मत्ती 5:18 - Halbi

¹⁸ कसनबल्लोने मय तुमचो ले सते बलेंसें, कि जिदलदाय ले बादरी आउर धरतनी खतम नी होये, हुदलदाय ले नियम ले गोटक मात्रा नाहले गोटक बिन्दु बले बिना पुरा होलोर नी खतम होयदे।

परमेस्वर को सच्चो वचन ख जाननू

¹⁸ अर मी तुम इंसान हुन से सच कहूँ हैं, आकास अर जमीन भले ही टल जाहे, पर लिखो वालो नेम म से एक मातरा अर एक बिन्दु भी बिना पुरो भयो नी मिटे।

मत्ती 5:18 ပူးပေါင်းရင်းမြစ်များ

मत्ती 10:15

मय तुमचो ले सते बलेंसें कि नियाय चो दिने हुन नंगर चो हाल ले सदोम आउर अमोरा चो देश चो हाल खुबे कटलातो लायक होयदे।”

मत्ती 10:23

जिदलदाय हुनमन तुमके गोटक नंगर ने कन्दरादे, तेबे दुसर बाटे पराहा। मय तुमचो ले सते बलेंसे, तुमी इस्राएल परदेश चो सपाय नंगरमन ने नी फिरून चुकासे कि माने चो बेटा ऐयेदे।”

मत्ती 10:42

जोन कोनी ऐ नानीमन थानले गोटक के मोचो चेला जानुन भाती मात्र गोटक बटका करा पानी पिआओ, मय तुमचो ले सते बलेंसें, हुन कोनी रीति ले आपलो ईनाम नी हजाये।”

मत्ती 11:11

“मय तुमचो ले सते बलेंसे कि जोन बायले लेकीमन ले जनमला सोत, हुनमन थानले यूहन्ना डूबन देतो बिता ले कोनी बड़े नी होला; मान्तर जोन सरग चो राज ने नानी ले नानी आय हुन हुनचो ले बड़े आय।

मत्ती 13:17

कसनबल्लोने मय तुमचो ले सते बलें सें कि खुबे असन अगम गिआनीमन आउर धरमीमन चाहला कि जोन गोठमन तुमी दकेसास, दकलास, मान्तर नी दकलास; आउर जोन गोठमन तुमी सुनेसास, सुनलास, मान्तर नी सुनलास।

मत्ती 16:28

मय तुमचो ले सते बलेंसें कि जोन ऐथा उबा आसोत, हुनमन थानले खिन्डिक असन आसोत कि हुनमन जिदलदाय ले माने चो बेटा के हुनचो राज ने ऐतोर नी दकेदे, हुलदाय ले मरना चो सुआद केबीई नी चाक दे।”

मत्ती 17:20

हुन हुनमन ले बल्लो, “आपलो बिश्वास चो कमी चो लागुन, कसनबल्लोने मय तुमचो ले सते बलेंसें, अगर तुमचो बिश्वास राई चो बीज चो बराबर बले होती, तेबे ऐ डोंगरी ले बोलुक सका से, ‘ऐथा ले सरकुन भाती हुता जा’, तो हुन जायेदे; आउर कोनी गोठ तुमचो काजे मशकिल नी होये।

मत्ती 18:18

“मय तुमचो ले सते बलेंसें, जोन काई तुमी धरतनी ने बान्दा से, हुन सरग ने बान्दा जायेदे आउर जोन काई तुमी धरतनी थाने खोला से, हुन सरग ने खुले दे।

मत्ती 18:3

आउर बल्लो, “मय तुमचो ले सते बलें सें कि जिदलदाय ले तुमी नी फिरास आउर लेकामन चो असन नी बनास, तुमी सरग चो राज ने ओलुक नी सका से।

मत्ती 19:23

तेबे ईशु आपलो चेलामन ले बल्लो, “मय तुमचो ले सते बलेंसें कि सवकार चो सरग चो राज ने ओलतोर मशकिल आय।

