मत्ती 5:19 - Halbi

¹⁹ ऐईकाजे जोन कोनी ऐ नानी ले नानी हुकुममन थानले कोनी गोटक के टुटादे, आउर असने ची लोगमन के सिकायदे, हुन सरग चो राज ने सपाय ले नानी बलाया जायेदे; मान्तर जोन कोनी हुन हुकुममन चो पालन करेदे आउर हुनके सिकायदे, हुनी सरग चो राज ने माहान बलाया जायदे।

परमेस्वर को सच्चो वचन ख जाननू

¹⁹ एकोलाने जे कोई यी छोटा से छोटा आदेस हुन म से एक का भी टोड़ा हैं अऊर दुसरा ख असो ही करनो सिखावा हैं, उ स्वर्ग को राज म सबसे छोटो समझो जाहे। पर जो उनको पालन करा हैं अऊर उनका सिखावा हैं, उ स्वर्ग को राज म बड़ो समझो जावा हैं।

मत्ती 5:19 ပူးပေါင်းရင်းမြစ်များ

मत्ती 11:11

“मय तुमचो ले सते बलेंसे कि जोन बायले लेकीमन ले जनमला सोत, हुनमन थानले यूहन्ना डूबन देतो बिता ले कोनी बड़े नी होला; मान्तर जोन सरग चो राज ने नानी ले नानी आय हुन हुनचो ले बड़े आय।

मत्ती 19:28

ईशु हुनमन ले बल्लो, “मय तुमचो ले सते बलेंसें कि नवा बरमाण्ड ने जिदलदाय माने चो बेटा आपलो महिमा चो सिंघासन थाने बसे दे, तो तुमी बले जोन मोचो पाट-पाट होलासास, बारा सिंघासनमन थाने बोसुन भाती इस्राएल चो बारा गोत्रमन चो नियाय करा से।

मत्ती 20:26

मान्तर तुमचो थाने असन नी होये दे; मान्तर जोन कोनी तुमचो ले बड़े होऊक चाहा ये दे, हुन तुमचो सेवक बनो;

मत्ती 28:20

आउर हुनमन के सपाय गोठमन जोन मय तुमके हुकुम दिले से, मानुक सिकाआ आउर दका, मय जगत चो आखरी तक हरमेशा तुमचो संगे आंसे।”

लूका 1:15

कसनबल्लोने हुन परबु चो पुरे माहान होये दे; आउर दाखरस आउर मंद केबीई नी पिये; आउर आपलो आया चो गरब ले ची पवितर आत्मा ले समपूरन होऊन जायेदे;

लूका 11:42

“मान्तर हे फरीसीमन, तुमचो उपरे हाय! तुमी पदीना आउर सुदाब चो आउर सपाय बरन-बरन चो साग डार चो दसवां भाग देऊ आस, मान्तर नियाय के आउर माहापुरू चो मया के टालुन देऊ आस; जरूरी तो रली कि ऐ मन के बले करते रतास आउर हुनमन के बले नी छांड़तास।

लूका 9:48

आउर हुनमन ले बल्लो, “जोन कोनी मोचो नाव ले ऐ लेका के गरहन करू आय, हुन मोके गरहन करू आय; आउर जोन कोनी मोके गरहन करू आय, हुन मोचो पठालोबिता के गरहन करू आय, कसनबल्लोने जोन तुमीमन ने सपाय ले नानी ले नानी आय, हुनी बड़े आय।”

प्रेरितो 1:1

हे थिऊफिलुस, मय पईल किताब हुन सपाय गोठमन चो बारे ने लिकले, जोन के ईशु मुरयालो आउर करते आउर सिकाते रलो,

रोमियो 3:8

“आमी केंव खराप नी करू कि भलाई निकरो? जसन आमचो उपरे ऐई दोष लगाय बले जाऊ आय, आउर कितलो बोलु आत कि ऐ मन चो ऐई बोलतोर आय। मान्तर असनमन चो दोषी ठेबातोर ठीक आय।”

रोमियो 6:1

तेबे आमी काय बलवा? काय आमी पाप करते रवां कि अनुग्रह खुबे होओ?

रोमियो 6:15

तेबे काय होली? काय आमी ऐईकाजे पाप करवां कि आमी नियम चो अधीन निआव मान्तर अनुग्रह चो अधीन ने आंसु? केबीई नाई!

1तीमुथियुस 6:11

मान्तर हे माहापुरू चो जन, तुय ऐ गोठमन ले पराव, आउर धरम, भक्ति, बिश्वास, मया, धीरज आउर नम्रता चो पीछा कर।

तीतुस 3:8

ऐ गोठ सते आय, आउर मय चाहाय से कि तुय ऐ गोठमन चो बारे ने हिम्मत ले बोल ऐईकाजे कि जोनमन माहापुरू उपरे बिश्वास करला से, हुनमन अच्छा-अच्छा काममन ने लगुन रतोर धिआन संगा ओत। ये गोठमन अच्छा आउर मानेमन चो लाब चो आय।

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।

1यूहन्ना 3:4

जोन कोनी पाप करू आय, हुन नियम चो बिरूद करू आय; आउर पाप तो नियम चो बिरूद आय।

प्रकाशितवाक्य 2:20

“मान्तर मोके तुचो बिरूद ऐ बोलतोर आय कि तुय हुन बायले लेकी इजेबेल के रऊक देऊ आस जोन आपन खुद के अगम गिआनीन बोलु आय, आउर मोचो दासमन के बेबीचार करतोर आउर मुरतीमन चो पुरे चेगालो बिती जातिमन खातोर सिकाऊन भाती भरमाऊ आय।”