मत्ती 4:3 - Halbi

³ तेबे परकतो बिता शयतान लगे ऐऊन भाती ईशु ले बल्लो, “अगर तुय माहापुरू चो बेटा आस, तो बोलुन देस, कि ऐ पकना रोटीमन बनुन जाओ।”

परमेस्वर को सच्चो वचन ख जाननू

³ ते परख न वालो न ओको जोने आका ओसे बोल्यो, “अदि तू परमेस्वर को पोरिया आय, ते कह दा, कि यी पत्थर रोटी हुन बन जाय।”

मत्ती 4:3 ပူးပေါင်းရင်းမြစ်များ

मत्ती 14:33

आउर हुनमन जोन ड़ोंगा थाने रवत, हुनके पाँय पडुन बल्ला, “सते, तुय माहापुरू चो बेटा आस।”

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

मत्ती 26:63

मान्तर ईशु ओगाय रलो। तेबे माहायाजक हुनचो ले बल्लो, “मय तुके जीवता माहापुरू चो किरिया देयें सें कि अगर तुय माहापुरू चो बेटा मसीह आस, तो आमके बोलुन देस।”

मत्ती 3:17

आउर ऐ आकाशबानी होली, “ऐ मोचो लाड़रा बेटा आय, जेचो ले मय खुबे हरिक आंसे।”

मरकुस 1:1

माहापुरू चो बेटा ईशु मसीह चो नगतखबर चो मुर।

मरकुस 3:11

अशुद्ध आत्मामन बले, जिदलदाय हुनके दकते रवत, तेबे हुनचो पुरे घसरते पड़ते रवत, आउर चिचयाऊन भाती बोलते रवत कि तुय माहापुरू चो बेटा आस;

मरकुस 5:7

आउर जोर ले चिचयाऊन भाती बल्लो, “हे ईशु, परमपरधान माहापुरू चो बेटा, मोके तुचो ले काय काम? मय तुके माहापुरू चो किरिया देयें सें कि मोके दुक नी देस।”

लूका 1:35

सरगदूत हुनके जबाप दिलो, “पवितर आत्मा तुचो उपरे उतरे दे, आउर परमपरधान चो सामरत तुचो उपरे छांय करेंदे; ऐईकाजे हुन पवितर जोन पयदा होतो बिता आय, माहापुरू चो बेटा बलाय जायेदे।

लूका 22:70

ऐ थाने सपाय बल्ला, “तेबे काय तुय माहापुरू चो बेटा आस?” हुन हुनमन ले बल्लो, “तुमी खुद ची बलेसास, कसनबल्लोने मय आय।”

लूका 4:3

तेबे शयतान हुनचो ले बल्लो, “अगर तुय माहापुरू चो बेटा आस, तो ऐ पकना ले बोल, कि रोटी बनुन जाओ।”

लूका 4:41

आउर दुष्टआत्मामन बले चिचयाते आउर ऐ बोलते कि, “तुय माहापुरू चो बेटा आस,” खुबेमन ले निकरून गेली। मान्तर हुन हुनमन के खिजते आउर बोलुक नी देते रलो, कसनबल्लोने हुनमन जानते रवत कि हुन मसीह आय।

लूका 4:9

तेबे हुन हुनके यरूशलेम ने नेऊन भाती मंदिर चो गुबा थाने उबा करलो, आउर हुनचो ले बल्लो, “अगर तुय माहापुरू चो बेटा आस, तो आपन खुद के ऐथा ले खाले घसराऊन देस।

यूहन्ना 1:34

आउर मय दकले, आउर गोहई दिले से कि ऐई ची माहापुरू चो बेटा आय।”

यूहन्ना 1:49

नतनएल हुनके जबाप दिलो, “हे रब्बी, तुय माहापुरू चो बेटा आस; तुय इस्राएल चो माहाराजा आस।”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 9:35

ईशु सुनलो कि हुनमन हुनके बाहरे निकराऊन दिला, आउर जिदलदाय हुनचो ले भेट होली तेबे बल्लो, “काय तुय माहापुरू चो बेटा उपरे बिश्वास करी सीस?”

प्रेरितो 9:20

आउर हुन तुरते आराधना घरमन ने ईशु चो परचार करूक मुरयालो कि हुन माहापुरू चो बेटा आय।

2 कुरिन्थियो 1:19

“कसनबल्लोने माहापुरू चो बेटा ईशु मसीह जेचो आमचो बाटले बल्लोने मोचो आउर सिलवानुस आउर तीमुथियुस चो बाटले तुमचो मंजी ने परचार होली, हुन थाने ‘हव’ आउर ‘नाई’ दुनो नी रये, मान्तर हुन थाने ‘हव’ ची ‘हव’ होली।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

1 थिस्सलुनीकियो 3:5

ऐई लागुन जिदलदाय मोचो ले आउर नी रऊक होली, तेबे तुमचो बिश्वास चो हाल जानतो काजे पठाले, कि काहांय असन नी होओ कि परीक्षा धरतो बिता तुमचो परीक्षा धरलो से, आउर आमचो मसागत फकाहा होऊन गेली से।

इब्रानियो 12:16

असन नी होओ कि कोनी जन बेबीचारी, नाहले एसाव चो असन अधरमी होओ जोन गोटक हार चो भात चो पलटा आपलो पयलवात होतोर पन बिकुन दिलो।

इब्रानियो 4:14

ऐईकाजे जसन आमचो असन बड़े माहायाजक आसे, जोन सरगमन ले होऊन भाती गेलोसे, बल्लोने माहापुरू चो बेटा ईशु, तो ईआ, आमी आपलो अंगीकार के मजबूत ले थामुन रऊं।

इब्रानियो 7:3

जेचो ना बुआ, ना आया, ना बंसावली आसे, जेचो दिनमन चो ना मुर आसे आउर ना जीवना चो आखरी आसे; मान्तर माहापुरू चो बेटा चो रूपरंग ठेबुन भाती हुन सदा चो काजे याजक बनुन रऊ आय।

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”