मत्ती 14:36 - Halbi

³⁶ आउर ईशु ले गुहार करूक मुरयाला कि हुन हुनमन के आपलो फटीई चो आंचर के ची छिंऊक देओ; आउर जितरो लोगमन हुनचो पिन्दलो फटीई के छिंवला, हुनमन चेंगा होला।

परमेस्वर को सच्चो वचन ख जाननू

³⁶ अऊर ओसे विनती करन लगो कि उ उन ख अपनो कपड़ा को पल्लू ही ख छुवन दे; अऊर जितनो न ओ ख छूओ उ चोक्खो होय गया।

मत्ती 14:36 ပူးပေါင်းရင်းမြစ်များ

मत्ती 14:35

हुता चो लोगमन ईशु के चिताला आउर लगे-लगे चो सपाय जगा ने खबर पठाला, आउर सपाय बेमारीमन के हुनचो लगे आनला,

मत्ती 23:5

हुनमन आपलो सपाय काम लोगमन के दकातो काजे करू आत हुनमन आपलो ताबिजमन के ओसार करू आत आउर आपलो फटीईमन चो धड़ी बड़ाऊ आत।

मरकुस 3:10

कसनबल्लोने हुन खुबेमन के चेंगा करू रये, ऐईकाजे जितरो लोग रोग ने रवत, हुनके छिंवतो काजे हुनचो उपरे घसरते पड़ते रवत।

मरकुस 6:56

आउर जाहां काहांय हुन गाँवमन, नंगरमन, नाहले बस्तीमन ने जाते रये, लोग बेमारीमन के हाटमन ने संगाऊन भाती हुनचो ले गुहारते रवत कि हुन हुनमन के आपलो फटीई चो आंचर ची के छिंऊक देओ: आउर जितरो हुनके छिंवते रवत, सपाय चेंगा होते रवत।

मरकुस 8:22

हुनमन बैतसैदा ने ईला; आउर लोग गोटक काना के हुनचो लगे धरून आनला आउर हुनचो ले गुहारला कि हुनके छिंवो।

लूका 6:19

सपाय हुनके छिंवतोर मन करते रवत, कसनबल्लोने हुनचो ले सामरत निकरून भाती सपाय के चेंगा करते रली।

यूहन्ना 6:37

जोन काई बुआ मोके देऊ आय हुन सपाय मोचो लगे ऐये दे, आउर जोन कोनी मोचो लगे ऐये दे हुनके मय केबीई नी निकरायें दे।

यूहन्ना 7:23

जिदलदाय सब्त चो दिने माने चो खतना कराया जाऊ आय बल्ले मूसा चो नियम चो हुकुम टलुन नी जाओ, तेबे तुमी मोचो उपरे केंव ऐईकाजे रीस करू आहास कि मय सब्त चो दिन गोटक माने के पुरा रीति ले चेंगा करले।

प्रेरितो 3:16

आउर हुनचेई नाव ने, हुन बिश्वास चो बाटले जोन हुनचो नाव थाने आसे, ऐ माने के जेके तुमी दकसास आउर जानास बले सामरत दिलो से। हुनी बिश्वास जोन हुनचो बाटले आय, ऐके तुमी सपाय चो पुरे बिलकुल अच्छा चेंगा करून दिलो से।