मत्ती 22:3 - Halbi

³ आउर हुन आपलो दासमन के पठालो कि हाग दिलो लोगमन के बिहा चो भोज ने हाग देओत; मान्तर हुनमन ऐऊक नी चाहला।

परमेस्वर को सच्चो वचन ख जाननू

³ अऊर ओ न अपनो दास हुन ख भेजो कि नेवता दिया वाला अदमी हुन ख सादी को खाना म बुलाव; पर उनना आनो नी चाहयो।

मत्ती 22:3 ပူးပေါင်းရင်းမြစ်များ

मत्ती 21:34

जिदलदाय फर चो समया लगे ईली, तेबे हुन आपलो दासमन के हुनचो फर धरतो काजे किसानमन चो लगे पठालो।

मत्ती 23:37

“हे यरूशलेम, हे यरूशलेम! तुय अगम गिआनीमन के मारू आस, आउर जोन तुचो लगे पटाया गेला, हुनमन उपरे पोकना मारू आस। कितलो हार मय मन करले कि जसन कुकड़ी आपलो पिलामन के आपलो पाटकी चो खाले रूंड़ा करू आय, असने ची मय बले तुचो लेकामन के रूंड़ा करें, मान्तर तुमी नी मन करलास।

मत्ती 3:2

“मन फिरावा, कसनबल्लोने सरग चो राज लगे ईलीसे।”

मत्ती 9:15

ईशु हुनमन ले बल्लो, “काय बराती, जिदलदाय ले दुला हुनमन चो संगे आसे, दुख करूक सकोत? मान्तर हुन दिन ऐयदे जिदलदाय दुला हुनमन ले अलग करा जायदे, हुन समया हुनमन उपास करदे।

लूका 13:34

“हे यरूशलेम! हे यरूशलेम! तुय जोन अगम गिआनीमन के मारू आस, आउर जोन तुचो लगे पटाया गेला हुनमन उपरे पकना पकाऊ आस। कितलो हार मय ऐ मन करले कि जसन कुकड़ी आपलो पिलामन के आपलो पाटकी चो खाले रूंड़ा करू आय, असने ची मय बले तुचो पिलामन के रूंड़ा करें दें, मान्तर तुमी ऐ नी मन करलास।

लूका 15:28

ये सुनुन भाती हुन रीस ले भरून गेलो आउर भीतरे जाऊक नी चाह लो, मान्तर हुनचो बुआ बाहरे ऐऊन भाती हुनके मनाऊक मुरयालो।

लूका 19:27

मान्तर मोचो हुन बयरीमन के जोन नी चाहते रवत कि मय हुनमन उपरे राज करे, हुनमन के ऐथा आनुन भाती मोचो पुरे घात करा’।”

यूहन्ना 5:40

फेर बले तुमी जीवना पावतो काजे मोचो लगे ऐऊक नी चाहास।

प्रेरितो 13:45

मान्तर यहूदी भीड़ के दकुन भाती डाह ले भरला, आउर निन्दा करते-करते पौलुस चो गोठमन चो बिरूद ने बोलुक मुरयाला।

रोमियो 10:21

मान्तर इस्राएल चो बारे ने हुन ऐ बले से, “मय सबु दिना आपलो हाथ गोटक हुकुम नी मानतो बिती आउर झगड़ा करतो बिती परजा चो बाटे फसारून रयें।”

इब्रानियो 12:25

खबड़दार रहा, आउर हुन बोलतो बितामन ले मुंह नी मोड़ा, कसनबल्लोने हुन लोगमन जिदलदाय धरतनी थानो चो धमकी देतो बितामन ले मुंह मोडुन भाती नी बाचुक सकला, तेबे आमी सरग थानले धमकी देतो बिता ले मुंह मोडुन भाती कसन बाचुक सकवां?

इब्रानियो 9:15

ऐई लागुन हुन नवा बायदा चो मंजार आय, बल्ले हुनचो मरना चो दुवारा जोन पयला बायदा चो समया चो अपराधमन ले छुटकारा पवतो काजे होली से, हाग दिलो लोग बायदा चो अनुसार अमर हक के परापत करोत।

प्रकाशितवाक्य 22:17

आत्मा आउर दुली दुनो बले सोत, “आव!” “आउर सुनतो बिता बले बोलो,” “आव!” “जोन पिआस आसे हुन ऐओ, आउर जोन कोनी चाह ले हुन जीवन चो पानी सेंत मेंत धरो।”