मत्ती 16:20 - Halbi

²⁰ तेबे हुन चेलामन के हुसीयार करलो कि कोचीई ले नी बल्ला कि मय मसीह आय।

परमेस्वर को सच्चो वचन ख जाननू

²⁰ तब यीसु न चेला ख जतायो कि कोई से असो मत कहजे कि मी मसी आय।

मत्ती 16:20 ပူးပေါင်းရင်းမြစ်များ

मत्ती 1:16

याकूब ले यूसुफ जनम होलो, जोन मरियम चो मुनुक रलो, आउर मरियम ले ईशु जनम होलो जोन के लोग मसीह बलु आत।

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

मत्ती 17:9

जिदलदाय हुनमन डोंगरी ले उतर ते रवत तेबे ईशु हुनमन के ऐ हुकुम दिलो, “जिदलदाय ले माने चो बेटा मरलो थानले नी जीव उठेदे, हुदलदाय ले जोन काई तुमी दकलासास कोचीई ले नी बोला।”

मत्ती 8:4

ईशु हुनचो ले बल्लो, “दक, काचीई ले नी बोल, मान्तर जाऊन भाती आपन खुद के याजक के दकाव आउर जोन चढ़ावा मूसा ठेबालो से हुनके चेगाव, बल्ले लोगमन चो काजे गोहई होओ।”

मरकुस 8:30

तेबे हुन हुनमन के चेताऊन भाती बल्लो कि मोचो बारे ने ऐ कोचीई ले नी बोल।

मरकुस 9:9

डोंगरी ले उतर तो दाय हुन हुनमन के हुकुम दिलो कि जिदलदाय ले माने चो बेटा मरलो थानले जीव नी उठे, हुदलदाय ले जोन काई बले तुमी दकलासास हुनके कोचीई ले नी बोला।

लूका 2:11

कि आजी दाऊद चो नंगर ने तुमचो काजे गोटक मुक्तिकरू जनम लो से, आउर ऐई ची मसीह परबु आय।

लूका 9:21

तेबे हुन हुनमन के जनाऊन भाती बल्लो कि ऐ कोचीई ले नी बल्ला।

लूका 9:36

ऐ शब्द होते ची ईशु ऐकला दका दिलो; आउर हुनमन ओगाय रला; आउर जोन काई दकुन रला हुनचो काई गोठ हुन दिनमन ने कोकीई नी बल्ला।

यूहन्ना 1:41

हुन पयले आपलो खुद भाई शिमोन के भेटुन भाती हुनचो ले बल्लो, “आमके तो ख्रिस्त, बल्लोने मसीह मिरलो।”

यूहन्ना 1:45

फिलिप्पुस नतनएल के भेट होलो आउर हुनचो ले बल्लो, “जेचो बरनन मूसा नियम ने आउर अगम गिआनीमन करला सोत, हुन आमके मिरली; हुन यूसुफ चो बेटा, ईशु नासरी आय।”

यूहन्ना 11:27

हुन हुनचो ले बल्ली, “हव हे परबु, मय बिश्वास करें से कि माहापुरू चो बेटा मसीह जोन जगत ने ऐतो बिता रये, हुन तुय ची आस।”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

प्रेरितो 2:36

“आउर अदायं इस्राएल चो सपाय घरमन पक्का रूप ले जानोत कि माहापुरू हुनी ईशु के जेके तुमी कुरूस उपरे चेगालासास, परबु बले ठेबालो आउर मसीह बले।”

1यूहन्ना 2:22

फंदी कोन आय? मात्र हुन जोन ईशु के मसीह होतोर ले इन्कार करू आय; आउर मसीह चो बिरोधी हुनी आय, जोन बुआ चो आउर बेटा चो इन्कार करू आय।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।