मत्ती 4:10 - Halbi

¹⁰ तेबे ईशु हुनचो ले बल्लो, “हे शयतान दूर होऊन जा, कसनबल्लोने लिकलोर आसे: ‘तुय परबु आपलो माहापुरू के पाँय पड़, आउर मात्र हुनचेई उपास कर।’”

परमेस्वर को सच्चो वचन ख जाननू

¹⁰ तब यीसु न जुवाब दियो, “दूर हो जा, सैतान! काहेकि सुध्द सास्र म लिखो हैं: ‘तू प्रभु अपनो परमेस्वर ख आराधना अऊर सिरप ओकी ही उपासना करे।’”

मत्ती 4:10 ပူးပေါင်းရင်းမြစ်များ

मत्ती 16:23

हुन उलटुन भाती पतरस ले बल्लो, “हे शयतान, मोचो पुरे ले दूर हो! तुय मोचो काजे ठोकर चो कारन आस; कसनबल्लोने तुय माहापुरू चो गोठमन थाने नाई, मान्तर मानेमन चो गोठमन थाने मन लगाऊ आस।”

मरकुस 1:13

रान ने चालीस दिन तक शयतान हुनचो परीक्षा करलो; आउर हुन रान पशुमन चो संगे रलो, आउर सरगदूत हुनचो सेवा करते रवत।

लूका 10:18

हुन हुनमन ले बल्लो, “मय शयतान के सरग ले बिजली चो असन घसरलोर दकते रये।

लूका 11:18

अगर शयतान आपली ची बिरूदी होओ, तेबे हुनचो राज कसन बनुन रये दे? कसनबल्लोने तुमी मोचो बारे ने तो बलेसास कि ऐ शयतान चो सायता ले दुष्टआत्मा निकराऊ आय।

लूका 13:16

तेबे काय ठीक नी रली कि ये बायले लेकी जोन अब्राहाम चो बेटी आय जेके शयतान अठारा बरक ले बान्दुन संगाऊ रये, सब्त चो दिने ऐ बान्दन ले छंडाया जाति?”

लूका 22:3

तेबे शयतान यहूदा थाने भिड़ली, जोन इस्करियोती बलाया आउर बारा चेलामन थाने गेना जाते रलो।

लूका 22:31

“शिमोन, हे शिमोन! दक, शयतान तुमनमन के मांगलो से कि गऊँ चो असन आपटो,

लूका 4:8

ईशु हुनके जबाप दिलो, “लिकलोर आसे: ‘तुय परबु आपलो माहापुरू के जुहार कर; आउर मात्र हुनचेई उपास कर’।”

यूहन्ना 13:27

गोंदा धरते ची खन शयतान हुनचो थाने समाऊन गेलो। तेबे ईशु हुनचो ले बल्लो, “जोन तुय करे सीस, तुरते कर।”

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

प्रेरितो 5:3

पतरस बल्लो, “हे हनन्या! शयतान तुचो मन ने ऐ गोठ केंव डाल्लो कि तुय पवितर आत्मा ले झूठ बोल, आउर भुईं चो दाम थानले खिन्डिक गुचाऊन संगाव?”

1 कुरिन्थियो 5:5

देंह चो बिनाश चो काजे शयतान के सोपा जाओ, बल्ले हुनचो आत्मा परबु ईशु चो दिन ने मुक्ति पाओ।

1 कुरिन्थियो 7:5

तुमी एक दुसर ले अलग नी राहा; मान्तर मात्र खिन्डिक समया ले आपस चो सलाह ले कि पारथना चो काजे छुट्टी मिरो, आउर फेर गोटक संगे राहा; असन नी होओ कि तुमचो अधिरजा चो लागुन शयतान तुमके परको।

2 कुरिन्थियो 11:14

ऐ काई भक्यातो बिती गोठ नुआय कसनबल्लोने शयतान खुद बले उजर मय सरगदूत चो भेष धारन करू आय।

2 कुरिन्थियो 12:7

ऐईकाजे कि मय परकाशनमन चो खुबे होलो ने फुलुन नी जायें, मोचो देंह ने गोटक काटा गड़ाया गेली, बल्लोने शयतान चो गोटक दूत चो मोके ठुसा मारोत बल्ले मय फुलुन नी जाए।

2 कुरिन्थियो 2:11

कि शयतान चो आमचो उपरे दाँव नी चलो, कसनबल्लोने आमी हुनचो चालमन ले अनजान निआव।

याकूब 4:7

ऐईकाजे माहापुरू चो आधीन होऊन जाहा; आउर शयतान चो सामना करा, तेबे हुन तुमचो लगले निकरून परायदे।

1 पतरस 5:9

बिश्वास ने जमखम होऊन भाती, आउर ऐ जानुन भाती हुनचो सामना करा कि तुमचो भाई जोन संवसार ने आसोत असने ची दुख-सहे सोत।