मत्ती 5:16 - Halbi

¹⁶ हुनी परकार तुमचो उजर मानेमन चो पुरे चमको कि हुनमन तुमचो नुकु काममन के दकुन भाती तुमचो बुआ, चो जोन सरग ने आसे, बड़ाई करोत।

परमेस्वर को सच्चो वचन ख जाननू

¹⁶ असोई तरीका से तुमारो उजेलो भी इंसान हुन को सामने चमकते रैय, जसो वी तुमरा भला काम हुन ख देख ख तुमारो स्वर्ग म रहन वालो परमेस्वर बाप की बड़ाई कर सके।

मत्ती 5:16 ပူးပေါင်းရင်းမြစ်များ

मत्ती 23:5

हुनमन आपलो सपाय काम लोगमन के दकातो काजे करू आत हुनमन आपलो ताबिजमन के ओसार करू आत आउर आपलो फटीईमन चो धड़ी बड़ाऊ आत।

मत्ती 23:9

धरतनी थाने कोकीई आपलो बुआ नी बोला, कसनबल्लोने तुमचो गोटक ची बुआ आसे, जोन सरग ने आसे।

मत्ती 5:45

जेचो ले तुमी आपलो सरग चो बुआ चो पिलामन ठेबा से कसनबल्लोने हुन अच्छा आउर खराप दुनो थाने आपलो बेर उदाऊ आय, आउर धरमी आउर अधरमी दुनो उपरे बरसा घसराऊ आय।

मत्ती 6:16

“जिदलदाय तुमी उपास करा, तेबे कपटीमन चो असन तुमचो मुंह थाने मुरमुरा नी छाऊ रवो, कसनबल्लोने हुनमन आपलो मुंह बनाऊन रऊ आत, बल्ले लोग हुनमन के उपासी जानोत। मय तुमचो ले सते बलें सें कि हुनमन आपलो ईनाम पाऊन चुकला।

मत्ती 6:9

“आउर तुमी ऐ रीति ले पारथना करा: ‘हे आमचो बुआ, तुय जोन सरग ने आशीष; तुचो नाव पवितर माना जाओ।’

मत्ती 9:8

लोग ऐ दकुन भाती भक्याला आउर माहापुरू चो महिमा करूक मुरयाला जोन मानेमन के असन अधिकार दिलोसे।

लूका 11:2

हुन हुनमन ले बल्लो, “जिदलदाय तुमी पारथना करा, तेबे बोला: ‘हे बुआ, तुचो नाव पवितर माना जाओ, तुचो राज ऐओ।’

यूहन्ना 15:8

मोचो बुआ चो महिमा ऐचीई ले होऊ आय कि तुमी खुबे असन फल आना, तेबे ची तुमी मोचो चेला ठेबा से।

प्रेरितो 9:36

याफा ने तबीता बल्लोने दोरकास नाव चो गोटक बिश्वासिनी रते रली। हुन खुबे असन अच्छा-अच्छा काम आउर दान करते रली।

1 कुरिन्थियो 14:25

आउर हुनचो मन चो भेद उजागर होऊन जाये दे, आउर तेबे हुन पाटा पडुन घसरुन भाती माहापुरू के पाँय पड़े दे, आउर माने दे कि सत-सत माहापुरू तुमचो मंजी ने आसे।

2 कुरिन्थियो 9:13

कसनबल्लोने ऐ सेवा के सबुत मानुन हुनमन माहापुरू चो महिमा परकट करू आत कि तुमी मसीह चो नगतखबर के मानुन भाती हुनचो अधीन रऊ आहास, आउर हुनमन चो बाटे सपाय चो सायता करतो ने उदारता परकट करते रऊ आहास।

गलातियो 1:24

आउर हुन मोचो बारे ने माहापुरू चो महिमा करते रली।

इफिसीयो 2:10

कसनबल्लोने आमी हुनचो बनालोर आव, आउर मसीह ईशु ने हुन अच्छा काममन चो काजे बनाया गेलु जोनमन के माहापुरू पयले ले आमचो करतो काजे तिआर करलो।

इफिसीयो 5:8

कसनबल्लोने तुमी तो पयले अंधार राआस मान्तर अदायं परबु ने उजर आहास, मान्तर उजर चो पिलामन चो असन चला।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

1तीमुथियुस 2:10

मान्तर अच्छा काममन ले, कसनबल्लोने माहापुरू चो भक्ति करतो बिती बायले लेकीमन के ऐई अच्छा बले आय।

1तीमुथियुस 5:10

आउर अच्छा काम ने सुनाम रऊन रओ, जोन पिलामन चो पालन पोषन करू रओ; सगा चो सेवा करू रओ, पवितर लोगमन चो पाँय धोऊ रओ, दुखिमन चो सायता करू रओ, आउर हरकोनी अच्छा काममन ने मन लगाऊ रओ।

1तीमुथियुस 5:25

असने ची कितलो अच्छा काम बले परकट होऊ आय; आउर जोन असन नी होओत, हुनमन बले लुकुक नी सकोत।

1तीमुथियुस 6:18

आउर भलाई करोत, आउर अच्छा काममन ने सवकार बनोत, आउर उदार आउर सायता देतो ने पुरे रओत,

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

तीतुस 2:7

सपाय गोठमन ने आपन खुद के अच्छा काममन चो नमूना बनाव। तुचो उपदेश ने सफाई, गमभीरता,

तीतुस 3:14

आमचो लोग बले जरूरतमन के पुरा करतो काजे अच्छा काममन ने लगुन रतोर सिकोत कि बीना फल नी रओत।

तीतुस 3:4

मान्तर जिदलदाय आमचो मुक्तिकरू माहापुरू चो किरपा आउर मानेमन उपरे हुनचो मया परकट होली,

इब्रानियो 10:24

आउर मया, आउर अच्छा काममन ने हुच हुचातो काजे आमी गोटक दुसर चो चिन्ता करा करूं,

1 पतरस 2:12

दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

1 पतरस 3:1

हे बायले लेकीमन, तुमी बले आपलो मुनुक चो अधीन राहा, ऐईकाजे कि अगर ऐ मन ले कोनी असन होओत जोन बचन के नी मानोत,

1 पतरस 3:16

आउर बिबक बले शुद्ध संगाहा, ऐईकाजे कि जोन गोठमन चो बारे ने तुमचो बदनामी होऊ आय हुनमन चो बारे ने हुनमन जोन मसीह ने तुमचो अच्छा चाल-चलन चो बेईजित करू आत, बेईजित होओत।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।

1 पतरस 4:14

फेर अगर मसीह चो नाव चो काजे तुमचो निन्दा करा जाये से तो तुमी धन्य आस, कसनबल्लोने महिमा चो आत्मा, जोन माहापुरू चो आत्मा आय, तुमचो उपरे छांया करू आय।