मत्ती 14:31 - Halbi

³¹ ईशु तुरते हाथ लमाऊन भाती हुनके धरलो आउर पतरस ले बल्लो, “हे अल्पबिश्वासी, तुय केंव संका करलीस?”

परमेस्वर को सच्चो वचन ख जाननू

³¹ यीसु न जल्दी हात बढ़ ख ओ ख पकड़ लियो अऊर ओ ख कय्हो, “अरे कुछ दिन ख विस्वासी, तू न काहे सक करियो?”

मत्ती 14:31 ပူးပေါင်းရင်းမြစ်များ

मत्ती 14:30

मान्तर लेहरा धुका के दकुन भाती पतरस डरलो, आउर जिदलदाय बुडूक मुरयालो तेबे चिचयाऊन भाती बल्लो, “हे परबु, मोके बचाव!”

मत्ती 14:32

जिदलदाय हुनमन ड़ोंगा थाने चेगला, तेबे लेहरा ठेबली।

मत्ती 16:8

ऐ जानुन भाती, ईशु हुनमन ले बल्लो, “हे अल्पबिश्वासीमन, तुमी आपस ने केंव बिचार करेसास कि आमचो लगे रोटी निआय?

मत्ती 17:20

हुन हुनमन ले बल्लो, “आपलो बिश्वास चो कमी चो लागुन, कसनबल्लोने मय तुमचो ले सते बलेंसें, अगर तुमचो बिश्वास राई चो बीज चो बराबर बले होती, तेबे ऐ डोंगरी ले बोलुक सका से, ‘ऐथा ले सरकुन भाती हुता जा’, तो हुन जायेदे; आउर कोनी गोठ तुमचो काजे मशकिल नी होये।

मत्ती 6:30

ऐईकाजे जिदलदाय माहापुरू भाटा चो लाटा के, जोन आजी आसे आउर काली के भाटी ने जलाया जायदे, असन फटीई पिन्दाऊ आय, तो हे अल्पबिश्वासीमन, तुमके हुन ऐमन ले बडुन भाती केंव नी पिंदाये?

मत्ती 8:26

हुन हुनमन ले बल्लो, “हे अल्पबिश्वासीमन, केंव डरेसास?” तेबे हुन उठून भाती लेहरा धुका आउर पानी के खिजलो, आउर सपाय शान्त होऊन गेली।

मरकुस 1:31

तेबे हुन लगे जाऊन भाती हुनचो हाथ धरून हुनके उठालो; आउर हुनचो जर उतरून गेली, आउर हुन हुनमन चो सेवा करूक मुरयाली।

मरकुस 1:41

हुन हुनचो उपरे जीव दुकान भाती हाथ बड़ालो, आउर हुनके छिंऊन भाती बल्लो, “मय चाहायें सें तुय शुद्ध होऊन जा।”

मरकुस 11:23

मय तुमचो ले सते बलें सें कि जोन कोनी ऐ डोंगरी ले बले दे, ‘तुय उकनी हो, आउर समुन्द ने जाऊन घसर,’ आउर आपलो मन ने संका नी कर, मान्तर बिश्वास कर कि जोन बलेंसें हुन होयेदे, तेबे हुनचो काजे हुनी होये दे।

मरकुस 16:7

मान्तर तुमी जाआ, आउर हुनचो चेलामन आउर पतरस ले बोला कि हुन तुमचो ले पयले गलील ने जाये दे। जसन हुन तुमचो ले बोलु रलो, तुमी हुताय हुनके दका से।”

मरकुस 4:40

आउर हुनमन ले बल्लो, “तुमी केंव डरेसास? काय तुमके ऐबले बिश्वास निआय?”

मरकुस 5:41

आउर लेकी चो हाथ धरून भाती हुनचो ले बल्लो, “तलीता कूमी!” जेचो मतलब आय, “हे लेकी, मय तुचो ले बलें सें, उठ!”

लूका 24:34

हुनमन बोलते रवत, “परबु सत-सत जीव उठलो से, आउर शिमोन के दका दिलो से।”

प्रेरितो 4:30

“चेंगा करतो काजे तुय आपलो हाथ बड़ाव कि चिना आउर भयंकर काम तुचो पवितर सेवक ईशु चो नाव ले करा जाओ।”

1तीमुथियुस 2:8

ऐईकाजे मय चाहायें से कि हर जगा माने, बिना रीस आउर झगड़ा चो पवितर हाथमन के उठाऊन भाती पारथना करोत।

1 पतरस 1:5

जेचो रक्षा माहापुरू चो सामरत ले बिश्वास चो दुवारा हुन मुक्ति चो काजे, जोन ऐतो बिती समया ने परकट होतो बिती आय, करा जाऊ आय।