मत्ती 3:2 - Halbi

² “मन फिरावा, कसनबल्लोने सरग चो राज लगे ईलीसे।”

परमेस्वर को सच्चो वचन ख जाननू

² “मन फिराओ, काहेकि स्वर्ग को राज नजीक आ गयो हैं।”

मत्ती 3:2 ပူးပေါင်းရင်းမြစ်များ

मत्ती 10:7

आउर हिन्ड़ते-हिन्ड़ते ऐ परचार करा सरग चो राज लगे ईलीसे।

मत्ती 11:20

तेबे हुन-हुन नंगरमन चो लोग के टेचराउन जबाप देऊक मुरयालो, जोन थाने हुन खुबे असन सामरत चो कामकरू रलो, कसनबल्लोने हुनमन आपलो मन नी फिराऊ रला।

मत्ती 12:41

निनवे चो लोग नियाय चो दिने ऐ जुग चो लोगमन चो संगे उठून भाती हुनमन के दोषी ठेबा दे, कसनबल्लोने हुनमन योना चो परचार सुनुन भाती मन फिराला; आउर दका, ऐथा हुन आसे जोन योना ले बले बड़े आय।

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

मत्ती 13:24

ईशु हुनमन के गोटक आउर कहनी दिलो, “सरग चो राज हुन माने चो असन आय जोन आपलो बेड़ा ने अच्छा बीज बुनलो।

मत्ती 13:31

हुन हुनमन के आउर गोटक कहनी दिलो, “सरग चो राज राई चो गोटक बीज चो असन आय, जोन के कोनी माने धरून भाती आपलो बेड़ा ने बुनुन दिलो।

मत्ती 13:33

हुन गोटक आउर कहनी हुनमन के सुनालो, “सरग चो राज खमीर चो असन आय जोन के कोनी बायले लेकी धरून भाती तीन पोसा आंटा ने मिसाली आउर होऊ-होऊ हुन सपाय खमीर होली।”

मत्ती 13:47

“फेर सरग चो राज हुन बड़े झारी चो असन आय जोन समुन्द ने डाला गेली, आउर सपाय परकार चो मछरीमन के सकलुन आनली।

मत्ती 13:52

फेर ईशु हुनमन ले बल्लो, “ऐईकाजे सपाय शास्तरी जोन सरग राज चो चेला बनलो से, हुन घर चलाऊ बिता चो असन आय जोन आपलो भण्डार ले नवा आउर जुना तीजमन निकराऊ आय।”

मत्ती 18:23

“ऐईकाजे सरग चो राज हुन राजा चो असन आय, जोन आपलो दासमन ले लेखा धरूक चाह लो।

मत्ती 20:1

“सरग चो राज कोनी घर चो मालिक चो असन आय, जोन बिहाने निकरलो कि आपलो दाख चो बनवाड़ी ने भुतियारमन के लगा ओ।

मत्ती 22:2

“सरग चो राज हुन राजा चो समान आय, जोन आपलो बेटा चो बिहा करलो।

मत्ती 23:13

“हे कपटी शास्तरीमन आउर फरीसीमन, तुमचो उपरे हाय! तुमी मानेमन चो काजे सरग राज चो दुआर बंद कर सास, ना तो खुद हुन थाने ओलु आस आउर ना हुन थाने ओलतो बितामन के ओलुक देऊ आस।

मत्ती 25:1

“सरग चो राज हुन दस कुंआरीमन चो असन होये दे जोन आपलो मशालमन धरून भाती दुला ले भेट करूक निकरला।

मत्ती 25:14

“कसनबल्लोने ऐ हुन माने चो असन गती आय जोन परदेश जातो समया आपलो दासमन के हाग देऊन भाती आपलो धनमाल हुनमन के सोपुन दिलो।

मत्ती 4:17

हुन समया ले ईशु परचार करतोर आउर ऐ बोलतोर मुरयालो, “मन फिरावा कसनबल्लोने सरग चो राज लगे ईलीसे।”

मत्ती 4:23

आउर ईशु सपाय गलील परदेश ने बुलते-बुलते हुनमन चो आराधना घरमन ने उपदेश करते, आउर राज चो नगतखबर परचार करते, आउर लोगमन चो सपाय परकार चो बेमार आउर कमजोरी के दूर करते रलो।

मत्ती 5:10

“धन्य आत हुनमन, जोन धारमिकता चो कारन कन्दराया जाऊ आत, कसनबल्लोने सरग चो राज हुनीमन चो आय।”

मत्ती 5:3

“धन्य आत हुनमन, जोन मन चो सोज आत, कसनबल्लोने सरग चो राज हुनीमन चो आय।”

मत्ती 6:10

‘तुचो राज ऐओ। तुचो इच्छा जसन सरग ने पुरा होऊ आय, असने धरतनी थाने बले होओ।’

मत्ती 6:33

ऐईकाजे पयले तुमी माहापुरू चो राज आउर हुनचो धरम चो खोज करा तेबे ऐ सपाय तीजमन बले तुमके मिरून जायदे।

मरकुस 1:15

आउर बल्लो, “समया पुरा होली से, आउर माहापुरू चो राज लगे ईली से; मन फिराआ आउर नगतखबर थाने बिश्वास करा।”

मरकुस 1:4

यूहन्ना ईलो, जोन रान ने डूबन देते, आउर पापमन चो छमा काजे मन फिराव चो डूबन चो परचार करते रलो।

