मत्ती 5:22 - Halbi

²² मान्तर मय तुमचो ले ऐ बलेंसें कि जोन कोनी आपलो भाई उपरे रीस करेदे, हुन कचरी ने डण्ड चो लायक होयेदे, आउर जोन कोनी आपलो भाई के ठग बलेदे हुन बड़े सभा ने डण्ड लायक होयदे; आउर जोन कोनी बलेदे ‘अरे मुरक’ हुन नरक चो आईग चो डण्ड चो लायक होयेदे।

परमेस्वर को सच्चो वचन ख जाननू

²² पर मी तुम से कहूँ हैं, कि जो कोई अपनो भई पर घुस्सा करे, उ कचेरी म सजा को लायक होए, अर जो कोई अपनो भई ख निकम्मो बोले उ बड़ीसभा म सजा को लायक होए; अर जो कोइ बोले ‘अरे मूरक’ उ नरक कि आग को सजा को लायक होऐ।

मत्ती 5:22 ပူးပေါင်းရင်းမြစ်များ

मत्ती 10:17

मान्तर लोगमन ले खबड़दार राहा, कसनबल्लोने हुनमन तुमके माहासभामन ने सोपदे, आउर आपलो पंचायतमन ने तुमके कोड़ा मारदे।

मत्ती 10:28

जोन देंह के घात करू आत, मान्तर आत्मा के घात नी करूक सकोत, हुनमन ले नी डरा; मान्तर हुनची ले डरा, जोन आत्मा आउर देंह दुनो के नरक ने नष्ट करूक सके।

मत्ती 12:24

मान्तर फरीसीमन ऐ सुनुन भाती बल्ला, “ऐ तो दुष्टआत्मामन चो सरदार शयतान चो सायता चो बिना दुष्टआत्मामन के नी निकरातो।”

मत्ती 17:5

हुन बलते रलो कि गोटक उजर बादरी हुनमन के छांई होली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, जेचो ले मय हरिक आंसे: ऐचो सुना।”

मत्ती 18:21

तेबे पतरस लगे ऐऊन भाती हुनचो ले बल्लो, “हे परबु, अगर मोचो भाई अपराध करते रये दे, तो मय कितलो हार हुनके छमा करेंदे? काय सात हार तक?”

मत्ती 18:35

“असने परकार अगर तुमचो थानले सपाय गोटक आपलो भाई के मन ले छमा नी करेंदे, तेबे मोचो बुआ जोन सरग ने आसे, तुमचो संगे बले असने ची करेंदे।”

मत्ती 23:15

“हे कपटी शास्तरीमन आउर फरीसीमन, तुमचो उपरे हाय! तुमी गोटक जन के आपलो मान्दी ने आनतो काजे सपाय पानी आउर भुईं ने फिरे सास, आउर जिदलदाय हुन मान्दी ने ऐऊन जाऊ आय तेबे हुनके आपलो ले दुना नरक बनान देऊ आस।

मत्ती 23:33

हे सांपमन, हे करीतमन चो पिलामन, तुमी नरक चो डण्ड ले कसन बचा से?

मत्ती 25:41

“तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

मत्ती 26:59

परधान याजक आउर पुईतराय माहासभा ईशु के मारतो काजे हुनचो बिरूद ने झूठा गोहई चो खोज ने रवत,

मत्ती 3:17

आउर ऐ आकाशबानी होली, “ऐ मोचो लाड़रा बेटा आय, जेचो ले मय खुबे हरिक आंसे।”

मत्ती 5:34

मान्तर मय तुमचो ले ऐ बलेंसे कि केबीई किरिया नी खाआ; ना तो सरग चो, कसनबल्लोने हुन माहापुरू चो सिंघासन आय;

मत्ती 5:44

मान्तर ऐबे मय तुमचो ले ऐ बलेंसे कि आपलो बयरीमन ले मया संगावा आउर आपलो कन्दरातो बितामन चो काजे पारथना करा,

मरकुस 14:55

परधान याजक आउर सपाय माहासभा ईशु के मारतो काजे हुनचो बिरूद ने गोहई चो खोज ने रला, मान्तर नी मिरली।

मरकुस 15:1

बिहान पावते ची तुरते परधान याजकमन, सियानमन, आउर शास्तरीमन आउर माहासभा चो लोग सला करून भाती ईशु के बान्दाला, आउर हुनके धरून भाती पिलातुस चो हाथे सोपला।

