मत्ती 18:24 - Halbi

²⁴ जिदलदाय हुन लेखा धरूक मुरयालो, तेबे गोटक झान हुनचो पुरे आना गेलो जोन दस हजार तोड़ा चो लागा-लागु रलो।

परमेस्वर को सच्चो वचन ख जाननू

²⁴ जब उ हिसाब लेन लगे, ते एक इंसान ओखा सामने लायो गयो जे दस हजार तोड़ा का कर्जदार हतो।

मत्ती 18:24 ပူးပေါင်းရင်းမြစ်များ

मत्ती 18:23

“ऐईकाजे सरग चो राज हुन राजा चो असन आय, जोन आपलो दासमन ले लेखा धरूक चाह लो।

मत्ती 18:25

जसन कि पटातो काजे हुनचो लगे काई नी रली, तेबे हुनचो मालिक बल्लो, ‘ऐ आउर ऐचो बायले आउर पिला झिलामन आउर जोन काई ऐचो आय सपाय बिका जाओ, आउर करजा चुकाया जाओ।’

मत्ती 25:15

हुन गोटक के पांच तोड़ा, दुसर के दुय, आउर तीसर के गोटक; बल्लोने हरकोनी के हुनचो सामरत चो अनुसार दिलो, आउर तेबे परदेश गेलो।

मत्ती 25:16

तेबे, जोन के पांच तोड़ा मिरू रये, हुन तुरते जाऊन भाती हुनमन ले लेन देन करलो, आउर पांच तोड़ा आउर कमालो।

मत्ती 25:20

जोन के पांच तोड़ा मिरू रये, हुन पांच तोड़ा आउर आनुन भाती बल्लो, ‘हे मालिक, तुय मोके पांच तोड़ा सोपु रलीस, दक, मय पांच तोड़ा आउर कमाले से।’

मत्ती 25:22

“आउर जेके दुय तोड़ा मिरू रये, हुन बले ऐऊन भाती बल्लो, ‘हे मालिक, तुय मोके दुय तोड़ा सोपु रलीस, दक, मय दुय तोड़ा आउर कमाले।’

मत्ती 25:24

“तेबे जेके गोटक तोड़ा मिरू रये, हुन ऐऊन भाती बल्लो, ‘हे मालिक, मय तुके जानते रले, कि तुय कठर माने आस: तुय जोन कोनी थाने नी बुनीस हुता काटु आस, आउर जोन थाने नी बिकरिस हुता ले सकलु आस।’

लूका 13:4

नाहले, काय तुमी समजेसास कि हुनमन अठारा झान जोनमन उपरे शीलोह चो गुबा घसरली, आउर हुनमन चेपाय होऊन भाती मरून गेला: यरूशलेम चो आउर सपाय रतो बितामन ले आगर अपराधी रवत?

लूका 16:5

तेबे हुन आपलो मालिक चो लागाखायामन के गोटक-गोटक करून हाग दिलो आउर पयला ले पचारलो, ‘तुचो उपरे मोचो मालिक चो कितलो लागा आसे?’

लूका 16:7

फेर हुन दुसर ले पचारलो, ‘तुचो उपरे कितलो लागा आसे?’ हुन बल्लो, ‘सव मन गऊँ,’ तेबे हुन हुनचो ले बल्लो, ‘आपलो खाता बई धरून भाती अस्सी लिकुन देस।’