मत्ती 23:13 - Halbi

¹³ “हे कपटी शास्तरीमन आउर फरीसीमन, तुमचो उपरे हाय! तुमी मानेमन चो काजे सरग राज चो दुआर बंद कर सास, ना तो खुद हुन थाने ओलु आस आउर ना हुन थाने ओलतो बितामन के ओलुक देऊ आस।

परमेस्वर को सच्चो वचन ख जाननू

¹³ “अरे कपटी सास्तिरी हुन अर फरीसी हुन, पर धितकार! तुम अदमी हुन को लाने स्वर्ग को राज का व्दार बन्द कर दे हैं, नी ते खुद ही ओ म भीतर कर हैं अर नी ओ म भीतर करनो दे हैं।

मत्ती 23:13 ပူးပေါင်းရင်းမြစ်များ

मत्ती 23:16

“हे काना बाट दकाऊमन, तुमचो उपरे हाय! जोन बोलु आस कि अगर कोनी मंदिर चो किरिया खाये दे तेबे काई नुआय, मान्तर अगर कोनी मंदिर चो सोना चो किरिया खाये दे तेबे हुनचो ले बन्दुन जायेदे।

मत्ती 23:23

“हे कपटी शास्तरीमन आउर फरीसीमन, तुमचो उपरे हाय! तुमी पदीना, आउर सोंप, आउर जीरा चो दसमांस तो देये सास, मान्तर तुमी नियम चो भीतर चो गोठमन के बल्लोने नियाय, आउर दया, आउर बिश्वास के छांडुन दिलास; जरूरी रये कि ऐमन के बले करते रतास आउर हुनमन के बले नी छांड़तास।

मत्ती 23:25

“हे कपटी शास्तरीमन आउर फरीसीमन, तुमचो उपरे हाय! तुमी बटका आउर थारी के उपर-उपर ले मांजे सास मान्तर हुन भीतरे अंधार आउर अधिरजा ले भरलोर आसे।

मत्ती 23:27

“हे कपटी शास्तरीमन आउर फरीसीमन, तुमचो उपरे हाय! तुमी चुना पोतलो बिती मोट चो असन आस जोन उपर ले तो सुन्दर दका देऊ आय, मान्तर भीतरे मोड़ीमन चो हाड़ामन आउर सपाय परकार चो मईल भरली से।

मत्ती 23:29

“हे कपटी शास्तरीमन आउर फरीसीमन, तुमचो उपरे हाय! तुमी अगम गिआनीमन चो मोटमन सजारते आउर धरमीमन चो मोट बनाऊ आस,

मत्ती 3:7

जिदलदाय यूहन्ना खुबे असन फरीसीमन आउर सदूकीमन के डूबन धरतो काजे आपलो लगे ऐतोर दकलो, तेबे हुनमन ले बल्लो, “तुमी बिस फुक तो सांप चो असन दुष्ट आहास, तुमके कोन जनालो कि ऐतो बिती रीस ले पराहा?

लूका 11:52

हाय तुमी नियमकारीमन उपरे! तुमी गिआन चो कुचीकाड़ी धरलासास मान्तर तुमी खुद नी ओलास, आउर ओलतो बितामन के बले थेबालास।”

यूहन्ना 9:22

ऐ गोठमन हुनचो आया-बुआ ऐईकाजे बल्ला कसनबल्लोने हुनमन यहूदीमन ले डरते रवत, कसनबल्लोने यहूदी गोटक मत होऊन चुकुन रवत, कि अगर कोनी बोल दे कि हुन मसीह आय, तो आराधना घर ले निकराया जाओ।

यूहन्ना 9:24

तेबे हुनमन हुन मनुक के जोन काना रये, दुसरहार हाग देऊन हुनचो ले बल्ला, “माहापुरू चो स्तुति कर। आमी तो जानु से कि हुन मनुक पापी आय।”

यूहन्ना 9:34

हुनमन हुनके जबाप दिला, “तुय तो बिलकुल पापमन ने जनमली सीस, तुय आमके काय सिकाय सीस?” आउर हुनमन हुनके बाहरे निकराऊन दिला।

प्रेरितो 13:8

मान्तर इलिमास पोंगनाहा, कसनबल्लोने ऐई हुनचो नाव चो अरत आय, हुनमन चो बिरूद करून हाकिम के बिश्वास करतोर ले थेबाऊक चाहा लो।

प्रेरितो 5:28

“काय आमी तुमके जनाऊन भाती हुकुम नी देऊ रलु। कि तुमी ऐ नाव ले उपदेश नी करा? तेबले बले दका, तुमी पुईतराय यरूशलेम के आपलो उपदेश ले भरून दिलासास आउर हुन माने चो लऊ आमचो टोडरा थाने आनुक चाहायसास।”

प्रेरितो 5:40

तेबे हुनमन हुनचो गोठ मानला; आउर पठालोबितामन के हाग देऊन भाती पेटाला; आउर ऐ हुकुम देऊन छांडुन दिला कि ईशु चो नाव ले फेर कोनी गोठ नी करा।

प्रेरितो 8:1

शाऊल हुनचो मरना चो संगे सलाह रये। हुनी दिने यरूशलेम चो कलीसिया उपरे बड़े उपद्रव होऊक मुरयाली आउर पठालोबितामन के छांडुन सपाय ले सपाय यहूदिया आउर सामरी देशमन ने जत-खत होऊन गेला।

2 तीमुथियुस 3:8

जसन यन्नेस आउर यम्ब्रेस मूसा चो बिरूद करून रवत, असने ची ऐ मन बले सत चो बिरूद करू आत; ऐ असन मानेमन आत, जेचो अकल खराप होऊन गेली से आउर हुनमन बिश्वास चो बारे ने बिनकाम चो आत।

2 तीमुथियुस 4:15

तुय बले हुनचो ले खबड़दार रा, कसनबल्लोने हुन आमचो गोठमन चो खुबे ची बिरूद करलो से।