मत्ती 25:1 - Halbi

¹ “सरग चो राज हुन दस कुंआरीमन चो असन होये दे जोन आपलो मशालमन धरून भाती दुला ले भेट करूक निकरला।

परमेस्वर को सच्चो वचन ख जाननू

¹ “ते स्वर्ग को राज उ दस कुंवारी हुन ख जसो होगो जो अपनी मसाले लेख दूल्हा से मिलन करू ख निकली।

मत्ती 25:1 ပူးပေါင်းရင်းမြစ်များ

मत्ती 13:24

ईशु हुनमन के गोटक आउर कहनी दिलो, “सरग चो राज हुन माने चो असन आय जोन आपलो बेड़ा ने अच्छा बीज बुनलो।

मत्ती 13:31

हुन हुनमन के आउर गोटक कहनी दिलो, “सरग चो राज राई चो गोटक बीज चो असन आय, जोन के कोनी माने धरून भाती आपलो बेड़ा ने बुनुन दिलो।

मत्ती 13:38

बेड़ा जगत आय, “अच्छा बीज राज चो पिला आय, आउर रान बीज दुष्ट चो पिलामन आत।

मत्ती 13:47

“फेर सरग चो राज हुन बड़े झारी चो असन आय जोन समुन्द ने डाला गेली, आउर सपाय परकार चो मछरीमन के सकलुन आनली।

मत्ती 20:1

“सरग चो राज कोनी घर चो मालिक चो असन आय, जोन बिहाने निकरलो कि आपलो दाख चो बनवाड़ी ने भुतियारमन के लगा ओ।

मत्ती 22:2

“सरग चो राज हुन राजा चो समान आय, जोन आपलो बेटा चो बिहा करलो।

मत्ती 25:7

तेबे हुनमन सपाय कुंआरीमन उठून भाती आपलो मशालमन के अच्छा करूक मुरयाला।

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 5:16

हुनी परकार तुमचो उजर मानेमन चो पुरे चमको कि हुनमन तुमचो नुकु काममन के दकुन भाती तुमचो बुआ, चो जोन सरग ने आसे, बड़ाई करोत।

मत्ती 9:15

ईशु हुनमन ले बल्लो, “काय बराती, जिदलदाय ले दुला हुनमन चो संगे आसे, दुख करूक सकोत? मान्तर हुन दिन ऐयदे जिदलदाय दुला हुनमन ले अलग करा जायदे, हुन समया हुनमन उपास करदे।

यूहन्ना 18:3

तेबे यहूदा, पलटनमन चो गोटक दल के आउर परधान याजकमन आउर फरीसीमन चो बाटले जगवारमन के धरून भाती, दियामन आउर मशालमन आउर हत्यारमन के धरून भाती हुता ईला।

यूहन्ना 3:29

जेचो दुली आसे, हुनी दुला आय: मान्तर दुला चो मीत जोन उबा होलो हुनचो सुनु आय, दुला चो शब्द ले खुबे हरिक होऊ आय; अदायं मोचो ऐ हरिक पुरा होली से।

प्रेरितो 20:8

जोन अटारी ने आमी रूंड़ा रलु, हुन थाने खुबे दीया बरते रये।

1 कुरिन्थियो 11:2

हे भाईमन, मय तुमके सहरायें से कि सपाय गोठमन ने तुमी मोके सुरता करू आहास; आउर जोन रीति रिवाज मय तुमके सोपले से, हुनचो पालन करू आस।

2 कुरिन्थियो 11:2

कसनबल्लोने मय तुमचो बारे ने माहापुरू चो धुन लगाऊन रऊ आंय, ऐईकाजे कि मय गोटक ची माने ले तुमचो गोठ लगाले से कि तुमके पवितर कुंआरी चो असन मसीह के सोपुन देयें दें।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

तीतुस 2:13

आउर हुन धन्य आशा चो बल्लोने आपलो माहान माहापुरू आउर मुक्ति करू ईशु मसीह चो महिमा चो परकट होतोर बाट टाकते रओत।

प्रकाशितवाक्य 14:4

ऐ हुनमन आत जोन बायले लेकीमन चो संगे अशुद्ध नी होला, मान्तर कुंआरा आसोत; ऐ हुनीमन आत कि जोन कोनी थाने मेमना जाऊ आय, हुनमन हुनचो पाटे होऊ आत; ऐ तो माहापुरू चो लागुन पयला फल होतो काजे मानेमन थानले घेना गेला से।

प्रकाशितवाक्य 19:7

ईआ, आमी हरिक आउर उदुम होऊ, आउर हुनचो स्तुति करूं, कसनबल्लोने मेमना चो बिहा लगे अमरली से, आउर हुनचो दुली आपन खुद के तिआर करली से।

प्रकाशितवाक्य 21:2

“फेर मय पवितर नंगर नवा यरूशलेम के सरग ले माहापुरू चो लगले उतरतोर दकले। हुन-हुन दुली चो असन रली जोन आपलो मुनुक चो काजे सिंगार करलोर रओ।”

प्रकाशितवाक्य 21:9

फेर जोन सात सरग दूतमन चो लगे सात आखरी बिपत्तिमन ले भरलो बिती सात बटकामन रये, हुन थानले गोटक मोचो लगे ईलो, आउर मोचो संगे गोठयाऊन बल्लो, “ऐ घाई आव, मय तुके दुली बल्लोने मेमना चो बायले दकायें दें।”

प्रकाशितवाक्य 4:5

हुन सिंघासन थानले बिजलीमन आउर गरजन निकरेसे आउर सिंघासन चो पुरे आईग चो सात दियामन जरेसे, हुनमन माहापुरू चो सात आत्मामन आत,

प्रकाशितवाक्य 8:10

तीसर सरगदूत तुरी फुकलो, आउर गोटक बड़े तारा जोन मशाल चो असन जरते रये सरग ले टुटली, आउर लंदीमन चो गोटक भाग थाने आउर पानी चो सतानमन थाने ऐऊन पड़ली।