लूका 12:5

मय तुमके जनायें से कि तुमके कोचो ले डरतोर आय, घात करलो पाचे जेके नरक ने पकातोर अधिकार आसे, हुनचेई ले डरा; हव, मय तुमचो ले बलें सें, हुनचेई ले डरा।

लूका 22:66

जिदलदाय दिन होली तेबे लोगमन चो पुरनिमन आउर परधान याजक आउर शास्तरी रूंड़ा होला, आउर हुनके आपलो माहासभा ने आनुन भाती पचारला,

यूहन्ना 11:47

ऐ थाने परधान याजकमन आउर फरीसीमन बड़े सभा हाग दीला, आउर बल्ला, “आमी करू आंव काय? ऐ माने तो खुबे चिना दकाऊ आय।

यूहन्ना 15:25

ऐ ऐईकाजे होली कि हुन बचन पुरा होओ, जोन हुनमन चो नियम ने लिकलोर आसे, ‘हुनमन मोचो ले फोकाहा बईर करला।’

यूहन्ना 7:20

लोगमन जबाप दिला, “तुचो थाने दुष्टआत्मा आसे! कोन तुके मारून देऊक चाहाय सोत?”

यूहन्ना 8:48

ऐ सुनुन भाती यहूदीमन हुनचो ले बल्ला, “काय आमी नुकु नी बोलु से कि तुय सामरी आस, आउर तुचो थाने दुष्टआत्मा आसे?”

प्रेरितो 17:18

तेबे इपिकुरी आउर स्तोईकी दरशन दकुमन थानले कितलो हुनके तर्क करूक मुरयाला, आउर कितलो बल्ला, “ऐ टाबरी काय बोलुक मन करे से?” मान्तर दुसरमन बल्ला, “हुन दुसर देवमन चो परचार करू जान पड़े से” कसनबल्लोने हुन ईशु चो आउर जीव उठतोर नगतखबर सुनाते रलो।

प्रेरितो 22:30

दुसर दिने हुन ठीक-ठीक जानतोर इच्छा ले कि यहूदी हुनचो उपरे केंव दोष लगाय सोत, हुनचो बान्दन ढ़िलुन दिला; आउर परधान याजकमन आउर पुईतराय माहासभा के रूंड़ा होतोर हुकुम दिलो, आउर पौलुस के खाले नेऊन भाती हुनमन चो पुरे उबा करलो।

प्रेरितो 23:1

पौलुस महासभा चो बाटे नजर गड़ाऊन भाती दकलो आउर बल्लो, “हे भाईमन, मय आजी तक माहापुरू चो काजे बिलकुल सत बिबक ले जीवना बिताले से।”

प्रेरितो 24:20

नाहले ऐ खुद ची सांगोत कि जिदलदाय मय बड़े सभा चो पुरे उबा रले, तेबे हुनमन मोचो ने कोन असन गलती पावला?

प्रेरितो 4:15

मान्तर हुनमन के सभा चो बाहरे जातोर हुकुम देऊन भाती, हुनमन आपस ने बिचार करूक मुरयाला,

प्रेरितो 5:21

हुनमन ऐ सुनुन भाती बिहान पावते ची मंदिर ने जाऊन भाती उपदेश देऊक मुरयाला। तेबे माहायाजक आउर हुनचो संगवारीमन ऐऊन भाती माहासभा के आउर इस्राएलीमन चो सपाय पुरनिमन के रूंड़ा करला, आउर जयलघर ने खबर पठाला कि हुनमन के आनोत।

प्रेरितो 5:27

हुनमन-हुनमन के आनुन भाती माहासभा चो पुरे उबा करून दिला; तेबे माहायाजक हुनमन के पूछलो,

प्रेरितो 6:12

आउर लोगमन आउर सियानमन आउर शास्तरीमन के भड़काऊन भाती चेगुन ईला आउर हुनके धरून भाती माहासभा ने धरून ईला।

प्रेरितो 6:15

तेबे सपाय लोगमन जोन सभा ने बसु रवत, हुनचो उपरे नंजराला तेबे हुनचो थोमना सरगदूत चो असन दकला।