मत्ती 19:28

ईशु हुनमन ले बल्लो, “मय तुमचो ले सते बलेंसें कि नवा बरमाण्ड ने जिदलदाय माने चो बेटा आपलो महिमा चो सिंघासन थाने बसे दे, तो तुमी बले जोन मोचो पाट-पाट होलासास, बारा सिंघासनमन थाने बोसुन भाती इस्राएल चो बारा गोत्रमन चो नियाय करा से।

मत्ती 21:21

ईशु हुनमन के जबाप दिलो, “मय तुमचो ले सते बलें सें, अगर तुमी बिश्वास संगाहा आउर संका नी करा, तेबे ना मात्र ऐ करा से जोन ऐ अंजीर चो रूक ले करा गेली से, मान्तर अगर ऐ डोंगरी ले बले बला से, ‘उखनी हो आउर समुन्द ने जाऊन पड़’, तेबे ऐ होये दे।

मत्ती 21:31

ऐ दुनो झान ने कोन बुआ चो इच्छा पुरा करलो?” हुनमन बल्ला, “पयला।” ईशु हुनमन ले बल्लो, “मय तुमचो ले सते बलें सें कि कर धरू बिता आउर बेश्यामन तुमचो ले पयले माहापुरू चो राज ने ओले सोत।

मत्ती 23:36

मय तुमचो ले सते बलेंसें, ऐ सपाय गोठमन ऐ समया चो लोगमन उपरे ऐऊन पड़ेदे।

मत्ती 24:2

हुन हुनमन ले बल्लो, “तुमी ऐ सपाय दक सास काय! मय तुमचो ले सते बलें सें, ऐथा पकना उपरे पकना बले नी बाचे जोन घसराया नी जाये।”

मत्ती 24:47

मय तुमचो ले सते बलें सें, हुन हुनके आपलो पुईतराय धन-माल थाने अधिकारी ठेबा ये दे।

मत्ती 25:12

हुन जबाप दिलो, ‘मय तुमचो ले सते बलेंसें, मय तुमके नी जाने।’

मत्ती 25:40

तेबे राजा हुनमन के जबाप देयेदे, ‘मय तुमचो ले सते बलेंसें कि तुमी जोन मोचो ऐ नानी ले नानी भाईमन ले कोनी गोटक संगे करलास, हुन मोचो ची संगे करलास।’”

मत्ती 25:45

तेबे हुन हुनमन के जबाप देयेदे, ‘मय तुमचो ले सते बलेंसें कि तुमी जोन ऐ नानी ले नानीमन थानले कोनी गोटक चो संगे नी करलास, हुन मोची संगे बले नी करला।’

मत्ती 5:26

मय तुमचो ले सते बलेंसें कि जिदलदाय ले तुय पाई-पाई भरून नी दे से हुदलदाय ले हुता ले छुटुक नी सकसे।

मत्ती 6:16

“जिदलदाय तुमी उपास करा, तेबे कपटीमन चो असन तुमचो मुंह थाने मुरमुरा नी छाऊ रवो, कसनबल्लोने हुनमन आपलो मुंह बनाऊन रऊ आत, बल्ले लोग हुनमन के उपासी जानोत। मय तुमचो ले सते बलें सें कि हुनमन आपलो ईनाम पाऊन चुकला।

मत्ती 6:2

“ऐईकाजे जिदलदाय तुय दान करसे, तेबे आपलो पुरे तुरी नी बजाव, जसन कपटी, सभामन आउर खोरीमन ने करू आत, बल्ले लोग हुनमन चो बड़ाई करोत। मय तुमचो ले सते बलेंसे कि हुनमन आपलो ईनाम पाऊन चुकला।

मत्ती 8:10

ऐ सुनुन भाती ईशु अकचकित होलो, आउर जोन हुनचो पाटे ऐते रवत हुनमन ले बल्लो, “मय तुमचो ले सते बलेंसे कि मय इस्राएल ने बले असन बिश्वास नी पावले।

