मत्ती 3:11 - Halbi

¹¹ “मय तो पानी ले तुमके मन फिराव चो डूबन देयेंसे, मान्तर जोन मोचो पाचे ऐतो बिता आय, हुन मोचो ले आगर शक्तिशाली आय; मय हुनचो पनही उठातोर लायक नुआय, हुन तुमके पवितर आत्मा आउर आईग ले डूबन देयदे।

परमेस्वर को सच्चो वचन ख जाननू

¹¹ “मी तो तुम इंसान हुन ख पानी से पस्चाताप करन को बपतिस्मा देऊ हैं; उ मोसे जादा सक्तिसाली हैं। मी ओको जूता उठान को भी कबील नी हैं। उ तुमका सुध्द आत्मा अर आग से बपतिस्मा देहे।

मत्ती 3:11 ပူးပေါင်းရင်းမြစ်များ

मत्ती 3:6

आउर आपलो-आपलो पापमन के मानुन भाती यरदन लंदी ने हुनचो ले डूबन धरला।

मरकुस 1:4

यूहन्ना ईलो, जोन रान ने डूबन देते, आउर पापमन चो छमा काजे मन फिराव चो डूबन चो परचार करते रलो।

लूका 1:17

हुन एलिया चो आत्मा आउर सामरत ने होऊन भाती हुनचो पुरे-पुरे हिन्डे दे कि बुआमन चो मन पिला-झिलामन चो बाटे फिरान देयेंदे; आउर हुकुम नी मानतो बितामन के धरमीमन चो समज थाने आनो; आउर परबु चो काजे गोटक लायक परजा तिआर करो।”

लूका 3:16

तेबे यूहन्ना हुन सपाय चो जबाप ने बल्लो, “मय तो तुमके पानी ले डूबन देयें सें, मान्तर हुन ऐतो बिता आय, जोन मोचो ले शक्ति बिता आय; मय तो ऐ लायक बले नुआय, कि हुनचो पनही चो बांदन निकराऊक सकें, हुन तुमके पवितर आत्मा आउर आईग ले डूबन देये दे।

लूका 3:3

आउर हुन यरदन लंदी चो लगे-लगे चो पुईतराय देश ने ऐऊन भाती, पापमन चो छमा काजे मन फिराव चो डूबन चो परचार करूक मुरयालो।

यूहन्ना 1:15

यूहन्ना हुनचो बारे ने गोहई दिलो, आउर चिचयाऊन भाती बल्लो, “ऐ हुनी आय, जेचो बारे ने मय बरनन करले कि जोन मोचो पाचे ऐये से, हुन मोचो ले बडुन भाती आय, कसनबल्लोने हुन मोचो ले पयले रये।”

यूहन्ना 1:30

ऐ हुनी आय जेचो बारे ने मय सांगुन रले, गोटक माने मोचो पाट-पाट ऐये से जोन मोचो ले खुबे अच्छा आय, कसनबल्लोने हुन मोचो ले पयले रलो।

प्रेरितो 1:5

“कसनबल्लोने यूहन्ना तो पानी ने डूबन दिलो से मान्तर खिन्डिक दिनमन चो पाचे तुमी पवितर आत्मा ले डूबन पाआ से।”

प्रेरितो 19:4

पौलुस बल्लो, “यूहन्ना ऐ बोलुन भाती मन फिराव चो डूबन दिलो कि जोन मोचो पाचे ऐतो बिता आय, हुनचो उपरे बल्लोने ईशु उपरे बिश्वास करा।”

प्रेरितो 8:36

बाट ने हिन्ड़ते-हिन्ड़ते हुनमन कोनी पानी चो जगा ने अमरला। तेबे खोजा बल्लो, “दक ऐथा पानी आसे, अदायं मोके डूबन धरतो ने काय अड़चन आसे।”

प्रेरितो 8:38

तेबे हुन रत उबा करतोर हुकुम दिलो, आउर फिलिप्पुस आउर खोजा दुनो पानी ने उतरला, आउर हुन खोजा के डूबन दिलो।

1 कुरिन्थियो 12:13

कसनबल्लोने आमी सपाय काय यहूदी होओत काय यूनानी, काय दास होओ काय छुटछाड़ा, गोटक ची आत्मा चो बाटले गोटक देंह होतो काजे डूबन धरलु, आउर आमी सपाय के गोटक ची आत्मा पिआया गेली।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

तीतुस 3:5

तेबे हुन आमचो मुक्ति करलो; आउर ऐ धरम चो काममन चो लागुन नुआय, जोन आमीमन खुद करलु, मान्तर आपलो दया चो अनुसार नवा जनम चो नाहातोर आउर पवितर आत्मा चो आमके नवा बनातोर बाटले होली।

1 पतरस 5:5

असने परकार हे जुआनमन, तुमी बले सियानमन चो आधीन राहा, मान्तर तुमी सपाय चो सपाय गोटक दुसर चो सेवा चो काजे दिनता ले करांड बान्दुन राहा, कसनबल्लोने “माहापुरू मनमानीमन चो बिरूद करू आय मान्तर सोजमन उपरे अनुग्रह करू आय।”