मत्ती 16:16 - Halbi

¹⁶ शिमोन पतरस जबाप दिलो, “तुय जीवता माहापुरू चो बेटा मसीह आस।”

परमेस्वर को सच्चो वचन ख जाननू

¹⁶ समोन पतरस न जुवाब दियो, “तू जिन्दो परमेस्वर को पोरिया मसी आय।”

मत्ती 16:16 ပူးပေါင်းရင်းမြစ်များ

मत्ती 1:16

याकूब ले यूसुफ जनम होलो, जोन मरियम चो मुनुक रलो, आउर मरियम ले ईशु जनम होलो जोन के लोग मसीह बलु आत।

मत्ती 14:33

आउर हुनमन जोन ड़ोंगा थाने रवत, हुनके पाँय पडुन बल्ला, “सते, तुय माहापुरू चो बेटा आस।”

मत्ती 16:15

हुन हुनमन ले बल्लो, “मान्तर तुमी मोके काय बोलु आस?”

मत्ती 26:63

मान्तर ईशु ओगाय रलो। तेबे माहायाजक हुनचो ले बल्लो, “मय तुके जीवता माहापुरू चो किरिया देयें सें कि अगर तुय माहापुरू चो बेटा मसीह आस, तो आमके बोलुन देस।”

मत्ती 27:54

तेबे सुबेदार आउर जोन हुनचो संगे ईशु चो पाहारा देते रवत भुईं डोल आउर जोन काई होऊ रली हुनके दकुन भाती ऐकदाय डरला आउर बल्ला, “सत-सत ऐ माहापुरू चो बेटा रलो!”

मत्ती 4:3

तेबे परकतो बिता शयतान लगे ऐऊन भाती ईशु ले बल्लो, “अगर तुय माहापुरू चो बेटा आस, तो बोलुन देस, कि ऐ पकना रोटीमन बनुन जाओ।”

मरकुस 14:61

मान्तर हुन ओगाय होऊन रलो, आउर काई जबाप नी दिलो। माहायाजक हुनचो ले फेर पचारलो, “काय तुय हुन परमधन्य चो बेटा मसीह आस?”

लूका 2:11

कि आजी दाऊद चो नंगर ने तुमचो काजे गोटक मुक्तिकरू जनम लो से, आउर ऐई ची मसीह परबु आय।

यूहन्ना 1:49

नतनएल हुनके जबाप दिलो, “हे रब्बी, तुय माहापुरू चो बेटा आस; तुय इस्राएल चो माहाराजा आस।”

यूहन्ना 11:27

हुन हुनचो ले बल्ली, “हव हे परबु, मय बिश्वास करें से कि माहापुरू चो बेटा मसीह जोन जगत ने ऐतो बिता रये, हुन तुय ची आस।”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 6:57

जसन जीवता बुआ मोके पठालो, आउर मय बुआ चो कारन जीव आसे, असने ची हुन बले जोन मोके खाये दे मोचो लागुन जीव रये दे।

यूहन्ना 6:68

शिमोन पतरस हुनके जबाप दिला, “हे परबु, आमी काचो लगे जाऊँ दे? अमर जीवना चो गोठमन तो तुचीई लगे आसे;

यूहन्ना 6:69

आउर आमी बिश्वास करलु आउर जानुन गेलु से कि माहापुरू चो पवितर जन तुय ची आस।”

प्रेरितो 14:15

हे लोगमन, तुमी काय करसास? आमी बले तो तुमचो असन दुक सुक भोगी माने आंव, आउर तुमके नगतखबर सुनाऊ से कि तुमी ऐ फकाहा तीज ले अलग होऊन भाती जीवता माहापुरू चो बाटे फिरा, जोन सरग आउर धरतनी आउर समुन्द आउर जोन काई हुन थाने आसे बनालो।

प्रेरितो 8:36

बाट ने हिन्ड़ते-हिन्ड़ते हुनमन कोनी पानी चो जगा ने अमरला। तेबे खोजा बल्लो, “दक ऐथा पानी आसे, अदायं मोके डूबन धरतो ने काय अड़चन आसे।”

प्रेरितो 8:37

फिलिपुस बल्लो, “अगर तुय पुरा मन ले बिश्वास करे सीस तो धरूक सकीस।” हुन जबाप दिलो, “मय बिश्वास करें से कि ईशु मसीह माहापुरू चो बेटा आय।”

