मत्ती 13:39 - Halbi

³⁹ जोन शतरू हुनमन के बुनलो हुन शयतान आय; काटतोर जगत चो आखरी आय, आउर काटतो बितामन सरगदूत आत।

परमेस्वर को सच्चो वचन ख जाननू

³⁹ जे दुसमन न उन ख बोयो उ सैतान आय, कटनी जमाना ख अन्त हैं अऊर काटनवालो स्वर्गदूत आय।

मत्ती 13:39 ပူးပေါင်းရင်းမြစ်များ

मत्ती 12:32

जोन कोनी माने चो बेटा चो बिरूद ने काई गोठ बले दे, हुनचो ऐ अपराध छमा करा जायेदे, मान्तर जोन कोनी पवितर आत्मा चो बिरूद ने काई बले दे, हुनचो अपराध ना तो ऐ लोग ने आउर ना उपरपुर ने छमा करा जाये दे।

मत्ती 13:22

जोन लाटा बुटामन ने बुना गेली, ऐ हुन आय, जोन बचन के सुनु आय, मान्तर ऐ जगत चो चिन्ता आउर धन चो धोका बचन के चेपाऊ आय, आउर हुन फल नी आने।

मत्ती 13:25

मान्तर जिदलदाय लोग सोहते रवत तेबे हुनचो बयरी ऐऊन भाती गऊँ चो मंजी रान बीज बुनुन जाते गेलो।

मत्ती 13:28

हुन हुनमन ले बल्लो, ‘ऐ कोनी बयरी चो काम आय।’” दासमन हुनचो ले बल्ला, “काय तुचो मन आसे, कि आमी जाऊन भाती हुनके सकलु दें?”

मत्ती 13:40

आउर जसन रान बीज सकला जाऊ आय आउर जराया जाऊ आत असने ची जगत चो आखरी ने होयेदे।

मत्ती 13:49

जगत चो आखरी ने असने ची होये दे। सरग दूतमन ऐऊन भाती दुष्टमन के धरमीमन ले अलग करदे,

मत्ती 24:3

जिदलदाय हुन जैतून डोंगरी थाने बसुन रलो, तेबे चेलामन अलगे हुनचो लगे ऐऊन भाती बल्ला, “आमके सांग कि ऐ गोठमन केबे होये दे? तुचो ऐतोर आउर जगत चो आखरी चो काय चिना होये दे?”

मत्ती 25:31

“जिदलदाय माने चो बेटा आपलो महिमा ने ऐये दे आउर सपाय सरगदूत हुनचो संगे ऐ दे, तेबे हुन आपलो महिमा चो सिंघासन थाने बिराजमान होये दे।

मत्ती 28:20

आउर हुनमन के सपाय गोठमन जोन मय तुमके हुकुम दिले से, मानुक सिकाआ आउर दका, मय जगत चो आखरी तक हरमेशा तुमचो संगे आंसे।”

1 कुरिन्थियो 10:11

मान्तर ऐ सपाय गोठमन, जोन हुनमन उपरे पढ़ली, कहनी चो रीति थाने रली; आउर हुनमन आमचो चेता तो काजे जोन जगत चो आखरी समया ने रऊ आत लिका गेली से।

2 कुरिन्थियो 11:3

मान्तर मय डरें से कि जसन सांप आपलो चलाकी ले हव्वा के बहकालो, असने ची तुमचो मन हुन सोज आउर पवितरता ले जोन मसीह चो संगे होतोर आय, काहांय खराप नी करा जाओ।

2 कुरिन्थियो 2:17

कसनबल्लोने आमी हुन खुबेमन चो असन नाई जोन माहापुरू चो बचन ने मिलावट करू आत; मान्तर मन चो सत ले आउर माहापुरू चो बाटले माहापुरू के हाजिर जानुन भाती मसीह ने बोलु आंव।

इफिसीयो 2:2

जोन थाने तुमी पयले ऐ संवसार चो रीति थाने, आउर बादरी चो अधिकार चो हाकिम बल्लोने हुन आत्मा चो अनुसार चलते राआस, जोन ऐबे बले हुकुम नी मानतो बितामन ने कामकरू आय।

इब्रानियो 1:2

ऐ आखरी दिनमन ने आमचो ले बेटा चो दुवारा गोठयालो, जेके हुन पुईतराय तीजमन चो हकदार ठेबालो आउर हुनचेई दुवारा हुन सपाय ब्रमांड के बनालो।

इब्रानियो 9:26

नाहले जगत चो उपजास ले धरून भाती हुनके घन-घन दुक उठाऊक पढ़ती; मान्तर ऐबे जुग चो आखरी ने हुन गोटक ची हार परकट होलो से, बल्ले आपलो ची बलिदान चो दुवारा पाप के लापी करून देओ।

1 पतरस 5:8

चेत हुआ, आउर चेता राहा, कसनबल्लोने तुमचो बिरूदी शयतान गरजतो बिता डुरका चो असन ऐ खोज ने रऊ आय, कि कोन के धरून खाये दे।

यहूदा 1:14

हनोक बले जोन आदम ले सातवां पीढ़ी ने रये, ऐमन चो बारे ने ऐ अगम गोठ करलो, दका, परबु आपलो लाखो पवितरमन चो संगे ईलो

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 13:14

हुन चिनामन चो लागुन, जोनमन के हुन पशु चो पुरे दकातोर अधिकार हुनके दिया जाऊ रली, हुन धरतनी चो रतो लोगमन के भरमाते रये आउर धरतनी चो रतो बितामन ले बोलते रये कि जोन पशु चो तलवार पाऊ रये हुन जीवलो से, हुनचो मुरती बनाहा।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।