मत्ती 25:41 - Halbi

⁴¹ “तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

परमेस्वर को सच्चो वचन ख जाननू

⁴¹ तब उ बाई तरफ वाला से कहेगो, अरे पापी अदमी हुन, मोरो सामने से उ अनन्त आग म चलो जा, ते सैतान अर ओखा दूत हुन ख लाने तैयार कियो गयो हैं।

मत्ती 25:41 ပူးပေါင်းရင်းမြစ်များ

मत्ती 13:40

आउर जसन रान बीज सकला जाऊ आय आउर जराया जाऊ आत असने ची जगत चो आखरी ने होयेदे।

मत्ती 13:42

आउर हुनमन के आईग चो कुण्ड ने पका दे, जोन थाने गागतोर आउर दात कड़रतोर होयेदे।

मत्ती 13:50

आउर हुनमन के आईग चो कुण्ड ने पकादे। जोन थाने गागतोर आउर दात कड़रतोर होयेदे।

मत्ती 18:8

“अगर तुचो हाथ नाहले तुचो पाँय तुके ठोकरना खुआ ये दे, तो हुनके गोंदुन भाती पकाऊन देस; कोला नाहले खोड़ीया होऊन भाती जीवना ने ओलतोर तुचो काजे ऐचो ले अच्छा आय कि दुय हाथ नाहले दुय पाँय रते-रते तुय नी सरतो आईग ने पकाया जासे।

मत्ती 25:42

कसनबल्लोने मय भुके रले, आउर तुमी मोके खातो काजे नी दिलास; मय पिआश रले, आउर तुमी मोके पानी नी पिआलास;

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

मत्ती 3:12

हुनचो सुपा हुनचो हाथ ने आसे, आउर हुन आपलो बेड़ा अच्छा रीति ले साफ करेदे, आउर आपलो गऊँ के तो कोटार ने रूंड़ा करेदे, मान्तर भुसा के हुन आईग ने जलायदे जोन लिबतो बिती नुआय।”

मत्ती 4:10

तेबे ईशु हुनचो ले बल्लो, “हे शयतान दूर होऊन जा, कसनबल्लोने लिकलोर आसे: ‘तुय परबु आपलो माहापुरू के पाँय पड़, आउर मात्र हुनचेई उपास कर।’”

मत्ती 5:22

मान्तर मय तुमचो ले ऐ बलेंसें कि जोन कोनी आपलो भाई उपरे रीस करेदे, हुन कचरी ने डण्ड चो लायक होयेदे, आउर जोन कोनी आपलो भाई के ठग बलेदे हुन बड़े सभा ने डण्ड लायक होयदे; आउर जोन कोनी बलेदे ‘अरे मुरक’ हुन नरक चो आईग चो डण्ड चो लायक होयेदे।

मत्ती 7:23

तेबे मय हुनमन ले खुलम खुला बोलुन देयेंदे, ‘मय तुमके केबीई नी जानले। हे कुकरम करतो बितामन, मोचो लगले जाहा।’”

लूका 13:27

मान्तर हुन बले दे, ‘मय तुमचो ले बलें सें, मय नी जाने तुमी काहां ले आहास। हे कुकरम करतो बितामन, तुमी सपाय मोचो ले लापी राआ।’

लूका 16:24

तेबे हुन चिचयाऊन भाती बल्लो, ‘हे बुआ अब्राहाम, मोचो उपरे दया करून लाजर के पटाऊन देस, बल्ले हुन आपलो अंडकी चो तिप पानी ने भिजाऊन भाती मोचो जीब के सितर करो, कसनबल्लोने मय ऐ आईग ने तड़पे सें।’

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

2 थिस्सलुनीकियो 1:7

आउर तुमी, जोन झंझट होऊ आहास, आमचो संगे आराम देओ; हुन समया जिदलदाय कि परबु ईशु आपलो सामरती दूतमन चो संगे, ढ़क-ढ़क तो आईग ने सरग ले परकट होये दे,

2 थिस्सलुनीकियो 1:9

हुनमन परबु चो पुरे ले आउर हुनचो शक्ति चो तेज ले लापी होऊन भाती अमर बिनाश चो डण्ड पावदे।

इब्रानियो 6:8

मान्तर अगर हुन लाटा आउर काटा बुटा अकराऊ आय, तो बेकार आउर शरापित होतो थाने आसे, आउर हुनचो आखरी जलाया जातोर आय।

2 पतरस 2:4

कसनबल्लोने जिदलदाय माहापुरू हुन सरग दूतमन के जोनमन पाप करला नी छांडलो, मान्तर नरक ने पटाऊन भाती अन्धार कुण्डमन ने डालुन दिलो बल्ले नियाय चो दिन तक बन्दी रवत;

1यूहन्ना 3:10

ऐचीई ले माहापुरू चो पिला आउर शयतान चो पिला जानाय जाऊ आत; जोन कोनी धरम चो काम नी करे हुन माहापुरू ले नुआय, आउर ना हुन जोन आपलो भाई ले मया नी संगाये।