मत्ती 4:23 - Halbi

²³ आउर ईशु सपाय गलील परदेश ने बुलते-बुलते हुनमन चो आराधना घरमन ने उपदेश करते, आउर राज चो नगतखबर परचार करते, आउर लोगमन चो सपाय परकार चो बेमार आउर कमजोरी के दूर करते रलो।

परमेस्वर को सच्चो वचन ख जाननू

²³ यीसु पूरो गलील प्रदेस म फिर-फिर ख ओको प्रार्थना घर हुन म सिखाते रयो अऊर राज्य को सुसमाचार प्रचार करते, अर इंसान हुन की कई तरीका कि बीमारी हुन अर कमजोरी हुन ख दूर करते जात रहा।

मत्ती 4:23 ပူးပေါင်းရင်းမြစ်များ

मत्ती 11:5

कि काना दक सोत आउर खोड़ीयामन हिन्डे सोत बुलसोत, कोढ़ी शुद्ध करा जासोत आउर भयरामन सुन सोत, मुरदा जिआया जासोत, आउर कंगालमन के नगतखबर सुनाया जायसे।

मत्ती 12:9

हुता ले जाऊन भाती हुन हुनमन चो आराधना घर ने ईलो।

मत्ती 13:19

जोन कोनी राज चो बचन सुनुन भाती नी समजे, हुनचो मन ने जोन काई बुनलोर रये, हुनके हुन दुष्ट ऐऊन भाती झिकुन नेऊ आय। ऐ हुनी आय, जोन बाट चो रेटे बुनलोर रये।

मत्ती 13:54

आउर आपलो नंगर ने ऐऊन भाती हुनमन चो आराधना घर ने हुनमन के असन उपदेश देऊक मुरयालो कि हुनमन अकचकित होऊन भाती बोलुक मुरयाला, “ऐके ऐ गिआन आउर सामरत चो काम काहां ले मिरली?

मत्ती 14:14

हुन निकरून भाती गोटक बड़े भीड़ दकलो आउर हुनमन उपरे जीव दुकालो, आउर हुनमन चो बेमारमन के चेंगा करलो।

मत्ती 24:14

आउर राज चो ऐ नगतखबर पुईतराय जगत ने परचार करा जाये दे, कि सपाय जातिमन उपरे गोहई होओ, तेबे आखरी होये दे।”

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 9:35

ईशु गलील चो सपाय नंगरमन आउर गाँवमन ने बुलते रये आउर हुनमन चो आराधना घरमन ने उपदेश करते, आउर राज चो नगतखबर परचार करते, आउर सपाय परकार चो बेमार आउर कमजोरी के दूर करते रलो।

मरकुस 1:14

यूहन्ना चो धराया गेलोर पाचे ईशु गलील ने ऐऊन भाती माहापुरू चो राज चो नगतखबर परचार करलो,

मरकुस 1:21

तेबे हुनमन कफरनहूम ने ईला, आउर हुन तुरते सब्त चो दिने आराधना घर ने जाऊन भाती उपदेश करूक मुरयालो।

मरकुस 1:39

आउर हुन सपाय गलील ने हुनमन चो आराधना घरमन ने जाऊन-जाऊन भाती परचार करते आउर दुष्टआत्मामन के निकरा ते रलो।

मरकुस 3:10

कसनबल्लोने हुन खुबेमन के चेंगा करू रये, ऐईकाजे जितरो लोग रोग ने रवत, हुनके छिंवतो काजे हुनचो उपरे घसरते पड़ते रवत।

मरकुस 6:2

सब्त चो दिने हुन आराधना घर ने उपदेश करूक मुरयालो, आउर खुबे असन लोग सुनुन भाती अकचकित होला आउर बोलुक मुरयाला, “ऐके ऐ गोठमन काहां ले ईली? ऐ कोन बिती गिआन आय जोन हुनके दिआ गेली से? कसन सामरत चो काम ऐचो हाथमन ले उजागर होऊ आय?

मरकुस 6:6

आउर हुनके हुनमन चो अबिश्वास थाने चकित होली, आउर हुन भोंवरक चो गाँवमन ने उपदेश करते बुललो।

लूका 10:9

हुता चो बेमारीमन के चेंगा करा आउर हुनमन ले बोला, ‘माहापुरू चो राज तुमचो लगे ऐऊन पहुँचली से।’

लूका 13:10

सब्त चो दिने हुन गोटक आराधना घर ने उपदेश करते रलो।

लूका 16:16

“नियम आउर अगम गिआनी यूहन्ना लगले रवत; हुन समया ले माहापुरू चो राज चो नगतखबर सुनाया जाये से, आउर हरकोनी हुन थाने हिम्मत ले ओले से।

लूका 20:1

गोटक दिन असन होली कि जिदलदाय हुन मंदिर ने लोगमन के उपदेश देते रये आउर नगतखबर सुनाते रलो, तेबे परधान याजक आउर शास्तरी, सियानमन चो संगे लगे ऐऊन भाती उबा होलो;

