मत्ती 13:19 - Halbi

¹⁹ जोन कोनी राज चो बचन सुनुन भाती नी समजे, हुनचो मन ने जोन काई बुनलोर रये, हुनके हुन दुष्ट ऐऊन भाती झिकुन नेऊ आय। ऐ हुनी आय, जोन बाट चो रेटे बुनलोर रये।

परमेस्वर को सच्चो वचन ख जाननू

¹⁹ जे कोई राज को वचन सुन ख नी समझ हैं, ते ओको मन म जे कई बोयो गयो हतो, ओ ख उ दुस्ट आय ख छीन ले जाय हैं। यी उही आय, जे रस्ता ख किनारा बोयो गयो हतो

मत्ती 13:19 ပူးပေါင်းရင်းမြစ်များ

मत्ती 12:26

आउर अगर शयतान ची शयतान के निकराये दे, तेबे हुन आपली ची बयरी होलो से; फेर हुनचो राज कसन बनुन रये दे?

मत्ती 13:20

आउर जोन चचरली भुईं थाने बुना गेली, ऐ हुन आय, जोन बचन सुनुन भाती तुरते हरिक ने मानु आय।

मत्ती 13:38

बेड़ा जगत आय, “अच्छा बीज राज चो पिला आय, आउर रान बीज दुष्ट चो पिलामन आत।

मत्ती 4:23

आउर ईशु सपाय गलील परदेश ने बुलते-बुलते हुनमन चो आराधना घरमन ने उपदेश करते, आउर राज चो नगतखबर परचार करते, आउर लोगमन चो सपाय परकार चो बेमार आउर कमजोरी के दूर करते रलो।

मत्ती 5:37

मान्तर तुमचो गोठ ‘हव’ चो ‘हव,’ नाहले ‘नाई’ चो ‘नाई’ होओ; कसनबल्लोने जोन काई ऐचोले आगर होऊ आय हुन खराप ले होऊ आय।

मरकुस 4:15

जोन बाट चो रेटे चो आत जोन थाने बचन बुना जाऊ आय, ऐ हुनमन आत कि जिदलदाय हुनमन सुनला, तेबे शयतान तुरते ऐऊन भाती बचन के जोन हुनमन थाने बुनाय जाऊ रये, उठाऊन जाऊ आय।

लूका 10:9

हुता चो बेमारीमन के चेंगा करा आउर हुनमन ले बोला, ‘माहापुरू चो राज तुमचो लगे ऐऊन पहुँचली से।’

लूका 9:2

आउर हुनमन के माहापुरू चो राज चो परचार करतोर आउर बेमारमन के अच्छा करतो काजे पठालो।

यूहन्ना 18:38

पिलातुस हुनचो ले बल्लो, “सत काय आय?” ऐ बोलुन भाती हुन फेर यहूदीमन चो लगे निकरून गेलो आउर हुनमन ले बल्लो, “मय तो हुनचो ने काई दोष नी पायें।”

यूहन्ना 8:43

तुमी मोचो गोठ केंव नी समजास? ऐईकाजे कि तुमी मोचो बचन सुनुक नी सकास।

प्रेरितो 17:32

मरलो बितामन चो जीव उठतोर गोठ सुनुन भाती कितलो तो मजाक उड़ाऊक मुरयाला, आउर कितरो बल्ला, “ऐ गोठ आमी तुचो ले फेर केबीई सुनवां।”

प्रेरितो 18:15

मान्तर अगर ऐ गोठ बात शब्दमन, आउर नावमन, आउर तुमचो थानो नियम चो बारे आय, तेबे तुमी ची जाना; कसनबल्लोने मय ऐ गोठमन चो नियायी नी बनुक मन करें से।

प्रेरितो 20:25

अदायं दका, मय जाने कि तुमी सपाय जोनमन ने मय माहापुरू चो राज चो परचार करते फिर ले, मोचो थोमना फेर नी दकास।

प्रेरितो 28:23

तेबे हुनमन हुनचो काजे गोटक दिन ठेबाला, आउर खुबे असन लोग हुनचो थाने रूंड़ा होला, आउर हुन माहापुरू चो राज चो गोहई देते, आउर मूसा चो नियम आउर अगम गिआनीमन चो किताबमन ले ईशु चो बारे ने समजाऊन-समजाऊन भाती बड़े बिहान ले सांज तक बरनन करते रलो।

रोमियो 1:28

जिदलदाय हुनमन माहापुरू के चिताऊक नी चाहला, तेबे माहापुरू बले हुनमन के हुनमन चो ठगमन थाने छांडलो कि हुनमन घिन-घिना काम करोत।

रोमियो 14:17

कसनबल्लोने माहापुरू चो राज खातोर-पिवतोर नुआय, मान्तर धरम आउर मिला-मिसा आउर हुन हरिक आय जोन पवितर आत्मा ले हऊ आय।

रोमियो 2:8

मान्तर जोन मतलबी आत आउर सत के नी मानोत, मान्तर अधरम के मानु आत, हुनमन उपरे रीस आउर कोप पड़ेदे।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

2 थिस्सलुनीकियो 2:12

तेबे जितरो लोग सत चो बिश्वास नी करोत, मान्तर अधरम ले हरिक होऊ आत, हुनमन सपाय डण्ड पाओत।

इब्रानियो 2:1

ऐेई लागुन जरूरी आय कि आमी हुन गोठमन थाने जोन आमीमन सुनलु से, आउर बले मन लगाऊं, असन नी होओ कि भहकुन भाती हुनमन ले लापी जाते जाऊं।

1यूहन्ना 3:12

आउर कैन चो असन नी बना जोन हुन दुष्ट ले रलो, आउर जोन आपलो भाई के घात करलो। आउर हुनके काय लागुन घात करलो? ऐई लागुन कि हुनचो काम खराप रये, आउर हुनचो भाई चो काम धरम चो रये।

1यूहन्ना 5:18

आमी जानु से, कि जोन कोनी माहापुरू ले उपजास होला से, हुन पाप नी करे; मान्तर जोन माहापुरू ले उपजास होलो, हुनके हुन बचाऊन संगाऊ आय, आउर हुन दुष्ट हुनके छिंऊक नी सके।

1यूहन्ना 5:20

आमी ऐ बले जानु से कि माहापुरू चो बेटा ईलो से आउर हुन आमके अकल दिलो से कि आमी हुन सत के चिताऊ; आउर आमी हुन थाने जोन सत आय, बल्लोने हुनचो बेटा ईशु मसीह ने रऊँ आंव। सत माहापुरू आउर अमर जीवना ऐई आय।