, जोनमन चो मन शुद्ध आय, कसनबल्लोने हुनमन माहापुरू के दकदे।”

परमेस्वर को सच्चो वचन ख जाननू

⁸ “भलो हैं वी, जिनको मन सुध्द हैं; काहेकि वी परमेस्वर को दर्सन करेगों।”

मत्ती 5:8 ပူးပေါင်းရင်းမြစ်များ

प्रेरितो 15:9

आउर बिश्वास चो लागुन हुनमन चो मन शुद्ध करून आमचो ने आउर हुनमन ने काई भेद नी संगालो।

1 कुरिन्थियो 13:12

ऐबे आमके दरपन ने धुन्दरा असन दका देऊ आय, मान्तर हुन समया छमा-छम दकवां; ऐ समया मोचो गिआन आदरा आसे, मान्तर हुन समया असन पूईतराय ढंग ले चितायेंदे, जसन मय चिताया गेले सें।

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

तीतुस 1:15

शुद्ध लोगमन चो काजे सपाय तीजमन शुद्ध आय, मान्तर अशुद्ध आउर बिश्वासिमन चो काजे काई बले शुद्ध नुआय, मान्तर हुनमन चो अकल आउर बिबक दुनो अशुद्ध आय।

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

इब्रानियो 12:14

सपाय ले मेल मिलाप संगाहा, आउर हुन पवितरता चो खोजी हुआ जेचो बिना कोनी परबु के केबे नी दक दे।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

याकूब 3:17

मान्तर जोन गिआन उपर ले ऐऊ आय हुन पयले तो पवितर होऊ आय फेर मिलनसार, कोमल आउर सीदा-सादा आउर दया आउर अच्छा फरमन ले लाती होलोर आउर भेद-भाव आउर कपट ले लापी रऊ आय।

याकूब 4:8

माहापुरू चो लगे ईआ तेबे हुन बले तुमचो लगे ऐयेदे। हे पापीमन, आपलो हाथ शुद्ध करा; आउर हे दुयमन लोगमन, आपलो मन के पवितर करा।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

प्रकाशितवाक्य 22:4

हुनमन हुनचो मुंह दक दे, आउर हुनचो नाव हुनमन चो कपारमन थाने लिकलोर होये दे।