मत्ती 17:3 - Halbi

³ आउर मूसा आउर एलिया हुनचो संगे गोठयाते-गोठयाते हुनमन के दका दिला।

परमेस्वर को सच्चो वचन ख जाननू

³ अऊर उते उनका मूसा अर भविस्वक्ता एलिय्याह उनको संग बात चित करते हुए उनका दिखई दियो।

मत्ती 17:3 ပူးပေါင်းရင်းမြစ်များ

मत्ती 17:2

हुता हुनमन चो पुरे हुनचो रूप बदलली, आउर हुनचो थोमना बेर चो असन बरली आउर हुनचो फटीई ज्योति चो असन उजर होली।

मत्ती 17:4

ऐ थाने पतरस ईशु ले बल्लो, “हे परबु, आमचो ऐथा रतोर अच्छा आय। अगर तुचो इच्छा होओ तो मय ऐथा तीन ठान तम्बू बनायेंदें; गोटक तुचो काजे, गोटक मूसा काजे, आउर गोटक एलिया काजे।”

मरकुस 9:4

आउर हुनमन के मूसा चो संगे एलिया दका दिलो; हुनमन ईशु चो संगे गोठयाते रवत।

लूका 1:17

हुन एलिया चो आत्मा आउर सामरत ने होऊन भाती हुनचो पुरे-पुरे हिन्डे दे कि बुआमन चो मन पिला-झिलामन चो बाटे फिरान देयेंदे; आउर हुकुम नी मानतो बितामन के धरमीमन चो समज थाने आनो; आउर परबु चो काजे गोटक लायक परजा तिआर करो।”

लूका 16:16

“नियम आउर अगम गिआनी यूहन्ना लगले रवत; हुन समया ले माहापुरू चो राज चो नगतखबर सुनाया जाये से, आउर हरकोनी हुन थाने हिम्मत ले ओले से।

लूका 24:27

तेबे हुन मूसा ले आउर सपाय अगम गिआनीमन ले आरम करून सपाय पवितर शास्त्रमन थानले आपलो बारे ने लिकलोर गोठमन चो अरत, हुनमन के समजाऊन दिलो।

लूका 24:44

फेर हुन हुनमन ले बल्लो, “ऐ मोचो हुन गोठमन आय, जोन मय तुमचो संगे रतो दाय तुमचो ले बोलुन रले कि जरूरी आय कि जितरो गोठमन मूसा चो नियम आउर अगम गिआनीमन आउर भजनमन चो किताबमन ने मोचो बारे ने लिकलोर आसे, सपाय पुरा होओ।”

लूका 9:33

जिदलदाय हुनमन हुनचो लगले जाऊक मुरयाला, तेबे पतरस ईशु ले बल्लो, “हे मालिक, आमचो ऐथा रतोर नुकु आय: आउर आमी तीन तम्बू बनाऊ, गोटक तुचो काजे, गोटक मूसा काजे, आउर गोटक एलिया काजे।” हुन जानते नी रलो कि काय बले से।

यूहन्ना 1:17

ऐईकाजे नियम तो मूसा चो बाटले दिया गेली, मान्तर अनुग्रह आउर सत ईशु मसीह चो बाटले पोंचली।