मत्ती 13:23 - Halbi

²³ जोन अच्छा भूईं ने बुना गेली, ऐ हुन आय, जोन बचन के सुनुन भाती समजु आय, आउर फर आनु आय; कोनी सव गुना, कोनी साठ गुना, आउर कोनी तीस गुना।”

परमेस्वर को सच्चो वचन ख जाननू

²³ जे अच्छो जमीन म बोयो गयो, यू उ आय, जे वचन ख सुन ख समझ हैं, अऊर फल लाय हैं, कोई सव गुना।”

मत्ती 13:23 ပူးပေါင်းရင်းမြစ်များ

मत्ती 12:33

“अगर रूक के अच्छा बोला, तेबे हुनचो फर के बले अच्छा बोला, नाहले रूक के खराप बोला, तेबे हुनचो फर के बले खराप बोला; कसनबल्लोने रूक आपलो फर ची ले चिताया जाऊ आय।

मत्ती 13:8

मान्तर खिन्डिक बीज अच्छा भूईं थाने घसरली, आउर फल आनला, कोनी सव गुना, कोनी साठ गुना, आउर कोनी तीस गुना।

मत्ती 3:10

आउर अदायं कुड़ार रूक चो जड़ थाने संगालोर आसे, ऐईकाजे जोन-जोन रूक अच्छा फर नी फरे, हुन गोंदुन आउर आईग ने जलाया जाऊ आय।”

मत्ती 3:8

मन फिरातोर लायक चो फल आना;

मरकुस 10:15

मय तुमचो ले सते बलें सें कि जोन कोनी माहापुरू चो राज के पिला चो असन गरहन नी करे, हुन हुन थाने केबे ओलुक नी सके।”

मरकुस 4:20

आउर जोन अच्छा भूईं ने बुना गेली, ऐ हुनमन आत जोन बचन सुनुन भाती गरहन करून आउर फर आनु आत कोनी तीस गुना, कोनी साठ गुना आउर कोनी सव गुना।”

लूका 13:9

अगर पयले ले फरली तो ठीक, नाहले तो हुनके गोंदुन पकाव’।”

लूका 8:15

मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

लूका 8:8

खिन्डिक नगत भूईं उपरे घसरली, आउर अकरून भाती सव गुना फल आनला।” ऐ बोलुन भाती हुन जोर ले बल्लो, “जेचो सुनतोर कान आसे हुन सुना।”

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 8:47

जोन माहापुरू ले होऊ आय, हुन माहापुरू चो गोठमन सुनु आय; आउर तुमी ऐईकाजे नी सुनास कि माहापुरू चो बाटले नुआहास।”

प्रेरितो 16:14

लुदिया नाव चो थुआथीरा नंगर चो बैंजनी फटीईमन बिकतो बिती गोटक भगत बायले लेकी सुनते रली। परबु हुनचो मन खोललो कि हुन पौलुस चो गोठमन थाने मन लगा ओ।

प्रेरितो 17:11

ऐ लोग तो थिसलुनी चो यहूदीमन ले अच्छा रवत, आउर हुनमन बड़े लालच ले बचन गरहन करला, आउर रोजे दिना पवितर शास्त्रमन ने डगराते रला कि ऐ गोठमन असने ची आय कि नुआय।

2 कुरिन्थियो 9:10

आउर जोन बुनतो बिता के बीज आउर खातो काजे रोटी देऊ आय, हुन तुमके बीज देये दे, आउर हुनके फरायदे; आउर तुमचो धरम चो फल के बड़ाये दे।

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।

फिलिप्पियो 4:17

ऐ नाई कि मय दान चाहायें से मान्तर मय असन फल चाहाऊं आंय जोन तुमचो फायदा चो काजे बड़ते जाओ।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

2 थिस्सलुनीकियो 2:10

आउर नाश होतो बितामन चो काजे अधरम चो सपाय परकार चो धोका चो संगे होयेदे; कसनबल्लोने हुनमन सत ले मया नी करला जेचो ले हुनमन चो मुक्ति होती।

इब्रानियो 4:2

कसनबल्लोने आमके हुनीमन चो असन नगतखबर सुनाया गेली से, मान्तर सुनलो बिती बचन ले हुनमन के काई लाब नी होली; कसनबल्लोने सुनतो बितामन चो मन ने बिश्वास चो संगे नी बसली।

इब्रानियो 6:7

कसनबल्लोने जोन भूईं बरसा चो पानी के, जोन हुनचो उपरे घन-घन पडु आय, पीऊन-पिऊन भाती जोन लोगमन चो काजे हुन जोपा बुना जाऊ आय हुनमन चो काम चो साग-डार उपजाऊ आय, हुन माहापुरू ले आशीष पाऊ आय।

इब्रानियो 8:10

फेर परबु बले से, कि जोन बायदा मय हुन दिनमन चो पाचे इस्राएल चो घरलोगमन संगे बान्दे दे, हुन ऐ आय कि मय आपलो नियम के हुनमन चो मन ने भरें दे, आउर हुनके हुनमन चो कारजा थाने लिकेन्दे, आउर मय हुनमन चो माहापुरू ठेबें दे आउर हुनमन मोचो लोग ठेबदे।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।