मत्ती 13:11 - Halbi

¹¹ हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

परमेस्वर को सच्चो वचन ख जाननू

¹¹ ओ ना जुवाब दियो, तुम ख स्वर्ग राज को भेद जानन कि समझ दी गई हैं, पर उनका नी।

मत्ती 13:11 ပူးပေါင်းရင်းမြစ်များ

मत्ती 13:10

चेलामन लगे ऐऊन भाती हुनचो ले बल्ला, “तुय लोगमन ले कहनीमन ने केंव गोठयाय सीस?”

मत्ती 16:17

ईशु हुनके जबाप दिलो, “हे शिमोन, योना चो बेटा, तुय धन्य आस; कसनबल्लोने मास आउर लऊ ने नाई, मान्तर मोचो बुआ जोन सरग ने आसे, ऐ गोठ तुचो उपरे उजागर करलो से।

मत्ती 19:11

हुन हुनमन ले बल्लो, “सपाय ऐ बचन गरहन नी करूक सकोत, मात्र हुनमन जोनमन के ऐ दान दियाय गेली से।

मत्ती 20:23

हुन हुनमन ले बल्लो, “तुमी मोचो बटका थानले तो पिआ से, मान्तर आपलो उजा घाई आउर डेबरी घाई कोकीई बसातोर मोचो काम नुआय, मान्तर जेचो काजे मोचो बुआ चो बाटले तिआर करा गेली, हुनीमन चो काजे आय।”

मरकुस 10:40

मान्तर जेचो काजे तिआर कराय गेली से, हुनमन के छांडुन आउर कोनी के आपलो उजा आउर आपलो डेबरी पाट बसातोर मोचो काम नुआय।”

मरकुस 4:11

हुन हुनमन ले बल्लो, “तुमनमन के तो माहापुरू चो राज चो भेद चो समज दियाय गेली से, मान्तर बाहार बितामन चो काजे सपाय गोठमन कहनीमन ले होऊ आय।”

लूका 8:10

हुन बल्लो, “तुमके माहापुरू चो राज चो भेदमन चो समज दिया गेली से, मान्तर दुसरमन के कहनीमन ने सुनाया जाऊ आय, ऐईकाजे कि ‘हुनमन दकते-दकते बले नी दकोत, आउर सुनते-सुनते बले नी समजोत।’

यूहन्ना 6:65

आउर हुन बल्लो, “ऐईकाजे मय तुमचो ले बोलुन रले कि जिदलदाय ले काकीई बुआ चो बाटले ये बर नी दिया जाए तेबे तक हुन मोचो लगे नी ऐऊक सके।”

यूहन्ना 7:17

अगर कोनी हुनचो इच्छा थाने चलुक चाहाओ, तेबे हुन ऐ उपदेश चो बारे ने जाने दे कि ऐ माहापुरू चो बाटले आय नाहले मय आपलो बाटले बलें सें।

प्रेरितो 16:14

लुदिया नाव चो थुआथीरा नंगर चो बैंजनी फटीईमन बिकतो बिती गोटक भगत बायले लेकी सुनते रली। परबु हुनचो मन खोललो कि हुन पौलुस चो गोठमन थाने मन लगा ओ।

रोमियो 11:25

हे भाईमन, काहांय असन नी होओ कि तुमी आपन खुद के अकल बिता समजा; ऐईकाजे मय नी चाहायें कि तुमी ऐ भेद ले अनजान राहा कि जिदलदाय ले दुसर जातिमन पुईतराय रीति ले नी ओलोत, हुदलदाय ले इस्राएल चो गोटक भाग असने ची कठोर रये दे।

रोमियो 16:25

अदायं जोन तुमके मोचो नगतखबर आउर ईशु मसीह चो खबर चो परचार चो अनुसार थीर करूक सके, हुन भेद चो उजर चो अनुसार जोन हरमेशा ले लुकु रली,

