मत्ती 26:38 - Halbi

³⁸ तेबे हुन हुनमन ले बल्लो, “मोचो जीव खुबे मुरमुरा आसे, ऐथा ले कि मोचो जीव निकरून जाये से। तुमी ऐथाय थेबा आउर मोचो संगे चेता रहा।”

परमेस्वर को सच्चो वचन ख जाननू

³⁸ अर ओ न उन से कय्हो, “मोरो मन बेजा जादा उदास हैं, यहाँ तक कि मोरी जान निकल जा रयो हैं। तुम यही रूको अर मोरो संग जागते रहनु।”

मत्ती 26:38 ပူးပေါင်းရင်းမြစ်များ

मत्ती 25:13

ऐईकाजे चेत ने राहा, कसनबल्लोने तुमी ना हुन दिन के जानास, ना हुन घड़ी के।”

मरकुस 14:34

आउर हुनमन ले बल्लो, “मोचो मन खुबे मुरमुरा आसे, ऐथा ले कि मय मरतो ने आंसे: तुमी ऐथाय थेबा, आउर चेता राहा।”

यूहन्ना 12:27

“अदायं मोचो जीव बाय बिकाल होये से। ऐईकाजे अदायं मय काय बोलु आंय? ‘हे बुआ, मोके ऐ समया ले बचाव?’ कसनबल्लोने मय ऐई लागुन ऐ समया ने अमरले से।

रोमियो 8:32

जोन आपलो खुद बेटा के बले नी संगाऊन छांडलो, मान्तर हुनके आमी सपाय चो काजे देऊन दिलो, हुन हुनचो संगे आमके आउर सपाय काई केंव नी देयेदे?

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

गलातियो 3:13

मसीह जोन आमचो काजे शरापित बनलो, आमके घेनुन भाती नियम चो शराप ले छंडालो, कसनबल्लोने लिकलोर आसे, “जोन कोनी काठ उपरे लटकाया जाऊ आय हुन शरापित आय।”

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।