मत्ती 23:26 - Halbi

²⁶ हे काना फरीसी, पयले बटका आउर थारी के भीतर ले मांज कि हुन बाहरे बले छुक-छुका होओ।

परमेस्वर को सच्चो वचन ख जाननू

²⁶ अरे अंधा हुन फरीसी, पहले थाली ख भीतर से मांजा कि वी बाहर से भी साफ होऐ।

मत्ती 23:26 ပူးပေါင်းရင်းမြစ်များ

मत्ती 12:33

“अगर रूक के अच्छा बोला, तेबे हुनचो फर के बले अच्छा बोला, नाहले रूक के खराप बोला, तेबे हुनचो फर के बले खराप बोला; कसनबल्लोने रूक आपलो फर ची ले चिताया जाऊ आय।

मत्ती 14:8

हुन आपलो आया चो उच-उचातो के बल्ली, “यूहन्ना डूबन देतो बिता चो मुण्ड थारी ने ऐथाय मोके मंगाऊन देस।”

मरकुस 7:4

आउर हाट ले ऐऊन भाती, जिदलदाय ले नाहाऊ नुआत, हुदलदाय ले नी खाओत; आउर खुबे असन दुसर गोठमन आसे, जोन हुनमन चो लगे मानतो काजे अमरली से, जसन बटकामन, आउर कसलामन, आउर तामा चो भण्डवामन के धोवतोर-मान्जतोर।

लूका 11:39

परबु हुनचो ले बल्लो, “हे फरीसीमन, तुमी बटकामन आउर थारी के उपर-उपर ले मांजेसास, मान्तर तुमचो भीतरे अंधार आउर दुष्टता भरली से।

लूका 6:45

अच्छा माने आपलो मन चो अच्छा भण्डार ले अच्छा गोठमन निकराऊ आय, आउर खराप माने आपलो मन चो खराप भण्डार ले खराप गोठमन निकराऊ आय; कसनबल्लोने जोन मन ने भरली से हुनी हुनमन चो मुंह ने ऐऊ आय।

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

याकूब 4:8

माहापुरू चो लगे ईआ तेबे हुन बले तुमचो लगे ऐयेदे। हे पापीमन, आपलो हाथ शुद्ध करा; आउर हे दुयमन लोगमन, आपलो मन के पवितर करा।