मत्ती 16:27 - Halbi

²⁷ माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

परमेस्वर को सच्चो वचन ख जाननू

²⁷ इंसान को पोरिया अपना स्वर्गदूत हुन को संग अपनो परमेस्वर बाप कि महिमा म आएँगो, अऊर उत्तीच घड़ी, उ हर एक ख ओखा काम हुन को हिसाब से फल देहेगो।

मत्ती 16:27 ပူးပေါင်းရင်းမြစ်များ

मत्ती 13:41

माने चो बेटा आपलो सरग दूतमन के पटाये दे, आउर हुनमन हुनचो राजमन थानले सपाय ठोकरना चो कारनमन के आउर कुकरम काम करतो बितामन के रूंड़ा करदे,

मत्ती 13:49

जगत चो आखरी ने असने ची होये दे। सरग दूतमन ऐऊन भाती दुष्टमन के धरमीमन ले अलग करदे,

मत्ती 24:30

तेबे माने चो बेटा चो चिना बादरी ने दका देये दे, आउर तेबे धरतनी चो सपाय कुलमन चो लोग छाती पेटदे; आउर माने चो बेटा के बड़े सामरत आउर सुन्दर चो संगे बादरी चो कुमरामन उपरे ऐतोर दक दे।

मत्ती 25:31

“जिदलदाय माने चो बेटा आपलो महिमा ने ऐये दे आउर सपाय सरगदूत हुनचो संगे ऐ दे, तेबे हुन आपलो महिमा चो सिंघासन थाने बिराजमान होये दे।

मत्ती 26:64

ईशु हुनचो ले बल्लो, “तुय खुद बललीस; मान्तर मय तुमचो ले ऐ बले बलें सें कि अदायं ले तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन उपरे ऐतोर दका से।”

मत्ती 8:20

ईशु हुनचो ले बल्लो, “लोकड़लीमन चो भील आउर बादरी चो चड़ीईमन चो डेरामन होऊ आय; मान्तर माने चो बेटा चो काजे मुण्ड संगातोर बले जगा निआय।”

मरकुस 14:62

ईशु बल्लो, “मय आंय: आउर तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन चो संगे ऐतोर दका से।”

मरकुस 8:38

जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

लूका 21:27

तेबे हुनमन माने चो बेटा के सामरत आउर बड़े महिमा चो संगे बादरी उपरे ऐतोर दक दे।

लूका 22:69

मान्तर अदायं ले माने चो बेटा सर्वशक्तिमान माहापुरू चो उजा बाटे बसुन रये दे।”

लूका 9:26

जोन कोनी मोचो ले आउर मोचो गोठमन ले लाज होये दे, माने चो बेटा बले, जिदलदाय आपलो आउर आपलो बुआ चो आउर पवितर सरग दूतमन चो महिमा संगे ऐये दे, तेबे हुनचो ले लाज होये दे।

यूहन्ना 21:22

ईशु हुनचो ले बल्लो, “अगर मय चाहायें कि हुन मोचो ऐ ओत ले ठेबुन रओ, तो तुके ऐचो ले काय? तुय मोचो पाटे हो।”

यूहन्ना 21:23

ऐईकाजे भाईमन ने ऐ गोठ फयलुन गेली कि हुन चेला नी मरे दे; तेबले बले ईशु हुनके ऐ नी बल्लो कि हुन नी मरे दे, मान्तर ऐ कि “अगर मय चाहायें कि हुन मोचो ऐ ओत ले ठेबुन रओ, तो तुके ऐचो ले काय?”