मरकुस 10:15

मय तुमचो ले सते बलें सें कि जोन कोनी माहापुरू चो राज के पिला चो असन गरहन नी करे, हुन हुन थाने केबे ओलुक नी सके।”

मरकुस 10:29

ईशु बल्लो, “मय तुमचो ले सते बलेंसें कि असन कोनी निआत, जोन मोचो आउर नगतखबर चो काजे घर नाहले भाईमन नाहले भईनमन नाहले आया नाहले बुआ नाहले पिला-झिलामन नाहले बेड़ामन के छांडुन दिलो से,

मरकुस 11:23

मय तुमचो ले सते बलें सें कि जोन कोनी ऐ डोंगरी ले बले दे, ‘तुय उकनी हो, आउर समुन्द ने जाऊन घसर,’ आउर आपलो मन ने संका नी कर, मान्तर बिश्वास कर कि जोन बलेंसें हुन होयेदे, तेबे हुनचो काजे हुनी होये दे।

मरकुस 12:43

तेबे हुन आपलो चेलामन के लगे हाग देऊन भाती हुनमन ले बल्लो, “मय तुमचो ले सते बलें सें कि मंदिर चो भण्डार ने चेगातो बितामन थानले ऐ कंगाल रान्डी सपाय ले बडुन भाती डालली से;

मरकुस 13:30

मय तुमचो ले सते बलें सें कि जिदलदाय ले ऐ सपाय गोठमन नी होये, हुदलदाय ले ऐ लोग जाते नी रदे।

मरकुस 14:18

जिदलदाय हुनमन बसुन भात खाते रवत, तेबे ईशु बल्लो, “मय तुमचो ले सते बलेंसे कि तुमीमन थानले गोटक, जोन मोचो संगे भात खाये से, मोके धरायदे।”

मरकुस 14:25

मय तुमचो ले सते बलें सें कि अंगुर चो रस हुन दिन तक फेर केबीई नी पियें दें, जिदलदाय ले माहापुरू चो राज ने नवा नी पियें दें।”

मरकुस 14:30

ईशु हुनचो ले बल्लो, “मय तुचो ले सते बलेंसें कि आजी ची ऐई राती के कुकड़ा चो दुयहार बासतोर पयले, तुय तीन हार मोचो ले मुकरून जासे।”

मरकुस 14:9

मय तुमचो ले सते बलेंसे कि सपाय जगत ने जाहांय बले ऐ नगतखबर परचार करा जाये दे, हुता हुनचो ऐ काम चो चरचा बले हुनचो सुरता ने करा जाये दे।”

मरकुस 3:28

“मय तुमचो ले सते बलें सें कि मानेमन चो पिलामन चो सपाय पाप आउर निन्दा जोन हुनमन कर सोत, छमा कराय जाये दे,

मरकुस 6:11

जोन जगा चो लोग तुमनमन के गरहन नी करोत आउर तुमचो नी सुनोत, हुता ले जाते ची आपलो तली पाँयमन चो धुरला फाफडून दिआस कि हुनमन थाने गोहई होओ।”

मरकुस 8:12

हुन आपलो आत्मा ने आह भरून भाती बल्लो, “ऐ समया चो लोगमन केंव चिना डगराय सोत? मय तुमचो ले सते बलें सें कि ऐ समया चो लोगमन के कोनी चिना नी दिया जाये।”

मरकुस 9:1

हुन हुनमन ले बल्लो, “मय तुमचो ले सते बलें सें कि जोन ऐथा उबा आसोत, हुनमन थानले कोनी-कोनी असन आत, कि जिदलदाय ले माहापुरू चो राज के सामरत संगे ऐतोर नी दकोत, हुलदाय ले मरना चो सुआद केबीई नी चाकोत।”

मरकुस 9:41

जोन कोनी गोटक बटका पानी तुमके ऐईकाजे पिआ ओ कि तुमी मसीह चो आहास तेबे मय तुमचो ले सते बलेंसें कि हुन आपलो ईनाम कसने रीति ले बले नी हजाये।

