मत्ती 19:29 - Halbi

²⁹ आउर जोन कोनी बले घरमन, नाहले भाईमन, नाहले भईनमन, नाहले बुआ, नाहले आया, नाहले पिला-झिलामन, नाहले बेड़ामन के मोचो नाव चो काजे छांडुन दिलो से, हुनके सव गुना मिरेदे, आउर हुन अमर जीवना चो हकदार होयेदे।

परमेस्वर को सच्चो वचन ख जाननू

²⁹ अऊर जे कोई न घर हुन, अऊर भई हुन, अऊर बहिन हुन अर माय अर पोरिया-पारी हुन, अर खेत हुन का मोरो नाम ख लाने छोड़ दियो हैं, ओको सव गुना मिले, अऊर उ अनन्त जिन्दगी को हक्कदार होऐ।

मत्ती 19:29 ပူးပေါင်းရင်းမြစ်များ

मत्ती 10:22

मोचो नाव चो लागुन सपाय लोग तुमचो ले बईर करदे, मान्तर जोन आखरी तक धीरज धरू रयदे हुनचेई मुक्ति होयेदे।

मत्ती 13:23

जोन अच्छा भूईं ने बुना गेली, ऐ हुन आय, जोन बचन के सुनुन भाती समजु आय, आउर फर आनु आय; कोनी सव गुना, कोनी साठ गुना, आउर कोनी तीस गुना।”

मत्ती 13:8

मान्तर खिन्डिक बीज अच्छा भूईं थाने घसरली, आउर फल आनला, कोनी सव गुना, कोनी साठ गुना, आउर कोनी तीस गुना।

मत्ती 16:25

कसनबल्लोने जोन कोनी आपलो जीव बचाऊक चाह ले, हुन हुनके नी बचाए; आउर जोन कोनी मोचो काजे आपलो जीव देयेदे, हुन हुनके पायेदे।

मत्ती 19:16

गोटक माने ईशु चो लगे ईलो आउर हुनचो ले बल्लो, “हे गुरू, मय कोन बिती अच्छा काम करेंदे कि अमर जीवना पायेंदें?”

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

मत्ती 5:11

“धन्य आस तुमी, जिदलदाय माने मोचो कारन तुमचो निन्दा करदे, आउर कन्दरा दे आउर झूठ बोलुन-बोलुन भाती तुमचो बिरूद ने सपाय परकार चो खराप गोठ बलदे।

मत्ती 6:33

ऐईकाजे पयले तुमी माहापुरू चो राज आउर हुनचो धरम चो खोज करा तेबे ऐ सपाय तीजमन बले तुमके मिरून जायदे।

लूका 14:26

“अगर कोनी मोचो लगे ऐओ, आउर आपलो बुआ आउर आया आउर बायले आउर पिलामन आउर भाईमन आउर भईनमन मान्तर आपलो जीव के बल्ले बेमया नी जाने, तेबे हुन मोचो चेला नी होऊक सके;

लूका 5:11

आउर हुनमन ड़ोंगामन के कटा ने धरून आनला आउर सपाय काई छांडुन भाती हुनचो पाटे होऊन गेला।

लूका 6:22

“धन्य आहास तुमी जिदलदाय माने चो बेटा चो लागुन लोग तुमचो ले बईर कर दे, आउर तुमके निकराऊन देदे, आउर तुमचो निन्दा कर दे, आउर तुमचो नाव खराप जानुन भाती काटून देदे।”

यूहन्ना 15:19

अगर तुमी संवसार चो होतास, तेबे जगत आपनमन ले मया संगाती; मान्तर ऐई लागुन कि तुमी संवसार चो नुआस, मान्तर मय तुमनमन के संवसार थानले चुनले से, ऐईकाजे संवसार तुमचो ले बईर संगाऊ आय।

यूहन्ना 4:36

काटतो बिता भुती पाऊ आय आउर अमर जीवना चो काजे पाक ओंडेयाऊ आय, बल्ले बुनतो बिता आउर काटतो बिता दुनो मिसुन भाती हरिक करोत।

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

1 कुरिन्थियो 2:9

मान्तर जसन लिकलोर आसे, “जोन गोठमन आँईकमन नी दकली आउर कान नी सुनली, आउर जोन गोठमन माने चो मन ने नी चेगली, हुनीमन ची आत जोन माहापुरू आपलो मया संगातो बितामन काजे तिआर करलो से।”

2 कुरिन्थियो 5:16

आउर अदायं ले आमी काकीई देंह चो अनुसार नी समजु। अगर आमीमन मसीह के बले देंह चो अनुसार जानु रलु, तेबले बले अदायं ले हुनके असन नी जानुदें।

फिलिप्पियो 3:8

मान्तर मय आपलो परबु मसीह ईशु चो पयचान चो उत्तम जो लागुन मय सपाय तीजमन के घाटा उठाले, आउर हुनमन के कचरा समजु आय, जेचो ले मय मसीह के पाऊक सके।

1 पतरस 4:14

फेर अगर मसीह चो नाव चो काजे तुमचो निन्दा करा जाये से तो तुमी धन्य आस, कसनबल्लोने महिमा चो आत्मा, जोन माहापुरू चो आत्मा आय, तुमचो उपरे छांया करू आय।

3 यूहन्ना 1:7

कसनबल्लोने हुनमन हुन नाव चो काजे निकरला सोत, आउर दुसर जातिमन ले काई नी धरोत।