मत्ती 4:17 - Halbi

¹⁷ हुन समया ले ईशु परचार करतोर आउर ऐ बोलतोर मुरयालो, “मन फिरावा कसनबल्लोने सरग चो राज लगे ईलीसे।”

परमेस्वर को सच्चो वचन ख जाननू

¹⁷ उ बखत से यीसु प्रचार करन अर या खबर सुनान लग गयो, “मन फिराव, काहेकि स्वर्ग को राज्य नजीक आ गयो हैं।”

मत्ती 4:17 ပူးပေါင်းရင်းမြစ်များ

मत्ती 10:7

आउर हिन्ड़ते-हिन्ड़ते ऐ परचार करा सरग चो राज लगे ईलीसे।

मत्ती 11:12

यूहन्ना डूबन देतो बिता चो दिनमन ले ऐबे तक सरग चो राज ने ताकत संगे ओलते रला सोत, आउर ताकत बिता हुनके झिकुन धरे सोत।

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

मत्ती 13:24

ईशु हुनमन के गोटक आउर कहनी दिलो, “सरग चो राज हुन माने चो असन आय जोन आपलो बेड़ा ने अच्छा बीज बुनलो।

मत्ती 13:47

“फेर सरग चो राज हुन बड़े झारी चो असन आय जोन समुन्द ने डाला गेली, आउर सपाय परकार चो मछरीमन के सकलुन आनली।

मत्ती 13:9

जेचो कान आसे हुन सुना।”

मत्ती 25:1

“सरग चो राज हुन दस कुंआरीमन चो असन होये दे जोन आपलो मशालमन धरून भाती दुला ले भेट करूक निकरला।

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 6:10

‘तुचो राज ऐओ। तुचो इच्छा जसन सरग ने पुरा होऊ आय, असने धरतनी थाने बले होओ।’

मत्ती 9:13

ऐईकाजे तुमी जाऊन भाती ऐचो अरत सिका, ‘मय बलिदान नाई मान्तर दया मन करूं आय।’ कसनबल्लोने मय धरमीमन के नाई, मान्तर पापीमन के हाग देऊक ईलेसे।”

लूका 15:10

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने माहापुरू चो सरग दूतमन चो पुरे हरिक होऊ आय।”

लूका 15:7

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने बले सरग ने ईतली ची हरिक होये दे, जितरो कि निन्यानबे असन धरमीमन चो बारे नी होये, जोनमन के मन फिरातोर जरूरत निआय।

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

लूका 3:23

जिदलदाय ईशु खुद अच्छा गोठ करूक मुरयालो तेबे लगभग तीस बरक चो उमर चो रलो आउर (जसन समजा जाते रली) यूसुफ चो बेटा रलो; आउर हुन एली चो,

लूका 5:32

मय धरमीमन के नाई, मान्तर पापीमन के मन फिरातो काजे हाग देऊक ईले से।”

लूका 9:2

आउर हुनमन के माहापुरू चो राज चो परचार करतोर आउर बेमारमन के अच्छा करतो काजे पठालो।

प्रेरितो 11:18

ऐ सुनुन भाती हुनमन ओगाय रला, आउर माहापुरू चो बड़ाई करून बोलुक धरला, तेबे तो माहापुरू दुसर जातिमन के बले जीवन चो काजे मन फिराव चो बर दिलो से।

प्रेरितो 17:30

ऐईकाजे माहापुरू अगिआनता चो समयामन थाने धिआन नी दिलो, मान्तर अदायं हर जगा सपाय मानेमन के मन फिरातोर हुकुम देऊ आय।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 26:20

मान्तर पयले दमिश्क चो, फेर यरूशलेम चो, आउर तेबे यहूदिया चो पुईतराय देश चो रतो बितामन के, आउर दुसर जातिमन के समजाते रये, कि मन फिराआ आउर माहापुरू चो बाटे फिरून भाती मन फिराव चो लायक काम करा।

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

इब्रानियो 6:1

ऐईकाजे ईआ मसीह चो सिक्या चो मुर चो गोठमन के छांडुन भाती आमी सिद्धता चो बाटे पुरे बड़ते जाऊ, आउर मरलो बिती काममन ले मन फिरातो, आउर माहापुरू उपरे बिश्वास करतोर,