लूका 11:51

हाबिल चो हत्या ले धरून भाती जकर्याह चो हत्या लगले, जोन बेदी आउर मंदिर चो मंजी ने मारा गेला। मय तुमचो ले सते बलें सें, ऐ सपाय चो लेखा ऐई समया चो लोगमन ले धरा जाये दे।

लूका 12:37

धन्य आय हुन दास जोन के मालिक ऐऊन भाती चेता पाओ; मय तुमचो ले सते बलेंसें कि हुन करांड बान्दुन भाती हुनमन के भात खाऊक बसायेदे, आउर लगे ऐऊन भाती हुनमन चो सेवा करे दे।

लूका 13:35

दका, तुमचो घर तुमचो काजे उजराऊन छांडा जाये से, आउर मय तुमचो ले बलें सें; जिदलदाय ले तुमी नी बोला से, ‘धन्य आय हुन, जोन परबु चो नाव ले ऐऊ आय,’ हुलदाय ले तुमी मोके फेर केबीई नी दका से।”

लूका 16:17

बादरी आउर धरतनी चो गुचुन जातोर नियम चो गोटक बिन्दु चो मेटुन जातोर ले सरल आय।

लूका 18:17

मय तुमचो ले सते बलेंसें कि जोन कोनी माहापुरू चो राज के लेका चो असन गरहन नी करे हुन-हुन थाने केबीई ओलुक नी सके।”

लूका 18:29

हुन हुनमन ले बल्लो, “मय तुमचो ले सते बलेंसें कि असन कोनी निआत जोन माहापुरू चो राज चो काजे घर, नाहले बायले, नाहले भाईमन, नाहले आया बुआ, नाहले पिला-झिलामन के छांडुन दिलो से;

लूका 23:43

हुन हुनचो ले बल्लो, “मय तुचो ले सते बलें सें कि आजी ची तुय मोचो संगे सरग लोग ने हो से।”

लूका 4:24

आउर हुन बल्लो, “मय तुमचो ले सते बलेंसें कोनी अगम गिआनी आपलो देश ने मान-समान नी पाए।

यूहन्ना 1:51

फेर हुनचो ले बल्लो, “मय तुमनमन ले सत-सत बलें सें कि तुमी सरग के उगाढ़ी होलोर, आउर माहापुरू चो सरग दूतमन के माने चो बेटा चो उपरे उतरते आउर उपरे जातोर दका से।”

यूहन्ना 10:1

“मय तुमचो ले सत-सत बलें सें कि जोन कोनी बाट ले मेंडा कोठरली ने नी ओले, मान्तर कोनी दुसर बाट ले चेगुन जाऊ आय, हुन चोर आउर डाकु आय।

यूहन्ना 10:7

तेबे ईशु हुनमन ले फेर बल्लो, “मय तुमचो ले सत-सत बलें सें, मेंडामन चो बाट मय आंय।

यूहन्ना 12:24

मय तुमचो ले सत-सत बलें सें कि जिदलदाय ले गऊँ चो दाना भूईं थाने पडुन भाती मरून नी जाये, हुन ऐकला रऊ आय; मान्तर जिदलदाय मरून जाऊ आय, तेबे खुबे फल आनु आय।

यूहन्ना 13:16

मय तुमके सत-सत बलें सें, दास आपलो मालिक ले बड़े नुआय, आउर ना पठालोबिता आपलो पठालोबिता ले।

यूहन्ना 13:38

ईशु जबाप दिलो, “काय तुय मोचो काजे आपलो जीव के दे से? मय तुचो ले सत-सत बलें सें कि कुकड़ा बासुन नी रये दे जिदलदाय ले तुय तीन हार मोचो इन्कार नी कर से।”

यूहन्ना 14:12

“मय तुमचो ले सत-सत बलें सें कि जोन मोचो उपरे बिश्वास संगाऊ आय, ऐ काम जोन मय करू आंय हुन बले करे दे, मान्तर ऐचो ले बड़े काम करे दे, कसनबल्लोने मय बुआ चो लगे जायें सें।”

