मत्ती 3:12 - Halbi

¹² हुनचो सुपा हुनचो हाथ ने आसे, आउर हुन आपलो बेड़ा अच्छा रीति ले साफ करेदे, आउर आपलो गऊँ के तो कोटार ने रूंड़ा करेदे, मान्तर भुसा के हुन आईग ने जलायदे जोन लिबतो बिती नुआय।”

परमेस्वर को सच्चो वचन ख जाननू

¹² ओको सूपडा ओको हात म हैं, अऊर उ अपनो खल्ला चोक्खो तरीका से सफा करेगों, अऊर अपनो गहूँ ख तो बखारी म जमा करेगों, पर भूसा ख वा आगी म जलायगो जे बुझन की नी।”

मत्ती 3:12 ပူးပေါင်းရင်းမြစ်များ

मत्ती 13:30

काटतो दाय ले दुनो के गोटक संगे बाडुक दिआस, आउर काटतो चो समया ने मय काटतो बितामन ले बलेंदें कि पयले रान बीज चो बुटामन सकलुन भाती जरातो काजे हुनमन चो भारा बान्दा, आउर गऊँ के मोचो कोटार ने रूंड़ा करा।”

मत्ती 13:41

माने चो बेटा आपलो सरग दूतमन के पटाये दे, आउर हुनमन हुनचो राजमन थानले सपाय ठोकरना चो कारनमन के आउर कुकरम काम करतो बितामन के रूंड़ा करदे,

मत्ती 13:42

आउर हुनमन के आईग चो कुण्ड ने पका दे, जोन थाने गागतोर आउर दात कड़रतोर होयेदे।

मत्ती 13:43

हुन समय धरमी आपलो बुआ चो राज ने बेर चो असन चमक दे। जेचो कान आसे हुन सुना।

लूका 3:16

तेबे यूहन्ना हुन सपाय चो जबाप ने बल्लो, “मय तो तुमके पानी ले डूबन देयें सें, मान्तर हुन ऐतो बिता आय, जोन मोचो ले शक्ति बिता आय; मय तो ऐ लायक बले नुआय, कि हुनचो पनही चो बांदन निकराऊक सकें, हुन तुमके पवितर आत्मा आउर आईग ले डूबन देये दे।

लूका 3:17

हुनचो सुपा, हुनचो हाथ ने आसे; आउर हुन आपलो कोटार के अच्छा ढंग ले छुक-छुका करे दे; आउर गऊँ के आपलो बेड़ा ने रूंड़ा करे दे; मान्तर भुसा के हुन आईग ने जोन लिबतो बिती नुआय जला ये दे।”

यूहन्ना 15:2

जोन खेंदा मोचो थाने आसे आउर नी फरे, हुनके हुन गोंदुन देऊ आय; आउर जोन फरू आय, हुनके हुन छाटू आय बल्ले आउर फरो।