मत्ती 5:11 - Halbi

¹¹ “धन्य आस तुमी, जिदलदाय माने मोचो कारन तुमचो निन्दा करदे, आउर कन्दरा दे आउर झूठ बोलुन-बोलुन भाती तुमचो बिरूद ने सपाय परकार चो खराप गोठ बलदे।

परमेस्वर को सच्चो वचन ख जाननू

¹¹ “भलो हैं तुम, जब इंसान मोरो वजे से तुमरी बेज्जती करा हैं, तुम पा अत्याचार करा अऊर ढ़ेर सारा झुटा अरोप लगावा हैं।

मत्ती 5:11 ပူးပေါင်းရင်းမြစ်များ

मत्ती 10:18

तुमी मोचो काजे हाकिममन आउर राजामन चो पुरे हुनमन थाने, आउर दुसर जातिमन थाने गोहई होतो काजे पोंचाया जाआसे।

मत्ती 10:22

मोचो नाव चो लागुन सपाय लोग तुमचो ले बईर करदे, मान्तर जोन आखरी तक धीरज धरू रयदे हुनचेई मुक्ति होयेदे।

मत्ती 10:25

चेला के गुरू चो, आउर दास के मालिक चो बराबर होतोर ची खुबे आय। जिदलदाय हुनमन घर चो मालिक के शयतान बल्ला तेबे हुनचो घर बितामन के केंव नी बलदे।”

मत्ती 10:39

जोन आपलो जीव बचाऊ आय, हुन हुनके नी बचाए; आउर जोन मोचो लागुन आपलो जीव देऊ आय, हुन हुनके पायदे।

मत्ती 19:29

आउर जोन कोनी बले घरमन, नाहले भाईमन, नाहले भईनमन, नाहले बुआ, नाहले आया, नाहले पिला-झिलामन, नाहले बेड़ामन के मोचो नाव चो काजे छांडुन दिलो से, हुनके सव गुना मिरेदे, आउर हुन अमर जीवना चो हकदार होयेदे।

मत्ती 24:9

तेबे हुनमन कलेश देतो काजे तुमके धरा दे, आउर तुमके मारून पका दे, आउर मोचो नाव चो कारन सपाय जातिमन चो लोग तुमचो ले बईर संगा दे।

मत्ती 27:39

ऐतो जातो लोग मुण्ड हलान-हलान भाती हुनचो निन्दा करते रवत,

मरकुस 13:13

आउर मोचो नाव चो कारन सपाय लोग तुमचो ले बईर कर दे; मान्तर जोन आखरी तक धीरज धरून रये दे, हुनचेई मुक्ति होये दे।

मरकुस 13:9

“मान्तर तुमी आपलो बारे ने बाचुन राहा; कसनबल्लोने लोग तुमके बड़े सभामन ने सोप दे आउर तुमी पंचायतमन ने पेटाय जाआ से, आउर मोचो कारन राजपालमन आउर राजामन चो पुरे उबा कराय जाआ से, बल्ले हुनमन चो काजे गोहई हुआ।

मरकुस 4:17

मान्तर आपलो भीतरे चेर नी संगातोर लागुन हुनमन खिन्डिक ची असन दिनमन काजे रऊ आत; ऐचो पाचे जिदलदाय बचन चो लागुन हुनमन उपरे तकलीस नाहले कल-कल होऊ आय, तेबे हुनमन तुरते ठोकरना खाऊ आत।

मरकुस 8:35

कसनबल्लोने जोन कोनी आपलो जीव बचाऊक चाहा ये से हुन हुनके नी बचाए, मान्तर जोन कोनी मोचो आउर नगतखबर चो काजे आपलो जीव देऊ आय, हुन हुनके बचाए दे।

लूका 21:12

मान्तर ऐ सपाय गोठमन ले पयले हुनमन मोचो नाव चो लागुन तुमके धर दे, आउर कन्दरा दे, आउर आराधना घरमन ने सोप दे, आउर जयलघर ने ढ़पादे, आउर राजामन आउर राजपालमन चो पुरे नेदे।

लूका 21:17

मोचो नाव चो लागुन सपाय लोग तुमचो ले बईर कर दे।

लूका 6:22

“धन्य आहास तुमी जिदलदाय माने चो बेटा चो लागुन लोग तुमचो ले बईर कर दे, आउर तुमके निकराऊन देदे, आउर तुमचो निन्दा कर दे, आउर तुमचो नाव खराप जानुन भाती काटून देदे।”

लूका 9:24

कसनबल्लोने जोन कोनी आपलो जीव बचाऊक चाहा ये से हुन हुनके नी बचाए, मान्तर जोन कोनी मोचो काजे आपलो जीव के नी बचाए हुनी हुनके बचाए दे।

यूहन्ना 15:21

मान्तर ऐ सपाय काई हुनमन मोचो नाव चो लागुन तुमचो संगे कर दे, कसनबल्लोने हुनमन मोचो पठालोबिता के नी जानोत।

यूहन्ना 9:28

तेबे हुनमन हुनके गलत-सलत बोलुन बल्ला, “तुय ची हुनचो चेला आस, आमी तो मूसा चो चेला आंव।

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

रोमियो 8:36

जसन लिकलोर आसे, “तुचो काजे आमी दिनभर घात कराय जाऊ आंव; आमी पुजाय होतो बिती मेंडामन चो असन गेनाया गेलु से।”

1 कुरिन्थियो 4:10

आमी मसीह चो काजे मुरूक आंव, मान्तर तुमी मसीह ने अकल बितामन आस; आमी कमजोर आंव, मान्तर तुमी बलवान आस। तुमी ईजीत पाऊ आस, मान्तर आमी निरादर होऊ आंव।

2 कुरिन्थियो 4:11

कसनबल्लोने आमी जीवता-जीवता हरमेशा ईशु चो लागुन मरना चो हाथ ने सोपा जाऊ आंव कि ईशु चो जीवना बले आमचो मरनहार देंह ने परकट होओ।

फिलिप्पियो 1:29

कसनबल्लोने मसीह चो लागुन तुमचो उपरे ऐ अनुग्रह होली कि ना मात्र हुनचो उपरे बिश्वास करा मान्तर हुनचो काजे दुख बले उठाआ;

1 पतरस 2:23

हुन झगड़ा सुनुन भाती झगड़ा नी करते रये, आउर दुख उठाऊन भाती काकीई बले धमकी नी देते रये, मान्तर आपन खुद के सते नियायी चो हाथ ने सोपते रये।

1 पतरस 4:14

फेर अगर मसीह चो नाव चो काजे तुमचो निन्दा करा जाये से तो तुमी धन्य आस, कसनबल्लोने महिमा चो आत्मा, जोन माहापुरू चो आत्मा आय, तुमचो उपरे छांया करू आय।

प्रकाशितवाक्य 2:3

“तुय धीरज धरू आस, आउर मोचो नाव चो काजे दुख उठाते-उठाते थाकलीस नाई।”