प्रेरितो 9:20

आउर हुन तुरते आराधना घरमन ने ईशु चो परचार करूक मुरयालो कि हुन माहापुरू चो बेटा आय।

रोमियो 1:4

आउर पवितरता चो आत्मा चो बाटले मरलो बितामन थानले जीव उठतोर कारन सामरत चो संगे माहापुरू चो बेटा ठेबलो से।

2 कुरिन्थियो 1:19

“कसनबल्लोने माहापुरू चो बेटा ईशु मसीह जेचो आमचो बाटले बल्लोने मोचो आउर सिलवानुस आउर तीमुथियुस चो बाटले तुमचो मंजी ने परचार होली, हुन थाने ‘हव’ आउर ‘नाई’ दुनो नी रये, मान्तर हुन थाने ‘हव’ ची ‘हव’ होली।

2 कुरिन्थियो 3:3

ऐ परकट आय कि तुमी मसीह चो चिठ्ठी आस, जोन के आमी सेवा करूमन चो असन लिकलु, आउर जोन सीआई ले नाई मान्तर जीवता माहापुरू चो आत्मा ले, पकना चो पटटीमन थाने नाई, मान्तर मन चो मास रूपी पट्टीमन थाने लिकलोर आसे।

2 कुरिन्थियो 6:16

आउर मुरतीमन चो संगे माहापुरू चो मंदिर ले काय सम्बंध? कसनबल्लोने आमी तो जीवता माहापुरू चो मंदिर आंव; जसन माहापुरू बल्लो से, “मय हुनमन थाने बसेंदें आउर हुनमन थाने चला फिरा करेंदे; आउर मय हुनमन चो माहापुरू होयेंदें, आउर हुनमन मोचो लोग होदे।”

1 थिस्सलुनीकियो 1:9

कसनबल्लोने हुनमन खुद ची आमचो बारे ने सांगु आत कि तुमचो लगे आमचो ऐतोर कसन होली; आउर तुमी कसन मुरतीमन ले माहापुरू चो बाटे फिरलास बल्ले जीवता आउर सत माहापुरू चो सेवा करा,

1तीमुथियुस 3:15

कि अगर मोचो ऐतोर ने बेर होओ, तो तुय जान कि माहापुरू चो घर ने जोन जीवता माहापुरू चो कलीसिया आय आउर जोन सत चो खुटा आउर पाया आय, कसन बरताव करतोर जरूरी आय।

1तीमुथियुस 4:10

कसनबल्लोने आमी मसागत आउर कोशिश ऐईकाजे करूं आंव कि आमचो आशा हुन जीवता माहापुरू थाने आसे, जोन सपाय मानेमन चो आउर नीज करून बिश्वासीमन चो मुक्तिकरू आय।

इब्रानियो 10:31

जीवता माहापुरू चो हाथमन थाने पड़तोर भयंकर गोठ आय।

इब्रानियो 12:22

मान्तर तुमी सिय्योन चो डोंगरी चो लगे, आउर जीवता माहापुरू चो नंगर, सरग चो यरूशलेम, चो लगे आउर लाखो सरग दूतमन

इब्रानियो 3:12

हे भाईमन, चेत करून रहा कि तुमनमन ने असन खराप आउर अबिश्वासीमन नी होओत, जोन तुमी के जीवता माहापुरू ले लापी गुचाऊन नेओत।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

1यूहन्ना 4:15

जोन कोनी ऐ मानु आय कि ईशु माहापुरू चो बेटा आय, माहापुरू हुनचो थाने बनुन रऊ आय, आउर हुन माहापुरू ने।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।

1यूहन्ना 5:5

संवसार थाने जय पावतो बिता कोन आय? मात्र हुन जेचो ऐ बिश्वास आसे कि ईशु, माहापुरू चो बेटा आय।

प्रकाशितवाक्य 7:2

फेर मय गोटक आउर सरगदूत के जीवता माहापुरू चो मोहर धरून भाती पूरब ले उपर चो बाटे ऐतोर दकले; हुनमन हुन चारो सरग दूतमन ले जोन के धरतनी आउर समुन्द चो हानि करतोर अधिकार दिया जाऊ रये, जोर ले हाग देऊन भाती बल्लो,