मत्ती 18:8 - Halbi

⁸ “अगर तुचो हाथ नाहले तुचो पाँय तुके ठोकरना खुआ ये दे, तो हुनके गोंदुन भाती पकाऊन देस; कोला नाहले खोड़ीया होऊन भाती जीवना ने ओलतोर तुचो काजे ऐचो ले अच्छा आय कि दुय हाथ नाहले दुय पाँय रते-रते तुय नी सरतो आईग ने पकाया जासे।

परमेस्वर को सच्चो वचन ख जाननू

⁸ “अऊर तोरो हात अऊर तोरो पाय तो ख ठोकर खिलाये, ते ओ ख काट ख फेक दे; दुण्डा अऊर लगड़ा होय ख जिन्दगी म भीतर करनो तोरो लाने असो चोक्खो हैं कि दो हात अर पाय रहे ते तू अनन्त आगी म डालो जाहे।

मत्ती 18:8 ပူးပေါင်းရင်းမြစ်များ

मत्ती 17:27

तेबले बले ऐईकाजे कि आमी हुनमन के ठोकरना नी खुआऊं, तुय झील चो रेटे जाऊन भाती गरी लाट पकाव, आउर जोन मछरी पयले निकरेदे, हुनके धर; हुनचो मुंह खोललो ने तुके गोटक सिक्का मिरेदे, हुनी के धरून भाती मोचो आउर आपलो पलटा हुनमन के देऊन देस।”

मत्ती 25:41

“तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

मत्ती 25:46

आउर ऐ हरमेशा चो डण्ड भोगदे मान्तर धरमी अमर जीवना ने ओलदे।”

लूका 14:33

असने रीति ले तुमनमन थानले जोन कोनी आपलो सपाय काई छांडुन नी देये, हुन मोचो चेला नी होऊक सके।

लूका 16:24

तेबे हुन चिचयाऊन भाती बल्लो, ‘हे बुआ अब्राहाम, मोचो उपरे दया करून लाजर के पटाऊन देस, बल्ले हुन आपलो अंडकी चो तिप पानी ने भिजाऊन भाती मोचो जीब के सितर करो, कसनबल्लोने मय ऐ आईग ने तड़पे सें।’

रोमियो 13:12

रात खुबे बितुन गेली से, आउर दिन निकरतो थाने आसे; ऐईकाजे आमी अंधार चो काममन के छांडुन भाती उजर चो हत्यार बान्दु।

प्रकाशितवाक्य 14:10

हुन माहापुरू चो परकोप चो निरवा मन्द, जोन हुनचो रीस चो बोटका ने रकाय गेली से, पिये दे आउर पवितर सरग दूतमन चो पुरे आउर मेमना चो पुरे आईग आउर गन्धक चो दुखा ने पड़े दे।

प्रकाशितवाक्य 20:15

आउर जोन कोनी चो नाव जीवना चो किताब ने लिकलोर नी मिरली, हुन आईग चो झील ने डाला गेला।

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”