लूका 4:14

फेर ईशु आत्मा चो सामरत ले भरलोर गलील ने आपस ईलो, आउर हुनचो गोठ बात लगे-लगे चो पुईतराय देशमन ने फयलुन गेली।

लूका 5:17

गोटक दिन असन होली कि हुन अच्छा गोठ सांगते रये, आउर फरीसी नियमकारी हुता बसुन रवत जोन गलील आउर यहूदिया चो सपाय गाँव ले आउर यरूशलेम ले ऐऊ रओत, आउर चेंगा करतो चो काजे परबु चो सामरत हुनचो संगे रली।

लूका 6:17

तेबे हुन हुनमन चो संगे उतरून भाती समान जगा ने उबा होलो, आउर हुनचो चेलामन चो बड़े भीड़, आउर सपाय यहूदिया, यरूशलेम, आउर सूर आउर सयदा चो समुन्द चो कटा ले खुबे लोग,

लूका 6:6

असन होली कि कोनी आउर सब्त चो दिने हुन आराधना घर ने जाऊन भाती उपदेश सांगुक मुरयालो; आउर हुता गोटक माने रलो जेचो उजा हाथ सुकुन रये।

लूका 7:21

हुनी समया हुन खुबे असन ची बेमारमन आउर दुखमन, आउर दुष्टआत्मामन ले दूर करलो आउर खुबे असन कानामन के आँईक दिलो;

लूका 7:22

आउर हुन हुनमन ले बल्लो, “जोन काई तुमी दकलास आउर सुनलासास, जाऊन यूहन्ना के सांगुन दिआस; कि कानामन दक सोत, खोड़ीयामन हिन्डे सोत बुलसोत, कोढ़ी शुद्ध करा जाय सोत, भयरामन सुन सोत, मुरदा जीव पड़ सोत, आउर कंगालमन के नगतखबर सुनाया जाये से।

लूका 8:1

ऐचो पाचे हुन नंगर-नंगर आउर गाँव-गाँव परचार करते-करते, आउर माहापुरू चो राज चो नगतखबर सुनाते-सुनाते फिरूक मुरयालो, आउर हुनमन बारो हुनचो संगे रवत,

लूका 9:11

ऐ जानुन भाती भीड़ हुनचो पाट-पाट गेला, आउर हुन हरिक संगे हुनमन ले मिललो, आउर हुनमन ले माहापुरू चो राज चो गोठमन करूक मुरयालो, आउर जोन चेंगा होतोर चाह ते रवत हुनमन के चेंगा करलो।

लूका 9:60

हुन हुनचो ले बल्लो, “मरलो बितामन के आपलो मोड़ी तोपुक देस, मान्तर तुय जाऊन भाती माहापुरू चो राज चो कथा सुनाव।”

यूहन्ना 18:20

ईशु हुनके जबाप दिलो, “मय संवसार ले खुलुन भाती गोठयाले; मय आराधना घरमन ने आउर मंदिर ने, जाहां सपाय यहूदी रूंड़ा होऊ आत, हरमेशा उपदेश करले आउर गुपत ने काई बले नी बल्ले।

यूहन्ना 6:59

ऐ गोठमन हुन कफरनहूम चो गोटक आराधना घर ने उपदेश देतो समया बल्लो।

यूहन्ना 7:1

ऐ गोठमन चो पाचे ईशु गलील ने बुलते रलो; कसनबल्लोने यहूदी हुनके मारून देतोर कोशिश करते रवत, ऐईकाजे हुन यहूदिया ने बुलुक नी चाहते रलो।

प्रेरितो 10:38

माहापुरू कोन रीति ले ईशु नासरी के पवितर आत्मा आउर सामरत ले अभिषेक करलो; हुन भलाई करते आउर सपाय के जोन शयतान चो कन्दरालोर रवत, अच्छा करते फिरलो, कसनबल्लोने माहापुरू हुनचो संगे रलो।

प्रेरितो 18:4

हुन हरकोनी सब्त चो दिने आराधना घर ने गोठ बात करून यहूदीमन आउर यूनानीमन के बले समजाते रलो।

प्रेरितो 20:25

अदायं दका, मय जाने कि तुमी सपाय जोनमन ने मय माहापुरू चो राज चो परचार करते फिर ले, मोचो थोमना फेर नी दकास।

प्रेरितो 28:31

आउर जोन हुनचो लगे ऐते रवत, हुन सपाय ले मिलते रलो आउर बिना रोक-टोक खुबे निडर होऊन भाती माहापुरू चो राज चो परचार करते आउर परबु ईशु मसीह चो गोठमन सिकाते रलो।

रोमियो 10:15

आउर अगर पटाया नी जाऊँ, तेबे कसन परचार करवां? जसन लिकलोर आसे, “हुनमन चो पाँय कितरो सुन्दर आय, जोन अच्छा गोठमन चो नगतखबर सुनाऊ आत!”