प्रेरितो 7:37

ऐ हुनी मूसा आय, जोन इस्राएलीमन के बल्लो, माहापुरू तुमचो भाईमन थानले तुमचो काजे मोचो असन गोटक अगम गिआनी उठाये दे।

रोमियो 12:10

भाईचारा चो मया ले गोटक दुसर ले लाड़ संगाहा; आपस ने ईजीत करतो ने गोटक दुसर ले बाड़ते चला।

1 कुरिन्थियो 6:10

ना चोर, ना लोभीई, ना मतवार, ना झगड़ा करतो बिता, ना नशातो बितामन माहापुरू चो राज चो बेटा होदे।

1 कुरिन्थियो 6:6

तुमनमन ने भाई-भाई ने पेशी होऊ आय, आउर हुन बले बिश्वासिमन चो पुरे।

1 थिस्सलुनीकियो 4:6

कि ऐ गोठ ने कोनी आपलो भाई के नी ठगो, आउर ना हुनचो उपरे दाँव चला ओ, कसनबल्लोने परबु ऐ सपाय गोठमन चो पलटा धरू बिता आय; जसन कि आमीमन पयले ची तुमचो ले बोलु आउर जनाऊन बले रलु।

तीतुस 3:2

काकीई दोष नी लगाआ, झगड़ा बिता नी होओ; मान्तर कोमल स्वभाव चो होओ, आउर सपाय मानेमन चो संगे बड़े सोज चो संगे रओ।

इब्रानियो 12:25

खबड़दार रहा, आउर हुन बोलतो बितामन ले मुंह नी मोड़ा, कसनबल्लोने हुन लोगमन जिदलदाय धरतनी थानो चो धमकी देतो बितामन ले मुंह मोडुन भाती नी बाचुक सकला, तेबे आमी सरग थानले धमकी देतो बिता ले मुंह मोडुन भाती कसन बाचुक सकवां?

इब्रानियो 5:9

आउर सिद्ध बनुन भाती, आपलो सपाय हुकुम मानतो बितामन चो काजे हरमेशा चो मुक्ति चो कारन होऊन गेलो,

याकूब 2:20

मान्तर हे ठग माने, काय तुय ऐ बले नी जानीस कि करम बिना बिश्वास फकाहा आय?

याकूब 3:6

जीब बले गोटक आईग आय; जीब आमचो धड़मन ने अधरम चो गोटक लोग आय, आउर पुईतराय देंह थाने कलंक लगाऊ आय, आउर जीवना जीवतो ने आईग लगाऊन देऊ आय, आउर नरक कुण्ड चो आईग ले जरते रऊ आय।

1 पतरस 2:23

हुन झगड़ा सुनुन भाती झगड़ा नी करते रये, आउर दुख उठाऊन भाती काकीई बले धमकी नी देते रये, मान्तर आपन खुद के सते नियायी चो हाथ ने सोपते रये।

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

1यूहन्ना 2:9

जोन कोनी बोलु आय कि मय उजर ने आसे आउर आपलो भाई ले बईर संगाऊ आय, हुन ऐबले अंधार ने ची आसे।

1यूहन्ना 3:10

ऐचीई ले माहापुरू चो पिला आउर शयतान चो पिला जानाय जाऊ आत; जोन कोनी धरम चो काम नी करे हुन माहापुरू ले नुआय, आउर ना हुन जोन आपलो भाई ले मया नी संगाये।

1यूहन्ना 5:16

अगर कोनी आपलो भाई के असन पाप करतोर दको जेचो फल मरना नी होओ, तो गुहार करा, आउर माहापुरू हुनके हुनमन काजे, जोनमन असन पाप करला से जेचो फल मरना नी होओ, जीवना देये दे। पाप असन बले होऊ, आय जेचो फल मरना आय, ऐचो बारे ने मय गुहार करतो काजे नी बले।

यहूदा 1:9

मान्तर परधान सरगदूत मीकाईल, जिदलदाय शयतान ले मूसा चो लाश चो बारे ने गोठ-बात करलो, तेबे हुनके अच्छा-खराप बोलुन दोष लगातोर साआस नी करलो मान्तर ऐ बल्लो, “परबु तुके खिजो।”

प्रकाशितवाक्य 20:14

मरना आउर अधलोक आईग चो झील ने डाला गेला। ऐ आईग चो झील दुसर मरना आय;