मत्ती 22:16 - Halbi

¹⁶ आउर हुनमन आपलो चेलामन के हेरोदीमन चो संगे हुनचो लगे ऐ बोलुक पठाला, “हे गुरू, आमी जानु कि तुय सत आस, आउर माहापुरू चो बाट सत धरम ले सिकाऊ आस, आउर काचीई फिकर नी करीस, कसनबल्लोने तुय मानेमन चो थोमना दकुन भाती गोठ नी गोठयाईस।

परमेस्वर को सच्चो वचन ख जाननू

¹⁶ अत: उनना अपनो चेला हुन ख हेरोदियो न को संग ओखा नजीक यू कह ख भेजो, “अरे प्रभु, हम जान हैं कि तू सच्चो हैं, अऊर परमेस्वर को रस्ता सच्चो से सिखावा हैं अऊर कोई ख परवाह नी कर हैं, काहेकि तू अदमी हुन को मुँह देख ख बाते नी करू।

मत्ती 22:16 ပူးပေါင်းရင်းမြစ်များ

मत्ती 22:24

“हे गुरू, मूसा बोलु रलो कि अगर कोनी माने बिना बेटा चो मरो, तेबे हुनचो भाई हुनचो बायले ले बिहा होऊन आपलो भाई काजे बंश जनमाओ।

मत्ती 22:26

ऐ परकार दुसर आउर तीसर बले करला, आउर सातो ले ऐई होली।

मत्ती 26:18

हुन बल्लो, “नंगर ने अनजान माने चो लगे जाऊन भाती हुनचो ले बल्ला, ‘गुरू बले से कि मोचो समया लगे आसे। मय आपलो चेलामन संगे तुचो थाने फसह मनाय दें’।”

मत्ती 26:49

आउर तुरते ईशु चो लगे ऐऊन भाती बल्लो, “हे रब्बी, जुहार!” आउर हुनके खुबे चुमलो।

मरकुस 10:17

जिदलदाय हुन हुता ले निकरून भाती बाट ने जाते रलो, तेबे गोटक माने हुनचो लगे पराते-पराते ईलो, आउर हुनचो पुरे मांडी टेकुन भाती हुनचो ले पचारलो, “हे बड़ीया गुरू, अमर जीवना चो हकदार होतो काजे मय काय करेंदे?”

मरकुस 12:13

तेबे हुनमन हुनके गोठमन ने फासतो काजे कितलो फरीसीमन आउर हेरोदीमन के हुनचो लगे पठाला।

मरकुस 12:14

हुनमन ऐऊन भाती हुनचो ले बल्ला, “हे गुरू, आमी जानु, कि तुय सत आस, आउर काचीई फिकर नी करीस; कसनबल्लोने तुय मानेमन चो थोमना दकुन भाती गोठ नी गोठयाईस, मान्तर माहापुरू चो बाट सत धरम ले सांगु आस। तेबे काय राजा के कर देतोर नगत आय कि नुआय?

मरकुस 3:6

तेबे फरीसी बाहरे जाऊन भाती तुरते हेरोदीमन चो संगे हुनचो बिरूद ने सलाह करूक मुरयाला कि हुनके कसन परकार नष्ट करूं दे।

मरकुस 8:15

हुन हुनमन के जनालो, “दका, फरीसीमन चो खमीर आउर हेरोदेस चो खमीर ले खबड़दार राहा।”

लूका 20:21

हुनमन हुनचो ले ऐ पचारला, “हे गुरू, आमी जानु कि तुय ठीक बोल सीस आउर सिकाऊ बले आस, आउर काचीई भेदभाव नी करीस, मान्तर माहापुरू चो बाट सत धरम ले सांगु आस।

लूका 7:40

ऐ सुनुन ईशु हुनचो जबाप ने बल्लो, “हे शिमोन, मोके तुचो ले काई बोलतोर आसे।” हुन बल्लो, “हे गुरू, बोल।”

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 18:37

पिलातुस हुनचो ले बल्लो, “तो काय तुय राजा आस?” ईशु जबाप दिलो, “तुय बोल सीस कि मय राजा आंय। मय ऐईकाजे जनम धरले आउर ऐईकाजे जगत ने ईले से कि सत चो गोहई देयें दें। जोन कोनी सत चो आत, हुन मोचो शब्द सुनु आय।”

यूहन्ना 7:18

जोन आपलो बाटले काई बोलु आय, हुन आपलो ची बड़ाई चाहाऊ आय; मान्तर जोन आपलो पठालोबिता चो बड़ाई चाहाऊ आत हुनी सत आय, आउर हुनचो थाने अधरम नाई।

2 कुरिन्थियो 2:17

कसनबल्लोने आमी हुन खुबेमन चो असन नाई जोन माहापुरू चो बचन ने मिलावट करू आत; मान्तर मन चो सत ले आउर माहापुरू चो बाटले माहापुरू के हाजिर जानुन भाती मसीह ने बोलु आंव।

2 कुरिन्थियो 4:2

मान्तर आमी लाज चो गुपत काममन के तियागुन दिलु, आउर ना चलाक ले चलु आंव आउर ना माहापुरू चो बचन ने मिलावट करू आंव; मान्तर सत के परकट करून, माहापुरू चो पुरे हरकोनी माने चो बिबक ने आपलो भलाई बसाऊ आत।

2 कुरिन्थियो 5:16

आउर अदायं ले आमी काकीई देंह चो अनुसार नी समजु। अगर आमीमन मसीह के बले देंह चो अनुसार जानु रलु, तेबले बले अदायं ले हुनके असन नी जानुदें।

गलातियो 1:10

अदायं मय काय मानेमन के मानु आंय नाहले माहापुरू के? काय मय मानेमन के हरिक करूक चाहा ये से? अगर मय ऐबे तक मानेमन के ची हरिक करते रते तो मसीह चो दास नी होते।

गलातियो 2:6

फेर जोन लोग काई समजते जाते रवत (हुनमन भले कसने बले रवत मोके ऐचो ले काई काम निआय; माहापुरू काचीई भेदभाव नी करे) हुनमन ले जोन काई समजा जाते रये, मोके काई बले नी परापत होली।

1 थिस्सलुनीकियो 2:4

मान्तर जसन माहापुरू आमके लायक ठेबाऊन भाती नगतखबर सोपलो, आमी असने ची वर्णन करूं से, आउर ऐ थाने मानेमन के नाई, मान्तर माहापुरू के, जोन आमचो मन-मन के जाचु आय, हरिक करूं आंव।

याकूब 3:17

मान्तर जोन गिआन उपर ले ऐऊ आय हुन पयले तो पवितर होऊ आय फेर मिलनसार, कोमल आउर सीदा-सादा आउर दया आउर अच्छा फरमन ले लाती होलोर आउर भेद-भाव आउर कपट ले लापी रऊ आय।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।