मत्ती 25:10 - Halbi

¹⁰ जिदलदाय हुनमन घेनतो काजे जाते रवत तेबे दुला ऐऊन पोंचलो, आउर जोन तिआर रवत, हुनमन हुनचो संगे बिहा चो घर ने जाते गेला आउर कपाट बन्द करा गेली।

परमेस्वर को सच्चो वचन ख जाननू

¹⁰ जब वी खरीदन लेन ख जाय रही हती ते दूला आ पहुचो, अर जो तैयार हती, वी ओखा संग बिहाव का घर म चली गई अर दरवाजा बंद कियो गयो।”

मत्ती 25:10 ပူးပေါင်းရင်းမြစ်များ

लूका 13:25

जिदलदाय घर चो मालिक उठून भाती कपाट ढ़ाकुन रओ, आउर तुमी बाहरे उबा होऊन भाती कपाट ठक ठकाऊन भाती बोलुक मुरयाहा, ‘हे परबु, आमचो काजे उगाढुन देस,’ आउर हुन जबाप देओ, ‘मय तुमके नी जाने, तुमी काहां चो आहास?’

1 पतरस 1:13

ऐई लागुन आपलो-आपलो अकल चो करांड बान्दुन भाती, आउर चेत रऊन भाती, हुन अनुग्रह चो पुरा आशा संगाआ जोन ईशु मसीह चो परकट होतोर समया तुमके मिरतो बिती आय।

मत्ती 24:44

ऐईकाजे तुमी बले तिआर राहा, कसनबल्लोने जोन घड़ी चो बारे ने तुमी बिचारास बले नाई, हुनी समया माने चो बेटा ऐऊन जाये दे।”

प्रकाशितवाक्य 22:20

जोन ऐ गोठमन चो गोहई देऊ आय हुन ऐ बोलु आय, “हव, मय झटके ऐतो बिता आय।” आमीन। हे परबु ईशु आव!

मत्ती 25:6

“अधघर राती धुम मचली, ‘दका, दुला ऐये से! हुनचो ले भेट करतो काजे जो।’

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।

कुलुस्सियो 1:12

आउर बुआ चो धन्यबाद करते राहा, जोन आमके ऐ लाईक बनालो कि उजर ने पवितर लोगमन चो संगे हक ने मिसुन रऊ।

मत्ती 7:21

“जोन मोचो ले, ‘हे परबु! हे परबु!’ बले से, हुनमन ले हरकोनी सरग चो राज ने नी जादे, मान्तर हुनी जोन मोचो सरग चो बुआ चो इच्छा थाने चलेसे।

मत्ती 24:42

ऐईकाजे चेत ने राहा, कसनबल्लोने तुमी नी जानास कि तुमचो परबु कोन दिने ऐये दे।

मत्ती 24:43

मान्तर ऐ जानुन राआ कि अगर घर चो मालिक जानते रतो कि चोर कोन पाहार ऐये दे तेबे चेता रतो, आउर आपलो घरे चोरी होऊक नी देतो।

लूका 12:35

“तुमचो करांड बान्दलोर रवो, आउर तुमचो दीयामन जलते रवो।

प्रकाशितवाक्य 19:7

ईआ, आमी हरिक आउर उदुम होऊ, आउर हुनचो स्तुति करूं, कसनबल्लोने मेमना चो बिहा लगे अमरली से, आउर हुनचो दुली आपन खुद के तिआर करली से।