मत्ती 5:10 - Halbi

¹⁰ “धन्य आत हुनमन, जोन धारमिकता चो कारन कन्दराया जाऊ आत, कसनबल्लोने सरग चो राज हुनीमन चो आय।”

परमेस्वर को सच्चो वचन ख जाननू

¹⁰ “भलो हैं वी, जो धर्म का काम हुन करन को वजे से दुख तखलीप सहा हैं; काहेकि स्वर्ग को राज उनको ही हैं।”

मत्ती 5:10 ပူးပေါင်းရင်းမြစ်များ

मत्ती 10:23

जिदलदाय हुनमन तुमके गोटक नंगर ने कन्दरादे, तेबे दुसर बाटे पराहा। मय तुमचो ले सते बलेंसे, तुमी इस्राएल परदेश चो सपाय नंगरमन ने नी फिरून चुकासे कि माने चो बेटा ऐयेदे।”

मत्ती 19:14

ईशु बल्लो, “पिलामन के मोचो लगे ऐऊक दिआस, आउर हुनमन के माना नी करा, कसनबल्लोने सरग चो राज असने मन चो आय।”

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

मत्ती 5:3

“धन्य आत हुनमन, जोन मन चो सोज आत, कसनबल्लोने सरग चो राज हुनीमन चो आय।”

मरकुस 10:14

ईशु ऐ दकुन रीस होऊन भाती हुनमन ले बल्लो, “लेकामन के मोचो लगे ऐऊक दिआस आउर हुनमन के माना नी करा, कसनबल्लोने माहापुरू चो राज असने मन चो आय।

मरकुस 10:30

आउर अदायं ऐ समया सव गुना नी पाआ, घरमन आउर भाईमन आउर भईनमन आउर आयामन आउर पिला-झिलामन आउर बेड़ामन के, मान्तर कन्दरानी चो संगे आउर उपरपुर ने अमर जीवना।

लूका 21:12

मान्तर ऐ सपाय गोठमन ले पयले हुनमन मोचो नाव चो लागुन तुमके धर दे, आउर कन्दरा दे, आउर आराधना घरमन ने सोप दे, आउर जयलघर ने ढ़पादे, आउर राजामन आउर राजपालमन चो पुरे नेदे।

लूका 22:29

आउर जसन मोचो बुआ मोचो काजे गोटक राज ठेबालो से, असने ची मय बले तुमचो काजे ठेबायें से,

लूका 6:20

तेबे हुन आपलो चेलामन चो बाटे दकुन भाती बल्लो, “धन्य आहास तुमी जोन सीदा आहास, कसनबल्लोने माहापुरू चो राज तुमचो आय।”

लूका 6:22

“धन्य आहास तुमी जिदलदाय माने चो बेटा चो लागुन लोग तुमचो ले बईर कर दे, आउर तुमके निकराऊन देदे, आउर तुमचो निन्दा कर दे, आउर तुमचो नाव खराप जानुन भाती काटून देदे।”

यूहन्ना 15:20

जोन गोठमन मय तुमचो ले बोलुन रये, ‘दास आपलो मालिक ले बड़े नी होये,’ हुनके सुरता संगाहा। अगर हुनमन मोके कन्दरा दे, तो तुमके बले कन्दरा दे; अगर हुनमन मोचो गोठ मान दे, तेबे तुमचो बले मान दे।

प्रेरितो 5:40

तेबे हुनमन हुनचो गोठ मानला; आउर पठालोबितामन के हाग देऊन भाती पेटाला; आउर ऐ हुकुम देऊन छांडुन दिला कि ईशु चो नाव ले फेर कोनी गोठ नी करा।

प्रेरितो 8:1

शाऊल हुनचो मरना चो संगे सलाह रये। हुनी दिने यरूशलेम चो कलीसिया उपरे बड़े उपद्रव होऊक मुरयाली आउर पठालोबितामन के छांडुन सपाय ले सपाय यहूदिया आउर सामरी देशमन ने जत-खत होऊन गेला।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

फिलिप्पियो 1:28

आउर कोनी गोठ ने बिरूदीमन ले भय नी खाहास। ऐ हुनमन चो बिनाश चो छुकछुका चिना आय, मान्तर तुमचो काजे मुक्ति चो आउर ऐ माहापुरू चो बाटले आय।

2 तीमुथियुस 2:12

अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

2 तीमुथियुस 3:11

आउर असन दुखमन ने बले जोन अन्ताकिया आउर इकुनियुम आउर लुस्त्रा ने मोचो उपरे पडुन रये, आउर दुसर दुखमन ने बले जोन मय उठाले से; मान्तर परबु मोके हुन सपाय ले छंडालो।

याकूब 1:12

धन्य आय हुन माने जोन परीक्षा ने थीर रऊ आय, कसनबल्लोने हुन खर निकरून भाती जीवना चो हुन मुकुट पायेदे जेचो बायदा परबु आपलो मया करतो बितामन ले करलो से।

याकूब 5:11

दका, आमी धीरज धरतो बितामन के धन्य बोलु आंव। तुमी तो अय्युब चो धीरज चो बारे ने तो सुनलासास ची, आउर परबु चो बाटले जोन हुनचो करलो फल होली हुनके बले जानला से, जेचो ले परबु चो खुबे करूना आउर दया परकट होऊ आय।

1यूहन्ना 3:12

आउर कैन चो असन नी बना जोन हुन दुष्ट ले रलो, आउर जोन आपलो भाई के घात करलो। आउर हुनके काय लागुन घात करलो? ऐई लागुन कि हुनचो काम खराप रये, आउर हुनचो भाई चो काम धरम चो रये।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”