मत्ती 3:1 - Halbi

¹ कितलो बरकमन चो पाचे यूहन्ना डूबन देतो बिता ऐऊन भाती यहूदिया परदेश चो छिड़ा जगा ने ऐ परचार करूक मुरयालो:

परमेस्वर को सच्चो वचन ख जाननू

¹ वी दिन म यूहन्ना बपतिस्मा देनवालो यहूदा प्रदेस को निर्जन प्रदेस म आयो, अऊर वहाँ असो प्रचार करन लग गयो:

मत्ती 3:1 ပူးပေါင်းရင်းမြစ်များ

मत्ती 11:11

“मय तुमचो ले सते बलेंसे कि जोन बायले लेकीमन ले जनमला सोत, हुनमन थानले यूहन्ना डूबन देतो बिता ले कोनी बड़े नी होला; मान्तर जोन सरग चो राज ने नानी ले नानी आय हुन हुनचो ले बड़े आय।

मत्ती 11:7

जिदलदाय हुनमन हुता ले गेला, तेबे ईशु यूहन्ना चो बारे ने लोगमन के सांगुक मुरयालो, “तुमी रान ने काय दकुक जाऊ रलास? काय लेहरा ले हलतो बिती सरकंडामन के?

मत्ती 16:14

हुनमन बल्ला, “खिन्डिक तो यूहन्ना डूबन देतो बिता बोलु आत, आउर खिन्डिक एलिया, आउर खिन्डिक यरमिया नाहले अगम गिआनीमन थानले कोनी गोटक बोलु आत।”

मत्ती 21:32

कसनबल्लोने यूहन्ना धरम चो बाट दकाते-दकाते तुमचो लगे ईलो, आउर तुमी हुनचो बिश्वास नी करलास: मान्तर कर धरू बिता आउर बेश्यामन हुनचो बिश्वास करला: आउर तुमी ऐ दकुन भाती पाचे बले नी पसताला कि हुनचो बिश्वास करतास।

मत्ती 3:8

मन फिरातोर लायक चो फल आना;

मरकुस 1:15

आउर बल्लो, “समया पुरा होली से, आउर माहापुरू चो राज लगे ईली से; मन फिराआ आउर नगतखबर थाने बिश्वास करा।”

मरकुस 1:2

जसन यशाया अगम गिआनी चो किताब ने लिकलोर आसे “दक, मय आपलो दूत के तुचो पुरे पटायें से, जोन तुचो काजे बाट सुधराये दे।

लूका 1:76

आउर तुय हे लेका, परमपरधान चो अगम गिआनी बलाय जासे, कसनबल्लोने तुय परबु चो बाट तिआर करतो काजे हुनचो पुरे-पुरे जासे,

लूका 7:24

जिदलदाय यूहन्ना चो पठालो लोग गेला तेबे ईशु यूहन्ना चो बारे ने लोगमन के सांगुक मुरयालो, “तुमी रान ने काय दकुक जाऊ रलास? काय लेहरा ले हालतोर सरकंडामन के?

प्रेरितो 1:22

“नगत आय कि हुनमन चो ले गोटक माने आमचो संगे हुनचो जीव उठतोर गोहई होऊन जाओत।”