मत्ती 5:12 - Halbi

¹² तेबे हरिक आउर उदुम हुआ, कसनबल्लोने तुमचो काजे सरग ने बड़े ईनाम आसे। ऐईकाजे कि हुनमन हुन अगम गिआनीमन के जोन तुमचो ले पयले रवत ऐई रीति ले कन्दराऊ रला।

परमेस्वर को सच्चो वचन ख जाननू

¹² तब हसनो अर मगन होनो, काहेकि तुमारो लाने स्वर्ग म बडो फल हैं। एकोलाने कि उनना वी भविस्यवक्ता हुन ख जो तुम से पहले हता यूईच तरीका से सतायो रहा।”

मत्ती 5:12 ပူးပေါင်းရင်းမြစ်များ

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 6:16

“जिदलदाय तुमी उपास करा, तेबे कपटीमन चो असन तुमचो मुंह थाने मुरमुरा नी छाऊ रवो, कसनबल्लोने हुनमन आपलो मुंह बनाऊन रऊ आत, बल्ले लोग हुनमन के उपासी जानोत। मय तुमचो ले सते बलें सें कि हुनमन आपलो ईनाम पाऊन चुकला।

लूका 13:34

“हे यरूशलेम! हे यरूशलेम! तुय जोन अगम गिआनीमन के मारू आस, आउर जोन तुचो लगे पटाया गेला हुनमन उपरे पकना पकाऊ आस। कितलो हार मय ऐ मन करले कि जसन कुकड़ी आपलो पिलामन के आपलो पाटकी चो खाले रूंड़ा करू आय, असने ची मय बले तुचो पिलामन के रूंड़ा करें दें, मान्तर तुमी ऐ नी मन करलास।

लूका 6:23

“हुन दिने खुबे हरिक होऊन भाती डगाहा, कसनबल्लोने दका, तुमचो काजे सरग ने बड़े करलो फल आसे; हुनमन चो बुआ-दादीमन अगम गिआनीमन चो संगे बले असने ची करते रवत।”

लूका 6:35

मान्तर आपलो शतरूमन ले मया संगावा, आउर भलाई करा, आउर फेर पावतोर आशा नी संगाऊन भाती उदार दिआस; आउर तुमचो काजे बड़े फल होये दे, आउर तुमी परमपरधान चो पिलामन ठेबा से, कसनबल्लोने हुन हुनमन उपरे जोन धन्यबाद नी करोत आउर खरापमन उपरे बले किरपालु आसोत।

प्रेरितो 16:25

अधघर राती चो लगे-लगे पौलुस आउर सीलास पारथना करते-करते माहापुरू चो भजन गाते रवत, आउर कयदीमन हुनमन चो सुनते रवत।

प्रेरितो 5:41

हुनमन ऐ गोठ ले हरिक होऊन भाती माहासभा चो पुरे ले जाते गेला, कि आमी हुनचो नाव चो काजे बेईजित होतो लायक तो ठेबलु।

रोमियो 5:3

मात्र ऐई नाई, मान्तर आमी कलेशमन ने बले घमण्ड करू, ऐ जानुन भाती कि कलेश ले धीरज,

1 कुरिन्थियो 3:8

लगातो बिता आउर सींचतो बिता दुनो गोटक आत; मान्तर हरकोनी माने आपलो ची मसागत चो अनुसार आपलो ची भुती पाये दे।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

फिलिप्पियो 1:29

कसनबल्लोने मसीह चो लागुन तुमचो उपरे ऐ अनुग्रह होली कि ना मात्र हुनचो उपरे बिश्वास करा मान्तर हुनचो काजे दुख बले उठाआ;

फिलिप्पियो 2:17

अगर मोके तुमचो बिश्वास रूपी बलिदान आउर सेवा चो संगे आपलो लऊ बले बोहड़ाऊक पड़ो, तेबे बले मय हरिक आसे आउर तुमी सपाय चो संगे हरिक करूं आंय।

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

कुलुस्सियो 3:24

कसनबल्लोने तुमी जानेसास कि तुमके ऐचो पालटा परबु ले हक मिरे दे; तुमी परबु मसीह चो सेवा करू आस।

1 थिस्सलुनीकियो 2:15

जोनमन परबु ईशु के आउर अगम गिआनीमन के बले मारून दिला आउर आमके कन्दराला, आउर माहापुरू हुनमन ले हरिक निआय, आउर हुनमन सपाय मानेमन चो बिरोद करू आत,

इब्रानियो 10:34

कसनबल्लोने तुमी कयदीमन चो दुक ने बले दुकी होलास आउर आपलो सम्पत्ति बले हरिक ले जटुक दिलास; ऐ जानुन भाती कि तुमचो लगे गोटक आउर बले बड़ीया आउर हरमेशा ठेबतो बिती सम्पत्ति आसे।

इब्रानियो 11:26

हुन मसीह चो लागुन निन्दा होतो काजे मिस्र चो भण्डार ले बड़े धन समजलो, कसनबल्लोने हुनचो आँईक फल पावतोर बाटे लागुन रये।

इब्रानियो 11:33

ऐमन बिश्वास ची चो दुवारा राज जीतला; धरम चो काम करला; बायदा करलो बिती तीज परापत करला; डुरकामन चो मुंह बन्द करला;

इब्रानियो 11:6

आउर बिश्वास बिना हुनके हरिक करतोर नी होऊक सके; कसनबल्लोने माहापुरू चो लगे ऐतो बितामन के बिश्वास करतोर आय कि हुन आसे, आउर आपलो डगरातो बितामन के करलो फल देऊ आय।

याकूब 1:2

ऐ मोचो भाईमन, जिदलदाय तुमी नाना परकार चो परीक्षामन ने पड़ा, तेबे ऐके पुरा हरिक चो गोठ समजा,

याकूब 5:10

हे भाईमन जोन अगम गिआनीमन परबु चो नाव ले गोठयाला, हुनमन के दुक उठातो आउर धीरज धरतोर गोठ के नमूना समजा।

1 पतरस 4:13

मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।