मत्ती 19:27 - Halbi

²⁷ ऐ थाने पतरस हुनचो ले बल्लो, “दक, आमी तो सपाय काई छांडुन भाती तुचो पाट-पाट होलु से तो आमके काय मिरेदे?”

परमेस्वर को सच्चो वचन ख जाननू

²⁷ यी पर पतरस न यीसु से कय्हो, “देख, हम ते सब कुछ छोड़ ख तोरो पीछे चलो आयो: ते हम का मिले?”

मत्ती 19:27 ပူးပေါင်းရင်းမြစ်များ

मत्ती 19:26

ईशु हुनमन बाटे दकुन भाती बल्लो, “मानेमन ले तो ऐ नी होऊक सके, मान्तर माहापुरू ले सपाय काई होऊक सके।”

मत्ती 19:28

ईशु हुनमन ले बल्लो, “मय तुमचो ले सते बलेंसें कि नवा बरमाण्ड ने जिदलदाय माने चो बेटा आपलो महिमा चो सिंघासन थाने बसे दे, तो तुमी बले जोन मोचो पाट-पाट होलासास, बारा सिंघासनमन थाने बोसुन भाती इस्राएल चो बारा गोत्रमन चो नियाय करा से।

मत्ती 9:9

हुता ले पुरे जाऊन भाती ईशु मत्ती नाव चो गोटक माने के कर धरतोर नाका थाने बसलोर दकलो, आउर हुनचो ले बल्लो, “मोचो पाट-पाट आव।” हुन उठून भाती हुनचो पाट-पाट गेलो।

मरकुस 10:28

पतरस हुनचो ले बोलुक मुरयालो, “दक, आमी तो सपाय काई छांडुन भाती तुचो पाट-पाट होलु से।”

मरकुस 2:14

जाते-जाते हुन हलफई चो बेटा लेवी के उसूली चो नाका थाने बसलोर दकलो, आउर हुनचो ले बल्लो, “मोचो पाट-पाट आव।” आउर हुन उठून भाती हुनचो पाट-पाट गेलो।

लूका 14:33

असने रीति ले तुमनमन थानले जोन कोनी आपलो सपाय काई छांडुन नी देये, हुन मोचो चेला नी होऊक सके।

लूका 15:29

हुन बुआ के जबाप दिलो, ‘दक, मय ईतलो बरक ले तुचो सेवा करे से आउर केबीई बले तुचो हुकुम नी टालले, तेबले बले तुमी मोके केबीई बले गोटक बकड़ी चो पिला बले नी दिलीस कि मय आपलो मीतमन चो संगे हरिक करते।

लूका 18:28

पतरस बल्लो, “दक, आमी तो घरबार के छांडुन भाती तुचो पाट-पाट होलु से।”

लूका 5:11

आउर हुनमन ड़ोंगामन के कटा ने धरून आनला आउर सपाय काई छांडुन भाती हुनचो पाटे होऊन गेला।

1 कुरिन्थियो 1:29

बल्ले कोनी जीव माहापुरू चो पुरे घमण्ड नी करूक पाओ।

1 कुरिन्थियो 4:7

कसनबल्लोने तुचो ने आउर दुसर ने कोन भेद करू आय? आउर तुचो लगे काय आसे जोन तुय (दुसर ले) नी पावलीस? आउर तुचो लगे काय आसे जोन तुय (दुसर ले) पावली सीस, तो असन घमण्ड केंव करू आस कि माना नी पावलीस?

फिलिप्पियो 3:8

मान्तर मय आपलो परबु मसीह ईशु चो पयचान चो उत्तम जो लागुन मय सपाय तीजमन के घाटा उठाले, आउर हुनमन के कचरा समजु आय, जेचो ले मय मसीह के पाऊक सके।