प्रेरितो 1:11

आउर हुनमन ले बल्ला, “हे गलीली मानेमन, तुमी केंव उबा बादरी चो बाटे दकेसास? ऐई ईशु, जोन तुमचो लगले सरग उपरे उठाया गेलो से, जोन रीति ले तुमी हुनके सरग चो बाटे जातोर दकलासास, हुनी रीति ले हुन फेर ऐये दे।”

रोमियो 14:12

ऐईकाजे आमचो थानले हरकोनी माहापुरू के आपलो-आपलो लेखा देये दे।

रोमियो 2:6

हुन सपाय के हुनचो काममन चो असन पलटा देयेदे।

1 कुरिन्थियो 15:23

मान्तर हरकोनी आपलो-आपलो बनवाड़ी ले; पयला फल मसीह फेर मसीह चो ईलो ने हुनचो लोग।

1 कुरिन्थियो 3:13

तेबे हरकोनी चो काम परकट होऊन जाय दे; कसनबल्लोने हुन दिन हुनके सांगे दे, ऐईकाजे कि आईग चो संगे परकट होये दे आउर हुन आईग हरकोनी चो काम जाचे दे कि कसन आय।

1 कुरिन्थियो 8:8

भात आमके माहापुरू चो लगे नी अमराये। अगर आमी नी खाऊ तेबे आमचो काई नुकसान नुआय, आउर अगर खाऊँ दे तेबे काई लाब निआय।

2 कुरिन्थियो 5:10

कसनबल्लोने जरूरी आय कि आमी सपाय चो हाल मसीह चो नियाय आसन चो पुरे खुलुन जाओ, कि हरकोनी माने आपलो-आपलो अच्छा खराप काममन चो पलटा जोन हुन देंह चो दुवारा करलो से पाओ।

इफिसीयो 6:8

कसनबल्लोने तुमी जानेसास कि जोन कोनी जसन अच्छा काम करेदे, भले दास होओ भले छुटछाड़ा, परबु ले असने ची पायेदे।

कुलुस्सियो 3:25

कसनबल्लोने जोन खराप करू आय हुन आपलो खराप चो फर पाऐ दे, हुता काचीई भेद-भाव नुआय।

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

1 थिस्सलुनीकियो 4:16

कसनबल्लोने परबु खुदे ची सरग ले उतरे दे; हुन समया ललकार, आउर परधान दूत चो शब्द सुना देये दे, आउर माहापुरू चो तुरी फुका जाय दे; आउर जोन मसीह ने मरला से, हुनमन पयले जीव उठ दे।

याकूब 5:7

ऐईकाजे हे भाईमन, परबु चो ऐओत ले धीरज धरा। दका, किसान धरतनी चो बड़े मोल फसल चो आशा संगाते-संगाते मुयला आउर आखरी बरसा होओत ले धीरज धरू आय।

1 पतरस 1:17

आउर जसन कि तुमी “हे बुआ” बोलुन भाती हुनचो ले पारथना करू आस, जोन बिना भेद-भाव हरकोनी चो काम चो अनुसार नियाय करू आय, तेबे आपलो परदेशी होतोर समया भय ले गुजारा।

1यूहन्ना 2:28

आउर हे लेकामन, हुनचो थाने बनुन राहा कि जिदलदाय हुन परकट होओ तो आमके साआस होओ, आउर आमी हुनचो ईलो ने हुनचो पुरे लाज नी होऊ।

यहूदा 1:14

हनोक बले जोन आदम ले सातवां पीढ़ी ने रये, ऐमन चो बारे ने ऐ अगम गोठ करलो, दका, परबु आपलो लाखो पवितरमन चो संगे ईलो

प्रकाशितवाक्य 1:7

दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।

प्रकाशितवाक्य 2:23

“मय हुनचो पिलामन के मारून देयेंदे; तेबे सपाय कलीसियामन जानेदे कि देंह आउर मन चो परकतो बिता मय ची आंय, आउर मय तुमनमन ले हरकोनी के हुनचो काममन चो अनुसार पलटा देयदे।”

प्रकाशितवाक्य 20:12

फेर मय नानी बड़े सपाय मरलो बितामन के सिंघासन चो पुरे उबा होलोर दकले, आउर किताबमन खोला गेली; आउर फेर गोटक किताब खोला गेली, बल्लोने जीवना चो किताब; आउर जसन हुन किताबमन ने लिकलोर रली, असने ची हुनमन चो काममन चो अनुसार मरलो बितामन चो नियाय करा गेली।