1 कुरिन्थियो 13:2

आउर अगर मय अगम गोठ करूक सकें दें आउर सपाय भेदमन आउर सपाय परकार चो गिआन के समजेंदें, आउर मोके ऐथा ले पुरा बिश्वास होओ कि मय डोंगरीमन के गुचाऊन देयेंदे, मान्तर मया नी संगायें, तो मय काईची बले नुआय।

1 कुरिन्थियो 15:51

दका, मय तुमके भेद चो गोठ बलें सें आमी सपाय नी मरवां, मान्तर सपाय बदलुन जांवा,

1 कुरिन्थियो 2:14

मान्तर शारीरिक माने माहापुरू चो आत्मा चो गोठमन गरहन नी करे, कसनबल्लोने हुनमन हुनचो नजर ने मुरूकता चो गोठमन आय, आउर ना हुन हुनमन के जानुक सके कसनबल्लोने हुनमन चो जाच आत्मिक रीति ले होऊ आय।

1 कुरिन्थियो 2:7

मान्तर आमी माहापुरू चो हुन गुपत गिआन, भेद चो रीति थाने सांगु आंव, जेके माहापुरू जुग-जुग ले आमचो महिमा चो काजे ठेबालो।

1 कुरिन्थियो 4:1

माने आमके मसीह चो सेवक आउर माहापुरू चो भेदमन चो भण्डारी समजोत।

1 कुरिन्थियो 4:7

कसनबल्लोने तुचो ने आउर दुसर ने कोन भेद करू आय? आउर तुचो लगे काय आसे जोन तुय (दुसर ले) नी पावलीस? आउर तुचो लगे काय आसे जोन तुय (दुसर ले) पावली सीस, तो असन घमण्ड केंव करू आस कि माना नी पावलीस?

इफिसीयो 1:18

आउर तुमचो मन चो आँईकमन उजर मय होओ कि तुमी जाना कि हुनचो बुलाहट चो आशा काय आय, आउर पवितर लोगमन ने हुनचो हक चो महिमा चो धन कसन आय,

इफिसीयो 1:9

कसनबल्लोने हुन आपलो इच्छा चो भेद हुन नुकु इच्छा चो अनुसार आमके सांगलो, जेके हुन आपन खुद ठानुन रये

इफिसीयो 5:32

ऐ भेद तो बड़े आय, मान्तर मय ऐथा मसीह आउर कलीसिया चो बारे ने बलेंसें।

इफिसीयो 6:19

आउर मोचो काजे बले कि मोके बोलतोर समया असन परबल बचन दिया जाओ कि मय साआस चो संगे नगतखबर चो भेद सांगुक सकें,

कुलुस्सियो 2:2

बल्ले हुनमन चो मनमन ने शान्ति होओ आउर हुनमन मया ले आपस ने बन्दुन रओत, आउर हुनमन पुईतराय समज चो धन परापत करोत, आउर माहापुरू बुआ चो भेद के बल्लोने मसीह के चिता ओत।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

1तीमुथियुस 3:9

मान्तर बिश्वास चो भेद के शुद्ध बिबक ले बचाऊन संगा ओ।

याकूब 1:5

मान्तर अगर तुमनमन ले कोकीई अकल चो कमी आसे जाले तेबे माहापुरू ले मांगा, जोन बिना काई बोलुन सपाय के उदारता ले देऊ आय, आउर हुनके दिया जायदे।

1यूहन्ना 2:20

मान्तर तुमचो तो हुन पवितर ले अभिषेक होली से, आउर तुमी सपाय काई जानेसास।

1यूहन्ना 2:27

मान्तर तुमचो हुन अभिषेक जोन हुनचो बाटले कराए गेली, तुमचो ने बनुन रऊ आय; आउर तुमके ऐचो जरूरत निआय कि कोनी तुमके सिका ओत, बल्लोने जसन हुन अभिषेक जोन हुनचो बाटले कराए गेली तुमके सपाय गोठमन सिकाऊ आय, आउर ऐ सते आय आउर फंद नुआय; आउर जसन हुन तुमके सिका लो से हुसने ची तुमी हुन थाने बनुन रऊ आहास।