मत्ती 5:3 - Halbi

³ “धन्य आत हुनमन, जोन मन चो सोज आत, कसनबल्लोने सरग चो राज हुनीमन चो आय।”

परमेस्वर को सच्चो वचन ख जाननू

³ “भलो हैं वी, जो मन का सीधा हैं काहेकि स्वर्ग को राज उनको ही हैं।”

मत्ती 5:3 ပူးပေါင်းရင်းမြစ်များ

मत्ती 11:25

हुदलीदाय ईशु बल्लो, “हे बुआ, सरग आउर धरतनी चो परबु, मय तुचो धन्यबाद करेंसे कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करली सीस।

मत्ती 11:6

आउर धन्य आत हुन, जोन मोचो लागुन ठोकर नी खाये।”

मत्ती 13:16

“मान्तर धन्य आय तुमचो आँईकमन, कि हुनमन दकु आत; आउर तुमचो कान कि हुनमन सुनु आत।

मत्ती 19:14

ईशु बल्लो, “पिलामन के मोचो लगे ऐऊक दिआस, आउर हुनमन के माना नी करा, कसनबल्लोने सरग चो राज असने मन चो आय।”

मत्ती 24:46

धन्य आय हुन दास, जेके हुनचो मालिक ऐऊन भाती असने ची करते पाओ।

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 8:11

आउर मय तुमचो ले बलेंसे कि पूरब आउर पश्चिम ले खुबे असन लोग ऐऊन भाती अब्राहाम आउर इसाक आउर याकूब चो संगे सरग चो राज ने बसदे।

मरकुस 10:14

ईशु ऐ दकुन रीस होऊन भाती हुनमन ले बल्लो, “लेकामन के मोचो लगे ऐऊक दिआस आउर हुनमन के माना नी करा, कसनबल्लोने माहापुरू चो राज असने मन चो आय।

लूका 11:28

हुन बल्लो, “हव; मान्तर धन्य हुनमन आत जोन माहापुरू चो बचन सुनु आउर मानु आत।”

लूका 18:14

मय तुमचो ले बलेंसें कि हुन दुसर नुआय, मान्तर ऐई माने धरमी ठेबाया जाऊन भाती आपलो घरे गेलो; कसनबल्लोने जोन कोनी खुद के बड़े बनाये दे, हुन नानी करा जाये दे; आउर जोन खुद के नानी बनाये दे, हुन बड़े करा जाये दे।”

लूका 22:29

आउर जसन मोचो बुआ मोचो काजे गोटक राज ठेबालो से, असने ची मय बले तुमचो काजे ठेबायें से,

लूका 22:30

बल्ले तुमी मोचो राज ने मोचो टेबुल थाने खाआ-पिआ, मान्तर सिंघासनमन थाने बसुन भाती इस्राएल चो बारा गोत्रमन चो नियाय करा।

लूका 4:18

“परबु चो आत्मा मोचो उपरे आसे, ऐईकाजे कि हुन कंगालमन के नगतखबर सुनातो काजे मोचो अभिषेक करलो से, आउर मोके ऐईकाजे पठालो से कि बन्दीमन के छुटकारा चो आउर कानामन के नजर पावतोर नगतखबर परचार करेंदे आउर चेपाय होलो लोग के छंडायेंदे,

यूहन्ना 20:29

ईशु हुनचो ले बल्लो, “तुय मोके दकली सीस, काय ऐईकाजे बिश्वास करली सीस? धन्य हुनमन आत जोनमन बिन दके बिश्वास करला।”

याकूब 1:10

आउर सवकार आपलो नीच दसा थाने; कसनबल्लोने हुन लाटा चो फुल चो असन जाते रयदे।

याकूब 1:12

धन्य आय हुन माने जोन परीक्षा ने थीर रऊ आय, कसनबल्लोने हुन खर निकरून भाती जीवना चो हुन मुकुट पायेदे जेचो बायदा परबु आपलो मया करतो बितामन ले करलो से।

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

प्रकाशितवाक्य 19:9

तेबे सरगदूत मोचो ले बल्लो, “ऐ लिक, कि धन्य हुनमन आत, जोन मेमना चो बिहा चो भोज ने हाग दिलोर आसोत।” फेर हुन मोचो ले बल्लो, “ऐ बचन माहापुरू चो सत बचन आय।”

प्रकाशितवाक्य 22:14

“धन्य हुनमन आत, जोन आपलो फटीई धोऊ आत, कसनबल्लोने हुनमन के जीवना चो रूक चो लगे ऐतोर अधिकार मिरे दे, आउर हुनमन कपाटमन ले होऊन भाती नंगर ने ओलदे।”

प्रकाशितवाक्य 3:17

“तुय बले सीस कि मय धनी आय आउर सवकार होऊन गेलेसे आउर मोके कोनी तीज चो कमी निआय; आउर ऐ नी जानीस कि तुय अभागा आउर तुच्छ आउर कंगाल आउर काना आउर फटीई नाहलो आस।”