यूहन्ना 16:20

मय तुमचो ले सत-सत बलें सें कि तुमी गागा से आउर बिलका से, मान्तर संवसार हरिक करे दे; तुमके शोक होये दे, मान्तर तुमचो शोक हरिक ने बदलुन जाय दे।

यूहन्ना 16:23

हुन दिने तुमी मोचो ले काई नी पचारा से। मय तुमचो ले सत-सत बलें सें, अगर बुआ ले काई मांगा से, तेबे हुन मोचो नाव ले तुमके देये दे।

यूहन्ना 21:18

मय तुचो ले सत-सत बलें सें, जिदलदाय तुय जुआन रलीस तेबे आपलो करांड बान्दुन भाती जोन थाने चाहते रलीस हुता फिरते रलीस; मान्तर जिदलदाय तुय डोकरा हो से तेबे आपलो हाथ फयला से, आउर दुसर तुचो करांड बान्दुन भाती जोन थाने तुय नी मन कर सीस हुता तुके नेदे।”

यूहन्ना 3:11

मय तुचो ले सत-सत बलें सें कि आमी जोन जानु आंव हुन बोलु आंव, आउर जोन के आमी दकलु से हुनचो गोहई देऊ आंव, आउर तुमी आमचो गोहई गरहन नी करास।

यूहन्ना 3:3

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

यूहन्ना 3:5

ईशु जबाप दिलो, “मय तुचो ले सते-सते बलें सें, जिदलदाय ले कोनी माने पानी आउर आत्मा ले नी जनमे तेबे हुन माहापुरू चो राज ने ओलुक नी सके।

यूहन्ना 5:19

ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

यूहन्ना 6:26

ईशु हुनमन के जबाप दिलो, “मय तुमचो ले सत-सत बलें सें, तुमी मोके ऐईकाजे नी डगरायसास कि तुमी अकचकित काम दकलास, मान्तर ऐईकाजे कि तुमी रोटीमन खाऊन भाती संतुष्ट होलास।

यूहन्ना 6:32

ईशु हुनमन ले बल्लो, “मय तुमचो ले सत-सत बलें सें कि मूसा तुमके हुन रोटी सरग ले नी दिलो, मान्तर मोचो बुआ तुमके सते रोटी सरग ले देऊ आय।

यूहन्ना 6:47

मय तुमचो ले सत-सत बलें सें कि जोन कोनी बिश्वास करू आत, अमर जीवना हुनचेई आय।

यूहन्ना 6:53

ईशु हुनमन ले बल्लो, “मय तुमचो ले सत-सत बलें सें कि जिदलदाय ले तुमी माने चो बेटा चो मास नी खाहास, आउर हुनचो लऊ नी पिआ, तुमचो ने जीव निआय।

यूहन्ना 8:34

ईशु हुनमन के जबाप दिलो, “मय तुमचो ले सत-सत बलें सें कि जोन कोनी पाप करू आय हुन पाप चो दास आय।

यूहन्ना 8:51

मय तुमचो ले सत-सत बलेंसें कि अगर कोनी माने मोचो बचन थाने चलेदे, तेबे हुन केबीई मरना के नी दकेदे।”

यूहन्ना 8:58

ईशु हुनमन ले बल्लो, “मय तुमचो ले सत-सत बलेंसें, कि पयले ऐचो ले कि अब्राहाम उपजास होलो, मय आंय।”

1 पतरस 1:25

मान्तर परबु चो बचन जुग-जुग थीर रऊ आय।” आउर ऐई नगतखबर चो बचन आय जोन तुमके सुनाया गेलीसे।

प्रकाशितवाक्य 20:11

फेर मय गोटक बड़े पंडरी सिंघासन आउर हुनके, जोन हुन थाने बसलो से, दकले; हुनचो पुरे ले धरतनी आउर बादरी पराला, आउर हुनमन चो काजे जगा नी मिरली।