मत्ती 13:38 - Halbi

³⁸ बेड़ा जगत आय, “अच्छा बीज राज चो पिला आय, आउर रान बीज दुष्ट चो पिलामन आत।

परमेस्वर को सच्चो वचन ख जाननू

³⁸ खेत दुनिया आय, अच्छो दाना राज को खानदान हैं, अऊर जंगली बीज बुराई ख खानदान आय।

मत्ती 13:38 ပူးပေါင်းရင်းမြစ်များ

मत्ती 13:19

जोन कोनी राज चो बचन सुनुन भाती नी समजे, हुनचो मन ने जोन काई बुनलोर रये, हुनके हुन दुष्ट ऐऊन भाती झिकुन नेऊ आय। ऐ हुनी आय, जोन बाट चो रेटे बुनलोर रये।

मत्ती 24:14

आउर राज चो ऐ नगतखबर पुईतराय जगत ने परचार करा जाये दे, कि सपाय जातिमन उपरे गोहई होओ, तेबे आखरी होये दे।”

मत्ती 5:37

मान्तर तुमचो गोठ ‘हव’ चो ‘हव,’ नाहले ‘नाई’ चो ‘नाई’ होओ; कसनबल्लोने जोन काई ऐचोले आगर होऊ आय हुन खराप ले होऊ आय।

मत्ती 8:12

मान्तर राज चो पिला-झिला बाहरे अंधार ने पकाया जादे: हुता गागतोर आउर दातमन कड़रतोर होयदे।”

लूका 24:47

आउर यरूशलेम ले धरून सपाय जातिमन ने मन फिराव चो आउर पापमन चो छमा चो परचार, हुनचेई नाव ले करा जायेदे।

यूहन्ना 12:24

मय तुमचो ले सत-सत बलें सें कि जिदलदाय ले गऊँ चो दाना भूईं थाने पडुन भाती मरून नी जाये, हुन ऐकला रऊ आय; मान्तर जिदलदाय मरून जाऊ आय, तेबे खुबे फल आनु आय।

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

प्रेरितो 13:10

“हे सपाय कपट आउर सपाय चलाक ले भरलो शयतान चो पिला, थोमना धरम चो बयरी, काय तुय परबु चो सीदा बाटमन के टेड़ा करूक नी छांडीस?”

रोमियो 10:18

मान्तर मय बलेंसें, काय हुनमन नी सुनला? सुनला तो जरूर आय; कसनबल्लोने लिकलोर आसे, “हुनमन चो राग सपाय धरतनी थाने, आउर हुनमन चो बचन जगत चो आखरी तक अमरली से।”

रोमियो 16:26

मान्तर अदायं उजागर होऊन भाती जुग-जुग चो माहापुरू चो हुकुम ले अगम गिआनीमन चो किताबमन चो दुवारा सपाय जातिमन के सांगा गेली से कि हुनमन बिश्वास ले हुकुम मानतो बिता होऊन जाओत,

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

याकूब 1:18

हुन आपलो ची इच्छा ले आमके सत चो बचन चो दुवारा उपजास करलो, बल्ले आमी हुनचो बनालो बिती तीजमन थानले गोटक परकार चो पईल फर होऊ।

याकूब 2:5

हे मोचो लाड़रा भाईमन, सुना। काय माहापुरू ऐ जगत चो कंगालमन के नी चुनलो कि बिश्वास ने सवकारी आउर हुन राज चो हकदार हुआ, जेचो बायदा हुन हुनमन ले करलो से जोन हुनचो ले मया संगाय सोत?

1 पतरस 1:23

कसनबल्लोने तुमनमन नाशवान नाई मान्तर अविनाशी बीज ले, माहापुरू चो जीवता आउर हरमेशा ठेबतो बिती बचन चो दुवारा नवा जनम पावलासास।

1यूहन्ना 3:2

हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।

प्रकाशितवाक्य 14:6

फेर मय गोटक आउर सरगदूत के बादरी चो मंजी ने उड़तोर दकले, जेचो लगे धरतनी थानचो रतो बितामन चो हरकोनी जाति, आउर कुल, आउर भाषा, आउर लोगमन के सुनातो काजे जुग-जुग नगतखबर रये।