मत्ती 23:34 - Halbi

³⁴ ऐईकाजे दका, मय तुमचो लगे अगम गिआनीमन आउर अकल बितामन आउर शास्तरीमन के पटायें से; आउर तुमी हुनमन थानले कितरो के मारून पकाआ से आउर कुरूस उपरे चेगाहा से, आउर कितलो के आपलो आराधना घरमन ने कोड़ा मारा से आउर गोटक नंगर ले दुसर नंगर ने खेद ते फिरा से।

परमेस्वर को सच्चो वचन ख जाननू

³⁴ एकोलाने देख, म तुमारो नजीक भविस्यवक्ता हुन अर समझदार हुन अर सासतिरी हुन ख भेजू हैं; अर तुम ओमा से कई ख मार डाले अर सूली पर चढ़ा, अर कई ख अपनो प्रार्थना घर म कोडला मरे अर एक सहर से दूसरो सहर म भगात फिरे।

मत्ती 23:34 ပူးပေါင်းရင်းမြစ်များ

मत्ती 10:23

जिदलदाय हुनमन तुमके गोटक नंगर ने कन्दरादे, तेबे दुसर बाटे पराहा। मय तुमचो ले सते बलेंसे, तुमी इस्राएल परदेश चो सपाय नंगरमन ने नी फिरून चुकासे कि माने चो बेटा ऐयेदे।”

मत्ती 13:52

फेर ईशु हुनमन ले बल्लो, “ऐईकाजे सपाय शास्तरी जोन सरग राज चो चेला बनलो से, हुन घर चलाऊ बिता चो असन आय जोन आपलो भण्डार ले नवा आउर जुना तीजमन निकराऊ आय।”

मत्ती 23:31

ऐचो ले तो तुमी आपलो उपरे खुद गोहई देये सास कि तुमी अगम गिआनीमन चो हत्यारामन चो पिलामन आस।

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

यूहन्ना 16:2

हुनमन तुमके आराधना घरमन ले निकराऊन देदे, मान्तर हुन समया ऐऊ आय, कि जोन कोनी तुमके मारून देये दे हुन समजे दे कि मय माहापुरू चो सेवा करें से।

यूहन्ना 20:21

ईशु फेर हुनमन ले बल्लो, “तुमके शान्ति मिरो; जसन बुआ मोके पठालो से, असने ची मय बले तुमके पटायें से।”

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

प्रेरितो 11:27

हुनी दिनमन ने कितलो अगम गिआनी यरूशलेम ले अन्ताकिया ईला।

प्रेरितो 12:2

हुन यूहन्ना चो भाई याकूब के खंडा ले मराऊन दिलो।

प्रेरितो 13:1

अन्ताकिया चो कलीसिया ने कितलो अगम गिआनी आउर उपदेशक रवत; जसन बरनबास आउर शिमोन जोन नीगर बलाया जाऊ आय; आउर लुकियुस कुरेनी, आउर चवथा देश चो राजा हेरोदेस चो पोसवा भाई मनाहेम, आउर शाऊल।

प्रेरितो 14:19

मान्तर कितलो यहूदीमन अन्ताकिया आउर इकुनियुम ले ऐऊन भाती लोगमन के आपलो बाटे करला, आउर पौलुस उपरे पखना मारला, आउर मरलो समजुन भाती हुनके नंगर चो बाहरे ओड़गड़ते निला।

प्रेरितो 15:32

यहूदा आउर सीलास जोन खुद बले अगम गिआनी रवत, खुबे गोठमन ले भाईमन के उपदेश देऊन भाती थीर करला।

प्रेरितो 5:40

तेबे हुनमन हुनचो गोठ मानला; आउर पठालोबितामन के हाग देऊन भाती पेटाला; आउर ऐ हुकुम देऊन छांडुन दिला कि ईशु चो नाव ले फेर कोनी गोठ नी करा।

1 कुरिन्थियो 2:6

फेर बले सिद्ध लोगमन ने आमी गिआन सुनु आंव, मान्तर ऐ संवसार चो आउर ऐ संवसार चो नाश होतो बितामन हाकिममन चो गिआन नुआय;

1 कुरिन्थियो 3:10

माहापुरू चो हुन अनुग्रह चो अनुसार जोन मोके दिया गेली, मय अकल बितामन राजमिस्त्रीमन चो समान पाया डालले, आउर दुसर हुन थाने रदा संगाऊ आय। मान्तर हरकोनी माने चलाक रओ कि हुन हुन थाने कसन रदा संगाय से।

कुलुस्सियो 1:28

जेचो परचार करून आमी हरकोनी माने के जनाऊन देऊ आंव आउर पुईतराय गिआन ले हरकोनी माने के सिकाऊ आंव, कि आमी हरकोनी माने के मसीह ने सिद्ध करून हाजिर करूं।

1 थिस्सलुनीकियो 2:16

आउर हुनमन दुसर जातिमन ले हुनमन चो मुक्ति चो काजे गोठमन करतो ले आमके ठेबाऊ आत कि सदा आपलो पापमन चो नाप भरते रवत; मान्तर हुनमन उपरे माहापुरू चो भयंकर घोर रिस ऐऊन पहुँचली से।

इब्रानियो 11:37

पकना मारा गेला; आरा ले चीरा गेला; हुनमन चो परीक्षा करा गेली; तलवार ले मारा गेला; हुनमन कंगाली ने, आउर कलेश ने, आउर दुख भोगते-भोगते मेंडामन आउर बकड़ीमन चो खाला ओडून भाती, ऐ बाटे हुन बाटे गलिन-गलिन फिरला;

प्रकाशितवाक्य 11:10

धरतनी चो रतो बिता हुनमन चो मरलो ने हरिक आउर उदुम होदे, आउर गोटक दुसर चो लगे भेट पटादे, कसनबल्लोने ऐ दुनो अगम गिआनीमन धरतनी चो रतो बितामन के कन्दराऊ रवत।