मरकुस 6:12

तेबे हुनमन जाऊन भाती परचार करला कि मन फिरावा,

लूका 1:16

आउर इस्राएलीमन थानले खुबे असन के हुन परबु माहापुरू चो बाटे फिरायदे।

लूका 11:20

मान्तर अगर मय माहापुरू चो सामरत ले दुष्टआत्मामन के निकराऊ आंय, तेबे माहापुरू चो राज तुमचो लगे ऐऊन अमरली से।

लूका 13:3

मय तुमचो ले बलें सें कि नाई; मान्तर अगर तुमी मन नी फिराआ से तेबे तुमी सपाय बले ऐई रीति ले नष्ट हुआ से।

लूका 13:5

मय तुमचो ले बलें सें कि नाई; मान्तर अगर तुमी मन नी फिराआ से तेबे तुमी सपाय बले ऐई रीति ले नष्ट हुआ से।”

लूका 15:10

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने माहापुरू चो सरग दूतमन चो पुरे हरिक होऊ आय।”

लूका 15:7

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने बले सरग ने ईतली ची हरिक होये दे, जितरो कि निन्यानबे असन धरमीमन चो बारे नी होये, जोनमन के मन फिरातोर जरूरत निआय।

लूका 16:30

हुन बल्लो, ‘नाई, हे बुआ अब्राहाम; मान्तर अगर कोनी मरलो बितामन थानले हुनमन चो लगे जादे, तेबे हुनमन मन फिरा दे।’

लूका 21:31

ऐई रीति ले जिदलदाय तुमी ऐ गोठमन होतोर दका, तेबे जाना कि माहापुरू चो राज लगे आसे।

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

लूका 6:20

तेबे हुन आपलो चेलामन चो बाटे दकुन भाती बल्लो, “धन्य आहास तुमी जोन सीदा आहास, कसनबल्लोने माहापुरू चो राज तुमचो आय।”

लूका 9:2

आउर हुनमन के माहापुरू चो राज चो परचार करतोर आउर बेमारमन के अच्छा करतो काजे पठालो।

प्रेरितो 11:18

ऐ सुनुन भाती हुनमन ओगाय रला, आउर माहापुरू चो बड़ाई करून बोलुक धरला, तेबे तो माहापुरू दुसर जातिमन के बले जीवन चो काजे मन फिराव चो बर दिलो से।

प्रेरितो 17:30

ऐईकाजे माहापुरू अगिआनता चो समयामन थाने धिआन नी दिलो, मान्तर अदायं हर जगा सपाय मानेमन के मन फिरातोर हुकुम देऊ आय।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 20:21

मान्तर यहूदीमन आउर यूनानीमन चो पुरे गोहई देते रले कि माहापुरू चो बाटे मन फिराहा आउर आमचो परबु ईशु मसीह उपरे बिश्वास करतोर आसे।

प्रेरितो 26:20

मान्तर पयले दमिश्क चो, फेर यरूशलेम चो, आउर तेबे यहूदिया चो पुईतराय देश चो रतो बितामन के, आउर दुसर जातिमन के समजाते रये, कि मन फिराआ आउर माहापुरू चो बाटे फिरून भाती मन फिराव चो लायक काम करा।

प्रेरितो 3:19

ऐईकाजे, मन फिरावा आउर बाहाडून ईआ कि तुमचो पाप मेटुन जाओ, जेचो ले परबु चो पुरे ले विश्रांति चो दिन ऐओ,

2 कुरिन्थियो 7:10

कसनबल्लोने माहापुरू-भक्त चो दुक असन पश्तावा पयदा करू आय जेचो फल मुक्ति आय आउर फेर हुनचो ले पश्ताऊक नी पढ़े। मान्तर संवसार चो दुक मरना पयदा करू आय।

कुलुस्सियो 1:13

हुनी आमके अंधार चो बश ले छंड़ाऊन भाती आपलो लाड़रा बेटा चो राज ने परवेश करालो,

2 तीमुथियुस 2:25

हुन बिरूदीमन के नम्रता ले समजाओ, काय जाने माहापुरू हुनमन के मन फिराव चो मन देओ कि हुनमन बले सत के चिता ओत,

इब्रानियो 6:1

ऐईकाजे ईआ मसीह चो सिक्या चो मुर चो गोठमन के छांडुन भाती आमी सिद्धता चो बाटे पुरे बड़ते जाऊ, आउर मरलो बिती काममन ले मन फिरातो, आउर माहापुरू उपरे बिश्वास करतोर,

2 पतरस 3:9

परबु आपलो बायदा चो बारे ने बेर नी करे, जसन बेर कितलो लोग समजु आत; मान्तर तुमचो बारे ने धीरज धरू आय, आउर नी चाहाय कि कोनी नष्ट होओ मान्तर ऐ आय कि सपाय के मन फिरातोर मवका मिरो।

प्रकाशितवाक्य 2:21

“मय हुनके मन फिरातो काजे मवका दिले, मान्तर हुन आपलो बेबीचार ले मन फिराऊक नी चाहाये।”

प्रकाशितवाक्य 2:5

“ऐईकाजे सुरता कर कि तुय काहां ले घसरली सीस, आउर मन फिराव आउर पयले चो असन काम कर; अगर तुय मन नी फिरासे, तो मय तुचो लगे ऐऊन भाती तुचो पटेरा के हुनचो जगा ले गुचाऊन देयेंदे।”