मत्ती 27:19 - Halbi

¹⁹ जिदलदाय हुन नियाय आसन थाने बसु रलो तेबे हुनचो बायले हुनचो ले खबर पठाली, “तुय हुन धरमी चो मामला ने हाथ नी डाल, कसनबल्लोने मय आजी सपना ने हुनचो लागुन खुबे दुख उठाले से।”

परमेस्वर को सच्चो वचन ख जाननू

¹⁹ जब उ न्याय कि राज गदी पर बठो भेयो हतो ते ओकी घर वाली न ओ से कहला भेजो, “तु उ धर्मी ख लाफड़ा म हात नी डालनो, काहे कि मी न आज सपना म ओखा कारन बेजा दुख उठायो हैं।”

मत्ती 27:19 ပူးပေါင်းရင်းမြစ်များ

मत्ती 1:20

जिदलदाय यूसुफ ऐ गोठमन चो बिचार ने ची रलो तेबे माहापुरू चो सरगदूत हुनके सपना ने दका देउन भाती बोलुक मुरयालो, “हे यूसुफ! दाऊद पुरखा चो पिला, तुय आपलो बायले मरियम के आपलो घरे आनतो काजे नी डर, कसनबल्लोने जोन हुनचो गरब ने आसे, हुन पवितर आत्मा चो बाटले आय।

मत्ती 2:19

राजा हेरोदेस चो मरलोर पाचे, परबु चो दूत मिस्र ने यूसुफ के सपना ने दका देऊन भाती बल्लो,

मत्ती 2:22

मान्तर ऐ सुनुन भाती कि अरखिलाउस आपलो बुआ हेरोदेस चो जगा यहूदिया परदेश ने राज करे से, हुता जातो काजे डरलो; आउर सपना ने माहापुरू ले चेतावनी पाऊन भाती गलील परदेश ने गेलो।

मत्ती 27:18

कसनबल्लोने हुन जानते रलो कि हुनमन हुनके कपट ले धराला से।

मत्ती 27:24

जिदलदाय पिलातुस दकलो कि काई बन नी पढ़े से मान्तर ऐचो उलटा कोलार बड़ते जाये से, तेबे हुन पानी धरून भीड़ चो पुरे आपलो हाथ धोहलो आउर बल्लो, “मय ऐ धरमी चो लऊ ले बेकसूर आंय; तुमी ची जाना।”

मत्ती 27:4

आउर बल्लो, “मय बेकसूर के मरातो काजे धराऊन भाती पाप करले से!” हुनमन बल्ला, “आमके काय आय? तुय ची जान।”

लूका 23:41

आउर आमी तो नियाय अनुसार डण्ड पाऊ से, कसनबल्लोने आमी आपलो काममन चो ठीक फल पाऊ से; मान्तर ऐ कोनी गलत काम नी करलो।”

लूका 23:47

सुबेदार जोन काई होऊ रये दकुन भाती माहापुरू चो बड़ाई करलो, आउर बल्लो, “बिलकुल ऐ माने धरमी रलो।”

यूहन्ना 19:13

ऐ गोठमन सुनुन भाती पिलातुस ईशु के बाहरे आनलो आउर हुन जगा गोटक चबुतरा रये जोन इब्रानी ने ‘गब्बता’ बलाया जाऊ आय, आउर हुता नियाय आसन थाने बसलो।

प्रेरितो 12:21

ठेबालो दिने हेरोदेस राज फटीई पिन्दुन भाती सिंघासन थाने बसलो, आउर हुनमन के सांगुक मुरयालो।

प्रेरितो 18:12

जिदलदाय गल्लियो अखाया देश चो हाकिम रलो, तेबे यहूदीमन गोटक होऊन पौलुस चो उपरे ईला, आउर हुनके नियाय आसन चो पुरे आनुन भाती बोलुक मुरयाला,

प्रेरितो 18:16

आउर हुन हुनमन के नियाय आसन चो पुरे ले निकराऊन दिलो।

प्रेरितो 18:17

तेबे सपाय लोगमन आराधना घर चो सरदार सोस्थिनेस के धरून नियाय आसन चो पुरे मारला। मान्तर गल्लियो ऐ गोठमन चो काई बले चिन्ता नी करला।

प्रेरितो 25:10

पौलुस बल्लो, मय राजा चो नियाय आसन चो पुरे उबा आंसे; मोचो पेशी चो ऐथाय फयसला होतोर आसे। जसन तुय अच्छा ले जानीस, यहूदीमन चो मय काई अपराध नी करले।

प्रेरितो 25:17

आउर जिदलदाय हुनमन ऐथा रूंडा होला, तेबे मय खिन्डिक बेर नी करले, मान्तर दुसर ची दिने नियाय आसन थाने बसुन भाती हुन माने के आनतोर हुकुम दिले।

प्रेरितो 25:6

हुनमन चो मंजी कोनी आंट दस दिन रऊन भाती हुन कैसरिया जाते गेलो; आउर दुसर दिने नियाय आसन ने बसुन भाती पौलुस के आनतोर हुकुम दिलो।

1 पतरस 2:22

ना तो हुन पाप करलो आउर ना हुनचो मुंह ले छंद चो कोनी गोठ निकरली।

1यूहन्ना 2:1

हे मोचो लेकामन, मय ऐ गोठमन तुमके ऐईकाजे लिकें से कि तुमी पाप नी करा; आउर अगर कोनी पाप कर दे, तेबे बुआ चो लगे आमचो गोटक सायता करू आसे, बल्लोने धरमी ईशु मसीह;